LIKE NGA KLISIFUƐ’M BE YO’N
?A kwla yiyi like nga a lafi su’n i nun kle sran?
Sɛ sran kun usa ɔ kɛ: ?Ngue ti yɛ a lafi su kɛ Ɲanmiɛn yɛ ɔ yili like kwlaa-ɔ? ?Wafa sɛ yɛ á tɛ́ i su-ɔ? Kɛ ɔ ko yo naan w’a tɛ i su’n, ɔ fata kɛ a yo like nɲɔn. I klikli’n, ɔ fata kɛ ɔ bɔbɔ a lafi su kɛ ninnge’m b’a boman nun sa ngbɛn. (Rɔm 12:1, 2) I nɲɔn su’n, ɔ fata kɛ a bu wafa nga a kwla yiyi like nga a lafi su’n, i nun kle sran.—Nya 15:28.
AN NIAN VIDEO NGA BE FLƐ I KƐ DƆƆTRƆ KUN M’Ɔ YO SRAN’M BE OWIE’N I AYRE’N Ɔ KƐN I ƝANMIƐN SULAFILƐ I NDƐ, Ɔ NIN VIDEO NGA BE FLƐ I KƐ SRAN KUN M’Ɔ SUAN NNƐN’M BE SU LIKE’N Ɔ KƐN I ƝANMIƐN SULAFILƐ I NDƐ. ÁN WÚN LIKE NGA TI YƐ SRAN WIE’M BE LAFI SU KƐ ƝANMIƐN YƐ Ɔ YILI LIKE KWLAA’N. I SIN’N, AN TƐ KOSAN NGA’M BE SU:
?Ngue ti yɛ Irɛnin Ɔfu Loranso lafi su kɛ Ɲanmiɛn yɛ ɔ yili e naan e finman ndo-ɔ?
?Ngue ti yɛ Yarɔsulavu Dovanici lafi su kɛ Ɲanmiɛn yɛ ɔ yili ninnge mun naan b’a boman nun sa ngbɛn-ɔn?
?Wafa sɛ yɛ a kwla yiyi nun kle sran kun kɛ Ɲanmiɛn yɛ ɔ yili like kwlaa-ɔ?
?Ninnge nga Anuannzɛ’n yili be’n, be nun onin yɛ ɔ kwla uka ɔ naan w’a lafi su kɛ Ɲanmiɛn yɛ ɔ yili like kwlaa-ɔ? ?Yɛ be nun onin yɛ a kwla fa uka sran mun naan b’a wun i wlɛ kɛ Ɲanmiɛn yɛ ɔ yili like kwlaa-ɔ?