Kle wafa nga be kwla nanti ndɛ’n su’n

Nyanndra Mun 3:21

LIKE NG’Ɔ FATA KƐ A YO’N: Like nga ti yɛ ndɛ nga a su kan’n, ɔ ti cinnjin man ɔ ndɛ tiefuɛ mun’n, uka be naan be wun i wlɛ. Kpɛkun kle be wafa nga be kwla nanti su’n.

WAFA NGA Á YÓ’N:

• Bu ɔ ndɛ tiefuɛ’m be akunndan. Ndɛ nga á wá yíyí nun’n, like nga ti yɛ ɔ ti cinnjin man ɔ ndɛ tiefuɛ mun’n, bu i akunndan. Kpɛkun bu wafa nga ndɛ sɔ’n kwla uka be’n, i akunndan wie.

• Kɛ á yíyí ndɛ’n nun’n, kle ɔ ndɛ tiefuɛ mun like ng’ɔ fata kɛ be yo’n. Kɛ á bó ɔ ndɛ’n i kanlɛ bo’n, maan ɔ ndɛ tiefuɛ’m be kwlaa be wun i wlɛ kɛ ndɛ’n ti be ngba be liɛ. Ndɛ cinnjin kwlaa nga á yíyí nun’n, kle wafa trele kun nga be kwla nanti su’n. Nán kan ndɛ mun sa ngbɛn guɛ i lɛ.