JUE 14
E manman asiɛ’n i Siefuɛ uflɛuflɛ’n
Nga be yili i fluwa su'n
1. Mɛnmɛn ɔ nin nvlenvle’m be nun
sran kpanngban kpa be su yia,
Klist nin i asɔnun’n yɛ
be yiali sran kwlaa sɔ mun ɔn.
Ɲanmiɛn i Sielɛ’n w’a taka,
Asiɛ’n sufuɛ’m bé wá dí ye.
Ɲanmiɛn i like sɔ’n le’a wunsu,
Ɔ maan e di aklunjuɛ kpa.
(I SU SƆLƐ)
Manman e Min Zoova, manman i Wa’n titi,
Afin ɔ ti famiɛn’m be famiɛn.
Siɛn’n e kwlakwla e fia i Sielɛ’n bo
E yo i mo tititi.
2. Klist m’ɔ ti e Famiɛn m’ɔ sie’n,
e bo sro e mɛnmɛn i.
Aunjuɛ wlengbi sɔ’n yó sa i nuan su
maan é ɲán e ti.
E wun kɛ e klun wá jɔ́ dan
Awlaboe’n su tranman lɛ kun.
E Min’n ɔ́ wá cɛ́n ɔwuliɛ mun.
Nanwlɛ, aklunjuɛ’n kún e kpo!
(I SU SƆLƐ)
Manman e Min Zoova, manman i Wa’n titi,
Afin ɔ ti famiɛn’m be famiɛn.
Siɛn’n e kwlakwla e fia i Sielɛ’n bo
E yo i mo tititi.