Like ng’ɔ ti cinnjin kpa Ɲanmiɛn i tannin sua’n nun’n

25:9, 21, 22

Like ng’ɔ ti cinnjin kpa Ɲanmiɛn i tannin sua’n nun lɔ nin Izraɛli nvle’n nun’n, yɛle Ɲanmiɛn i alaka’n. Like ng’ɔ kle kɛ Ɲanmiɛn o lɛ’n yɛle sin wɛnsrɛn ng’ɔ fite anzi nga be nian Ɲanmiɛn i ninnge’m be su mɔ be o Ɲanmiɛn i alaka’n i tre’n su’n be afiɛn’n. Kɛ sa tɛ i ti srɛlɛ cɛn dan’n juli’n, Ɲanmiɛn ɲrun jranfuɛ dan’n wluli Sua ba ngunmin kun m’ɔ ti Ɲanmiɛn liɛ klonglo’n nun. Kpɛkun ɔ fali nannin tola mmoja ɔ nin boli mmoja kpɛntɛnkpɛntɛnnin Ɲanmiɛn i alaka’n i tre’n i ɲrun lɛ. Ɔ yoli i sɔ naan Ɲanmiɛn yaci Izraɛlifuɛ’m be sa tɛ’n cɛ be. (Sau 16:14, 15) I sɔ m’ɔ yoli’n, ɔ ti blɛ nga Zezi m’ɔ ti Ɲanmiɛn ɲrun jranfuɛ’m be nun danfuɛ’n ɔ ɔli Zoova i ɲrun lɔ ɲanmiɛn su lɔ, ɔ ko fɛli i nguan mɔ fɔ nunman nun’n m’ɔ fa yili tɛ’n kleli Zoova’n i nzɔliɛ.—Ebr 9:24-26.

Fa Biblu’n nun ndɛ mma kun yɛ kle ye ng’ɔ nin i kɔ likawlɛ’n

BIBLU’N NUN NDƐ MMA MUN

• 1Zn 1:8, 9

• Ebr 9:13, 14

• Rɔm 6:23

YE NGA É ƝƐ́N I’N

• e lafi su kɛ é trán nguan nun tititi

• Ɲanmiɛn yáci e sa tɛ mun cɛ́ e

• e akunndan’n buman e fɔ

?Ngue yɛ ɔ fata kɛ e yo naan y’a ɲan ye sɔ mun-ɔn?