Zoova kleli kɛ i klun jɔ be wun

8:6-9, 12; 9:1-5, 23, 24

Kɛ Moizi sieli Aarɔn nin i mma mun Ɲanmiɛn ɲrun jranfuɛ’n, Zoova yoli maan sin kun fin ɲanmiɛn su jrali tɛ yiwlɛ’n su. Kpɛkun ɔ yrali nnɛn nga be su fa yi tɛ’n i kɔlikɔli. I sɔ mɔ Zoova yoli’n, ɔ kle kɛ i klun jɔ Aarɔn nin i mma’m be wun naan ɔ suan be bo. Asa’n, i sɔ’n yoli maan nvlefuɛ nga be yiali cɛn sɔ nun mɔ be wunnin sa sɔ’n nun’n be wunnin i wlɛ kɛ, ɔ fata kɛ be suan Aarɔn nin i mma’m bo wie. Andɛ’n, Zezi Klisi yɛ ɔ ti Ɲanmiɛn Ɲrun Jranfuɛ Dan’n niɔn. (Ebr 9:11, 12) Afuɛ 1919 nun’n, Zezi kpali sran akpasua kaan kun naan ɔ yo ‘junman difuɛ nanwlɛfuɛ m’ɔ si ngwlɛlɛ’n.’ (Mt 24:45) ?Sanngɛ ngue yɛ ɔ kle kɛ Zoova suan junman difuɛ nanwlɛfuɛ sɔ’n i bo naan i klun jɔ i wun-ɔn?

• Kannzɛ sran’m be yaciman Ɲanmiɛn i sufuɛ’m be yalɛ klelɛ’n, sanngɛ junman difuɛ nanwlɛfuɛ m’ɔ si ngwlɛlɛ’n ɔ nian be lika titi naan b’a kwla lafi Ɲanmiɛn su.

• Ɲanmiɛn Ndɛ’n seli kɛ bé wá bó ‘jasin fɛ’n mɛn wunmuan’n nun.’ I sɔ kusu yɛ e wun i andɛ-ɔ.​—Mt 24:14

?Wafa sɛ yɛ e kwla suan junman difuɛ nanwlɛfuɛ m’ɔ si ngwlɛlɛ’n i bo kpa-ɔ?