Zoova, aunjuɛ Ɲanmiɛn

1. Zoova, sran klofuɛ dan,

Ɔ waan á mán e aunjuɛ.

I ti’n fa ɔ wawɛ’n man e.

Maan e yo i nuan su sa.

Ɔ Wa m’ɔ di nanwlɛ’n,

E lafi i su kpa ti’n

E nin wɔ e kwla tra janvuɛ.

E nin wɔ e afiɛn sɛ.

2. Ɔ wawɛ’n uka e,

Ɔ Ndɛ’n ɔ kpaja e bo.

Mɛn mɔ w’a yo tɛ kpa yɛ’n nun’n

A kle e atin kpafuɛ’n.

Lele naan alɛ’n nin

Ɲrɛnnɛn’n b’a wie mlɔnmlɔnmlɔn’n,

Maan ɔ wawɛ’n ɔ yra e su

Naan e tran fɔun nun titi.

3. A yiali sran kpa mun,

Nglo lɔ nin asiɛ’n su wa.

Ɔ wawɛ’n ti e bo ti kun.

E bo ɔ Sielɛ’n i jɔ.

Ɔ Sielɛ kpa sɔ’n ti’n

Ɔ cɛ kan alɛ’n ɔ́ wíe.

Ɔ maan wun ase kanfuɛ mun

Be wun wá jɔ́ be titi.