Zoova
I dunman’n
Dunman Zoova’n i bo’n yɛle “Ɔ yo maan ɔ kaci”
?Sran wafa benin yɛ Zoova kaci annzɛ ngue yɛ ɔ yo naan w’a kwla niɛn i sufuɛ’m be lika-ɔ?
Ju 19:14; 68:5; Eza 33:22; 40:11; 2Ko 1:3, 4
Nian Ju 118:14; Eza 30:20; Zer 3:14; Zkr 2:5 be nun wie.
?Ngue ti yɛ Ɲanmiɛn i dunman’n i sanwun yolɛ’n yɛ ɔ ti cinnjin tra like kwlaa-ɔ?
?Ngue ti yɛ ɔ fata kɛ e kwlaa e ɲin yi Zoova-ɔ?
Zoova i manmanlɛ dunman wie mun
Famiɛn m’ɔ o lɛ titi’n—1Ti 1:17; Ngl 15:3
Like Klefuɛ Dan—Eza 30:20
Miɛn m’ɔ Sie Like Kwlakwla’n—Eza 25:8; Amɔ 3:7
Ɲanmiɛn m’ɔ Kwla Like Kwlaa Yo’n —Bob 17:1; Ngl 19:6
Ɲanmiɛn m’ɔ o Like Kwlaa Ti Su’n —Bob 14:18-22; Ju 7:17
Siɛ—Mat 6:9; Zan 5:21
Sran ng’ɔ le ɲrun kpa’n—Ebr 1:3; 8:1
Yɔbuɛ’n—Mml 32:4; Eza 26:4
Zoova m’ɔ ti sonja’m be su kpɛn’n —1Sa 1:11
Zoova i nzuɛn wie mɔ be yo ɲɛnmɛn’n
?Wafa sɛ yɛ Zoova kleli kɛ ɔ ti sanwun-ɔn? ?Yɛ i sɔ’n ti’n ngue yɛ ɔ fata kɛ i sufuɛ’m be yo-ɔ?
Tul 28:36; San 19:2; 2Ko 7:1; 1Pi 1:13-16
Biblu’n nun ndɛ mɔ be kwla uka e’n:
Eza 6:1-8—Ɲanmiɛn nuan ijɔfuɛ Ezai wunnin aolia nun sa kun m’ɔ kle kɛ Zoova ti sanwun-ɔn. Kɛ ɔ wunnin i sɔ’n, i bo bolɛ nun’n srɛ kunnin i. Sanngɛ serafɛn kun wlɛli i fanngan seli i kɛ klɔ sran mɔ fɔ o i nun bɔbɔ’n, ɔ kwla yo sanwun Ɲanmiɛn ɲrun.
Rɔm 6:12-23; 12:1, 2—Akoto Pɔlu kannin like nga e kwla yo naan sa tɛ’n w’a sieman e kun naan y’a ‘yo sanwun’n’ i ndɛ.
?Ngue yɛ ɔ kle kɛ Zoova i tinmin’n cɛnnin-ɔn? ?Yɛ ngue yɛ ɔ fɛ i tinmin sɔ’n fa yo-ɔ?
Tul 15:3-6; 2Ɲo 16:9; Eza 40:22, 25, 26, 28-31
Biblu’n nun ndɛ mɔ be kwla uka e’n:
Mml 8:12-18—Moizi kpɛnnin Izraɛlifuɛ’m be wla kɛ, kɛ mɔ Zoova fɛli i tinmin’n deli be’n, i ti yɛ be ɲannin ninnge nga be le be’n mun-ɔn.
1Fa 19:9-14—Zoova yili i tinmin dan’n i nglo kleli i nuan ijɔfuɛ Eli fa wlɛli i fanngan.
?Ngue ti yɛ Zoova i sa nuan su sɛsɛ yolɛ’n leman wunsu-ɔ?
Mml 32:4; Zɔb 34:10; 37:23; Ju 37:28; Eza 33:22
Biblu’n nun ndɛ mɔ be kwla uka e’n:
Mml 24:16-22—Moizi Mmla’n kle weiin kɛ Zoova i sa nuan su sɛsɛ yolɛ’n nin i sran klolɛ’n ɔ nin i sran aunnvɔɛ silɛ’n be kɔ likawlɛ titi.
2Ɲo 19:4-7—Famiɛn Zozafati seli jɔlɛ difuɛ ng’ɔ kpali be’n be kɛ nán maan be wla fi su kɛ nán sran dunman nun yɛ be di jɔlɛ’n niɔn, sanngɛ Zoova dunman nun-ɔn.
?Ngue yɛ ɔ kle kɛ Zoova i ngwlɛlɛ’n leman wunsu-ɔ?
Ju 104:24; Ɲan 2:1-8; Zer 10:12; Rɔm 11:33; 16:27
Nian Ju 139:14; Zer 17:10 be nun wie.
Biblu’n nun ndɛ mɔ be kwla uka e’n:
1Fa 4:29-34—Zoova yoli maan Famiɛn Salomɔn i ngwlɛlɛ’n trali i blɛ su sran’m be kwlaa be liɛ’n.
Lik 11:31; Zan 7:14-18—Zezi si ngwlɛlɛ tra Salomɔn lele. Sanngɛ ɔ dili i nanwlɛ kɛ i ngwlɛlɛ sɔ’n fin Zoova.
?Ngue yɛ Zoova yoli fa kleli kɛ klolɛ’n yɛ ɔ ti i nzuɛn’m be nun cinnjin kpafuɛ’n niɔn?
Zan 3:16; Rɔm 8:32; 1Zn 4:8-10, 19
Nian Sof 3:17; Zan 3:35 be nun wie.
Biblu’n nun ndɛ mɔ be kwla uka e’n:
Mat 10:29-31—Zezi fali ndrofia’m be su sunnzun ase fa kleli kɛ Zoova klo i sufuɛ’m be tinuntinun dan naan be ti i cinnjin kpa.
Mar 1:9-11—Kɛ Zoova o ɲanmiɛn su lɔ’n, ɔ kannin ndɛ kleli i Wa m’ɔ o asiɛ’n su wa’n. Ɔ seli i kɛ ɔ klo i naan i klun jɔ i wun. I sɔ yɛ bakan kwlaa kunndɛ kɛ i si annzɛ i nin yo-ɔ.
?Ninnge benin wie mun ekun ti yɛ e klo Zoova-ɔ? Biblu’n kan Zoova i nzuɛn ɲɛnmɛn wie mun ekun be ndɛ. I wie yɛle kɛ:
Ɔ o lɛ tititi, ɔ leman bo bolɛ yɛ ɔ leman awieliɛ.—Ju 90:2; 93:2
Ɔ di aklunjɔɛ.—1Ti 1:11
Ɔ kaciman le, yɛ be kwla lafi i su. —Mal 3:6; Zak 1:17
Ɔ kɛn i wun ase.—Ju 18:35
Ɔ klo fɔundi.—Fip 4:9
Ɔ le ɲrun dan.—Ngl 4:1-6
Ɔ si aunnvɔɛ.—Eza 49:15; 63:9; Zkr 2:8
Ɔ ti aklunyefuɛ.—Lik 6:35; Rɔm 2:4
Ɔ ti kpa dan.—Ju 7:9
Ɔ ti nanwlɛfuɛ.—Ngl 15:4
Ɔ trɛ i awlɛn.—Eza 30:18; 2Pi 3:9
Ɔ wun sa kwlaa.—2Ɲo 16:9; Ɲan 15:3
Ɔ yaci sa cɛ.—Tul 34:6
I aɲrunɲan’n ti dan.—Ju 8:1; 148:13
I klun ti ufue.—Ju 104:13-15; 145:16
?Sɛ e si Ɲanmiɛn Zoova kpa’n, ngue yɛ é yó-ɔ?
Wafa ng’ɔ fata kɛ e su Zoova’n
?Ngue yɛ ɔ kle kɛ Zoova semɛn i sufuɛ’m be kɛ be yo like nga be kwlá yoman’n niɔn?
Biblu’n nun ndɛ mɔ be kwla uka e’n:
Mml 30:11-14—Mmla nga Zoova fa mannin Moizi kɛ ɔ fa man Izraɛlifuɛ mun’n, i su falɛ’n timan kekle ngboko.
Mat 11:28-30—Zezi seli i sɔnnzɔnfuɛ’m be kɛ ɔ ti wɛtɛɛfuɛ. Kusu Zezi ti kɛ Zoova sa cɛ.
?Ngue ti yɛ Zoova nin manmanlɛ fata-ɔ?
Ju 105:1, 2; Eza 43:10-12, 21
Nian Zer 20:9; Lik 6:45; Yol 4:19, 20 be nun wie.
Biblu’n nun ndɛ mɔ be kwla uka e’n:
Ju 104:1, 2, 10-20, 33, 34—Kɛ jue tofuɛ’n niannin ninnge nga Zoova yili be’n, ɔ wunnin i wlɛ kɛ ɔ fata kɛ ɔ mɛnmɛn i.
Ju 148:1-14—Anzi mun nin ninnge uflɛ nga Zoova yili be’n be manman Zoova. Ɔ maan ɔ fata kɛ e kusu e yo sɔ wie.
?Wafa sɛ yɛ e ayeliɛ’n kwla manman Zoova-ɔ?
?Ngue ti yɛ ɔ fata kɛ e fa e wun e mantan Zoova-ɔ?
?Ngue ti yɛ sɛ e waan é fá e wun mántan Zoova’n, ɔ fata kɛ e yo wun ase kanfuɛ-ɔ?
?Wafa sɛ yɛ Biblu’n nun kannganlɛ’n nin i su akunndan bulɛ’n be kwla uka e naan y’a fa e wun y’a mantan Zoova-ɔ?
?Ngue ti yɛ ɔ ti cinnjin kɛ Zoova i su like nga e suan’n, e nian su e nanti-ɔ?
?Ngue ti yɛ ɔ fataman kɛ ɔ kpɛn e ti nun le kɛ é fá sa tɛ wie é fía Zoova i wun-ɔn?
Zɔb 34:22; Ɲan 28:13; Zer 23:24; 1Ti 5:24, 25
Biblu’n nun ndɛ mɔ be kwla uka e’n:
2Fa 5:20-27—Geazi kunndɛli kɛ ɔ́ fíɛ i sa tɛ’n su, sanngɛ Zoova yoli maan i nuan ijɔfuɛ Elize trɛli i.
Yol 5:1-11—Ananiasi nin Safira be kunndɛli kɛ bé fía be sa tɛ’n su, sanngɛ Zoova yili i nglo yɛ ɔ tuli be fɔ kekle kpa. Afin be buali ato kleli Ɲanmiɛn wawɛ’n.