KOSAN 18
?Wafa sɛ yɛ e kwla fa e wun mantan Ɲanmiɛn-ɔn?
“Ee, wɔ mɔ a tie srɛlɛ’n, sran wafawafa kwlaa bé wá bá ɔ sin.”
“Fa ɔ wla’n kwlaa guɛ i Zoova su, nán lafi ɔ bɔbɔ ɔ akunndan liɛ’n su. Like kwlaa nga á yó’n, bu i akunndan, yɛ i kusu bó ɔ ɲrun atin.”
“Kɛ ɔ ko yo naan b’a ɲan nguan m’ɔ leman awieliɛ’n, ɔ ti cinnjin kɛ be si wɔ mɔ ɔ kunngba cɛ yɛ a ti Ɲanmiɛn Kpli’n, ɔ nin sran nga a sunmɛnnin i’n mɔ yɛle Zezi Klisi’n.”
“Afin nanwlɛ, [Ɲanmiɛn] nin e nun wie fi nunman mmua.”
“Like nga ti yɛ n srɛ Ɲanmiɛn titi’n, yɛle kɛ an klo Ɲanmiɛn nin sran kpa tra laa’n naan amun si ndɛ ng’ɔ ti nanwlɛ’n, yɛ an wun sa wlɛ kpa.”
“Sɛ amun nun wie wunman sa wlɛ’n, maan ɔ srɛ Ɲanmiɛn titi kɛ ɔ mɛn i ngwlɛlɛ. Like ng’ɔ srɛ i’n, ɔ́ fá mɛ́n i. Afin Ɲanmiɛn liɛ’n, ɔ man sran’m be kwlaa be like klun ufue su, yɛ kɛ ɔ́ yó sɔ’n ɔ ijɔmɛn i sin.”
“An fa amun wun mantan Ɲanmiɛn, yɛ ɔ́ fɛ́ i wun mántan amun. Sa tɛ yofuɛ mun, an yaci sa tɛ’n i yolɛ. Amun mɔ amun akunndan’n ti nɲɔnnɲɔn’n, an yaci akunndan tɛtɛ’n.”
“Ɲanmiɛn i klolɛ’n yɛle kɛ e fɛ i mmla’m be su. Yɛ kusu i mmla’m be su falɛ yoman ya.”