B’A UKA NINNGE’M BE GUA’N SU ?É YÓ I SƐ?

Lafi su kɛ e ɲrun lɔ’n yó kpa

?Nvle nga a tran nun’n, sika ndɛ’n ti kekle lɔ? ?Kɛ ɔ ko yo naan w’a nian ɔ bɔbɔ nin ɔ awlofuɛ’m be lika’n, ɔ ti kekle? Sɛ ɔ ti sɔ’n, a kwla bu i kɛ lika’n su yoman kpa manman ɔ le. Kannzɛ lika’n ti kekle sɛ’n, sanngɛ ɔ ti cinnjin kɛ a lafi su kɛ e ɲrun lɔ’n yó kpa.

LIKE NGA TI YƐ I SƆ’N TI CINNJIN’N

Be nga be lafi su kɛ be ɲrun lɔ’n yó kpa’n, be minndɛman ngbɛn kɛ muae wa to be. Sanngɛ be fa ajalɛ wie mun naan b’a wun sa ng’ɔ o be su’n i trawlɛ. Fluwa sifuɛ wie’m be sieli i nzɔliɛ kɛ blɛ sunman’n be nga be lafi su kɛ be ɲrun lɔ’n yó kpa’n ...

be tra be awlɛn sa kekle’m be nun.
kɛ sa’n fa ti’n, i su yɛ be nian be fa ajalɛ-ɔ.
be yo ninnge wie mun naan b’a kwla yo juejue titi, naan b’a kwla di aklunjɔɛ kusu.

LIKE NGA A KWLA YO’N

I klikli nun’n, wun i wlɛ kɛ Biblu’n kwla uka wɔ dɔ nga su. Sɛ ninnge’m be gua mɔ b’a uka su’n ti’n, sika ndɛ’n ti kekle wɔ su’n, afɔtuɛ nga be o Biblu’n nun’n be kwla uka wɔ kpa. Afɔtuɛ sɔ’m be kwla uka wɔ naan w’a wun sa ng’ɔ o ɔ su’n i trawlɛ. Kpɛkun sɛ sa uflɛ tɔ ɔ su’n, á kwlá jrán kekle.

“Akunndan bulɛ’n wá nían ɔ su, yɛ sa wlɛ wunlɛ’n sásá ɔ.”—Ɲanndra Mun 2:11.

I nɲɔn su’n, ɔ fata kɛ a si e ɲrun lɔ sa’m be su ndɛ nga Biblu’n kan’n. Sɛ a wun i wlɛ kɛ afɔtuɛ nga be o Biblu’n nun’n be leman wunsu’n, á kúnndɛ kɛ á sí e ɲrun lɔ sa’m be su ndɛ ng’ɔ kan’n i kpa. I wie yɛle kɛ Biblu’n se kɛ Ɲanmiɛn kunndɛ kɛ ‘e ɲrun lɔ’n yo kpa naan e wla gua ase.’ Kpɛkun ɔ se ekun kɛ Ɲanmiɛn kpɛli like kun ba naan y’a lafi su kɛ e ɲrun lɔ’n yó kpa sakpa. (Zeremin 29:11) Like sɔ’n yɛle Ɲanmiɛn Sielɛ’n.

?NGUE YƐLE ƝANMIƐN SIELƐ’N??YƐ NGUE YƐ Ɔ́ WÁ YÓ-Ɔ?

Ɲanmiɛn Sielɛ’n ti awa kun, yɛ ɔ́ wá síe asiɛ wunmuan’n. (Daniɛli 2:44; Matie 6:10) Awa sɔ’n wo ɲanmiɛn su lɔ, yɛ ɔ́ wá yó maan ɲrɛnnɛn’n nin yalɛ’n bé wíe. Ɔ maan sran’m bé dí fɔundi yɛ be su mianman like fi wun kun. I sɔ’n yɛ Biblu’n nun ndɛ mma nga’m be kan-ɔn.

“Á dí aklunjɔɛ yɛ á ɲán ɔ wun.”—Jue Mun 128:2.

“[Sran mun] be su fɛman ngbɛn.”—Ezai 65:23.

“Ble nin i wunsu ninnge’m bé bú asiɛ’n su.”—Jue Mun 72:16.

Sran miliɔn kaka be lafi ndɛ sɔ’m be su. Afin be si kɛ Ɲanmiɛn ‘kwlá buaman ato.’ (Titi 1:2) Sɛ ɔ bɔbɔ a kanngan Biblu’n nun’n, á láfi ndɛ sɔ’m be su wie. Sɛ sika ndɛ’n ti kekle ɔ su’n, ndɛ ng’ɔ o Biblu’n nun’n kwla uka wɔ naan w’a wun i trawlɛ. Asa’n, ɔ kwla uka ɔ naan w’a lafi su kɛ e ɲrun lɔ’n yó kpa.