Biblu’n nun ndɛ’m be kpɔlɛ bolɛ fluwa’n i nun like suanlɛ’n su kosan

Ndɛ 1

Ɲanmiɛn bo ninnge’m be yilɛ’n i bo

1. ?Ninnge kpakpa kwlaa fin wan? ?Yɛ amun kwla man sunnzun ase kun?

2. ?Ngue yɛ Ɲanmiɛn dun mmua yili ɔ?

3. ?Ngue ti yɛ anzi klikli’n, ɔ ti i liɛ ngunmin’n niɔn?

4. ?I bo bolɛ nun’n, ngue like yɛ asiɛ’n fɛ i ɔ? Yiyi nun. (Nian desɛn’n su.)

5. ?Wafa sɛ yɛ Ɲanmiɛn siesieli asiɛ’n fa mannin nnɛn nin sran mun ɔn?

Kosan nga be klɛ uka su’n:

1. Kanngan Zeremi 10:12 nun.

   ?Ɲanmiɛn i wafa benin mun yɛ ninnge nga ɔ yili be’n, be yi i nglo ɔ? (Eza. 40:26; Rɔm. 11:33)

2. Kanngan Kolɔsfuɛ Mun 1:15-17 nun.

   ?Ninnge’m be yilɛ nun’n, ngue junman yɛ Zezi dili ɔ? ?Yɛ wafa sɛ yɛ i sɔ’n ɲan ta wafa nga amun bu Zezi siɛn’n, i su ɔ? (Kol. 1:15-17)

3. Kanngan Bo Bolɛ 1:1-10 nun.

   1. ?Asiɛ’n fin nin? (Bob. 1:1)

   2. ?Ninnge’m be yilɛ i cɛn ba klikli su’n, ngue sa yɛ ɔ yoli ɔ? (Bob. 1:3-5)

   3. ?Kan sa nga ɔ juli ninnge’m be yilɛ i cɛn ba nɲɔn su’n i ndɛ? (Bob. 1:7, 8)

Ndɛ 2

Fie klanman kun

1. ?Wafa sɛ yɛ Ɲanmiɛn siesieli asiɛ’n naan ɔ kaci e tranwlɛ ɔ?

2. Kan nnɛn fanunfanun nga Ɲanmiɛn yili be’n, be ndɛ. (Nian desɛn’n su.)

3. ?Ngue ti yɛ Edɛni fie’n ti i liɛ ngunmin ɔn?

4. ?Ngue yɛ Ɲanmiɛn kloli kɛ asiɛ’n wunmuan’n kaci ɔ?

Kosan nga be klɛ uka su’n:

1. Kanngan Bo Bolɛ 1:11-25 nun.

   1. ?Ngue like yɛ Ɲanmiɛn yili i cɛn ba nsan’n su ɔ? (Bob. 1:12)

   2. ?Kɛ bé yí ninnge mun cɛn ba nnan su’n, ngue sa yɛ ɔ yoli ɔ? (Bob. 1:16)

   3. ?Nnɛn wafa benin mun yɛ Ɲanmiɛn yili be cɛn ba nsiɛn’n nin nso’n su ɔ? (Bob. 1:20, 21, 25)

2. Kanngan Bo Bolɛ 2:8, 9 nun.

   ?Waka nɲɔn benin yɛ be ti be liɛ ngunmin mɔ Ɲanmiɛn fa sieli i fie’n nun ɔn? ?Yɛ like benin i nzɔliɛ yɛle be?

Ndɛ 3

Adam nin Ɛvu

1. ?Ndɛ 3 i nun desɛn’n, ɔ nin ndɛ 2 i nun desɛn’n be ngbaciɛ’n yɛle benin?

2. ?Wan yɛ ɔ yili sran klikli’n niɔn? ?Yɛ be flɛ sran klikli sɔ’n sɛ?

3. ?Ngue junman yɛ Ɲanmiɛn fa mannin Adam kɛ ɔ di ɔ?

4. ?Ngue ti yɛ Ɲanmiɛn yoli maan Adam lafili kpa sa pɔɔ’n niɔn?

5. ?Adam nin Ɛvu be kwla ka nguan nun lele afuɛ nɲɛ, yɛ ngue junman yɛ Zoova fa mannin be kɛ be di ɔ?

Kosan nga be klɛ uka su’n:

1. Kanngan Jue Mun 83:19 nun: “Maan be si kɛ wɔ bɔ ɔ dunman’n yɛle [Zoova’n, NW] ɔ kunngba cɛ yɛ like fi nunman ɔ sin asiɛ wunmuan’n su ɔ.”

   ?Be flɛ Ɲanmiɛn sɛ? ?Yɛ i kunngba cɛ ɔ ti i liɛ sɛ asiɛ’n su? (Zer. 16:21; Dan. 4:19)

2. Kanngan Bo Bolɛ 1:26-31 nun.

   1. ?Like nanndoliɛ benin yɛ Ɲanmiɛn yili i cɛn ba nsiɛn’n su ɔ? ?Yɛ wafa sɛ yɛ like sɔ’n, ɔ nin nnɛn’m be timan kun ɔn? (Bob. 1:26)

   2. ?Ngue yɛ Zoova fa mannin sran nin nnɛn mun ɔn? (Bob. 1:30)

3. Kanngan Bo Bolɛ 2:7-25 nun.

   1. ?Wafa sɛ yɛ Adam kwla tɔnnin nnɛn’m be dunman ɔn? (Bob. 2:19)

   2. ?Wafa sɛ yɛ Bo Bolɛ 2:24 uka e naan y’a wun wafa nga Ɲanmiɛn bu aja’n, ɔ nin be wun nun titilɛ’n, ɔ nin be wun yralɛ’n niɔn? (Mat. 19:4-6, 9)

Ndɛ 4

Sa nga ti yɛ be tranwlɛ’n fili be sa’n

1. ?Desɛn’n su lɛ’n, ngue yɛ ɔ su ɲan Adam nin Ɛvu ɔ?

2. ?Ngue ti yɛ Zoova tuli be fɔ ɔ?

3. ?Ngue ndɛ yɛ wuo kun kan kleli Ɛvu ɔ?

4. ?Wan yɛ ɔ yoli maan wuo’n nin Ɛvu be ijɔli ɔ?

5. ?Ngue ti yɛ Adam nin Ɛvu be tranwlɛ klanman’n fili be sa ɔ?

Kosan nga be klɛ uka su’n:

1. Kanngan Bo Bolɛ 2:16, 17 nin 3:1-13, 24 nun.

   1. ?Wafa sɛ yɛ kosan nga wuo’n usali Ɛvu’n, ɔ tɔn Zoova suɛn ɔn? (Bob. 3:1-5; 1 Zan 5:3)

   2. ?Wafa sɛ yɛ e kwla fa Ɛvu i ajalɛ’n e tu e wun fɔ nun ɔn? (Fil. 4:8; Zak 1:14, 15; 1 Zan 2:16)

   3. ?Sa benin nun yɛ Adam nin Ɛvu b’a dimɛn i nanwlɛ kɛ be bɔbɔ yɛ be fɔnnin ɔn? (Bob. 3:12, 13)

   4. ?Wafa sɛ yɛ anzi nga be sieli be fie’n i wia’n i afiliɛ lɔ’n, be suan Zoova i kwlalɛ’n i bo ɔ? (Bob. 3:24)

2. Kanngan Sa Nglo Yilɛ 12:9 nun.

   ?Wafa sɛ yɛ Satan kwla yoli mɔ klɔ sran’m be jasoli Ɲanmiɛn i sielɛ’n i wun ɔn? (1 Zan 5:19)

Ndɛ 5

Be su wun be ɲrun siɛn’n

1. ?Kɛ Adam nin Ɛvu be jasoli fie klanman nun lɔ be fiteli’n, be mɛn dilɛ’n yoli sɛ?

2. ?Ngue sa yɛ ɔ wa tɔli Adam nin Ɛvu be su ɔ? ?Yɛ ngue ti ɔ?

3. ?Ngue ti yɛ Adam nin Ɛvu be mma’m bé yó kpɛnngbɛn kpɛkun bé wú’n niɔn?

4. ?Sɛ ɔ ti kɛ Adam nin Ɛvu be ɲin yili Ɲanmiɛn’n, nn be nin be mma’m be mɛn dilɛ’n yó sɛ?

5. ?Wafa sɛ yɛ Ɛvu i ɲin kekle’n fali ɲrɛnnɛn’n yili i su ɔ?

6. ?Be flɛ Adam nin Ɛvu be wa klikli nɲɔn’n be sɛ?

7. ?Wan mun yɛle ba nga be o desɛn’n su lɛ’n?

Kosan nga be klɛ uka su’n:

1. Kanngan Bo Bolɛ 3:16-23 nin 4:1, 2 nun.

   1. ?Wafa sɛ yɛ asiɛ’n i sannzan mɔ Ɲanmiɛn boli’n, ɔ ɲannin ta Adam i mɛn dilɛ’n su ɔ? (Bob. 3:17-19; Rɔm. 8:20, 22)

   2. ?Ngue ti yɛ Ɛvu i dunman’n mɔ i bo’n yɛle “be kwlaa nga be wu be’n, be nin’n,” ɔ ti su’n niɔn? (Bob. 3:20)

   3. ?Kannzɛ bɔɔ Adam nin Ɛvu be fɔnnin Ɲanmiɛn wun’n, sanngɛ wafa sɛ yɛ Zoova kleli kɛ ɔ bu be sran ɔn? (Bob. 3:7, 21)

2. Kanngan Sa Nglo Yilɛ 21:3, 4 nun.

   ?“Laa ninnge” benin mun yɛ e kunndɛ kɛ be nunnun be ɔ?

Ndɛ 6

Kaɛn nin Abɛli

1. ?Junman benin yɛ Kaɛn nin Abɛli be di ɔ?

2. ?Ngue like yɛ Kaɛn nin Abɛli be fa man Zoova ɔ?

3. ?Ngue ti yɛ Zoova klun jɔ like nga Abɛli mannin’n su ɔ? ?Yɛ ngue ti yɛ i klun jɔman Kaɛn liɛ’n su ɔ?

4. ?Sran’n i wafa benin yɛle Kaɛn? ?Yɛ wafa sɛ yɛ Zoova waan ɔ́ tínngɛ i ɔ?

5. ?Ngue yɛ Kaɛn yoli ɔ, i nun m’ɔ nin i niaan bian be ngunmin be o fie’n nun lɔ’n?

6. Kɛ Kaɛn kunnin i niaan bian’n wieli’n, sa nga ɔ juli i su’n, amun kɛn i ndɛ.

Kosan nga be klɛ uka su’n:

1. Kanngan Bo Bolɛ 4:2-26 nun.

   1. ?Wafa sɛ yɛ Zoova yiyili sa tɛ nga Kaɛn o nun’n, i nun ɔn? (Bob. 4:7)

   2. ?Wafa sɛ yɛ Kaɛn yili i klun angunndan’n i nglo ɔ? (Bob. 4:9)

   3. ?Wafa sɛ yɛ Zoova bu sran kpa’n i mmoja mɔ be guɛ i ase’n niɔn? (Bob. 4:10; Eza. 26:21)

2. Kanngan 1 Zan 3:11, 12 nun.

   1. ?Ngue ti yɛ Kaɛn fali ya dan kpa ɔ? ?Yɛ wafa sɛ yɛ e kwla fa i sɔ’n e tu wun fɔ nun andɛ ɔ? (Bob. 4:4, 5; Nya. 14:30; 28:22)

   2. ?Wafa sɛ yɛ Biblu’n kle kɛ kannzɛ bɔɔ e awlobofuɛ’m be ngba be suman Zoova’n, sanngɛ e kwla nanti seiin titi ɔ? (Jue. 27:10; Mat. 10:21, 22)

3. Kanngan Zan 11:25 nun.

   ?Ngue ndɛ mɔ be kwla lafi su’n yɛ Zoova kan kle be kwlaa nga sɛsɛ su nantilɛ’n ti’n be wu’n niɔn? (Zan 5:24)

Ndɛ 7

Sran yakpafuɛ kun

1. ?Wafa sɛ yɛ Enɔki nin be nga mun be le ngbaciɛ ɔ?

2. ?Ngue ti yɛ Enɔki blɛ su sran’m be yo sa tɛtɛ kpanngban ɔn?

3. ?Ngue sa tɛ yɛ sran’m be yoli ɔ? (Amun nian desɛn’n su.)

4. ?Ngue ti yɛ ɔ nin i fatali kɛ Enɔki yo yakpafuɛ ɔ?

5. ?I blɛ sɔ nun sran’m be nguan ɲanman’n ti sɛ? ?Sanngɛ afuɛ nɲɛ yɛ Enɔki dili ɔ?

6. ?Kɛ Enɔki wuli’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Bo Bolɛ 5:21-24, 27 nun.

   1. ?Wafa sɛ yɛ Enɔki nin Zoova be trannin ɔn? (Bob. 5:24)

   2. ?Kɛ nga Biblu’n fa kan sa’n, wan yɛ ɔ yoli sran’m be nun kpɛnngbɛn kpafuɛ’n niɔn, yɛ ɔ dili afuɛ nɲɛ naan w’a wu? (Bob. 5:27)

2. Kanngan Bo Bolɛ 6:5 nun.

   ?Kɛ Enɔki wuli’n, wafa sɛ yɛ sa’m be yoli tɛtɛ kpa asiɛ’n su’n niɔn? ?Yɛ sɛ e fa sunnzun e blɛ liɛ’n nin, é sé sɛ? (2 Tim. 3:13)

3. Kanngan Ebre Mun 11:5 nun.

   ?Enɔki i nzuɛn’n i wafa benin yɛ ɔ ‘jɔli Zoova klun kpa ɔ,’ yɛ i bo’n guali sɛ mannin Enɔki? (Bob. 5:22)

4. Kanngan Zid 14, 15 nun.

   ?Kɛ Klistfuɛ’m bé bó Armagedɔn alɛ’n i su jasin’n bé klé sran mun’n, wafa sɛ yɛ andɛ be kwla fa Enɔki i yakpafuɛ ajalɛ’n su ɔ? (2 Tim. 4:2; Ebr. 13:6)

Ndɛ 8

Asiɛ’n su sran jajraajra mun

1. ?Kɛ Ɲanmiɛn i anzi wie’m be fali Satan i ndɛ’n su’n, ngue sa yɛ ɔ juli ɔ?

2. ?Ngue ti yɛ anzi wie’m be yacili be junman nga be di i ɲanmiɛn su lɔ’n mɔ be bali asiɛ’n su wa’n niɔn?

3. ?Ngue ti yɛ ɔ nin i fataman kɛ anzi’m be bla asiɛ’n su wa naan be fa klɔ sran wunnɛn’n niɔn?

4. ?Anzi’m be mma’m be ngbaciɛ’n liɛ’n yɛle benin?

5. ?Kɛ nga e fa wun i desɛn’n su lɛ sa’n, kɛ anzi’m be mma’m be yoli jajraajra’n, ngue yɛ be yoli ɔ?

6. ?Kɛ Enɔki i blɛ’n sinnin’n, sran kpa benin yɛ ɔ trannin asiɛ’n su ɔ, yɛ ngue ti yɛ Ɲanmiɛn kloli i ɔ?

Kosan nga be klɛ uka su’n:

1. Kanngan Bo Bolɛ 6:1-8 nun.

   ?Kɛ nga Bo Bolɛ 6:6 fa kan’n sa’n, e ayeliɛ’n kwla yo Zoova sɛ? (Jue. 78:40, 41; Nya. 27:11)

2. Kanngan Zid 6 nun.

   ?Nowe blɛ su “anzi nga b’a tranman junman nga Ɲanmiɛn sieli be su i su’n, mɔ be yacili be lika’n”, wafa sɛ yɛ e kwla fa be ndɛ’n e yo e wla kpɛnlɛ like andɛ ɔ? (1 Kor. 3:5-9; 2 Piɛ. 2:4, 9, 10)

Ndɛ 9

Nowe boboli mmeli kun

1. ?Nowe i awlobofuɛ’m be ti sran nɲɛ? ?Yɛ be flɛ i wa yasua nsan’n be sɛ?

2. ?Abonuan like benin yɛ Ɲanmiɛn seli Nowe kɛ ɔ yo ɔ, yɛ ngue ti ɔ?

3. ?Kɛ Nowe kannin mmeli’n i kplanlɛ ndɛ kleli i tranfuɛ mun’n, sɛ yɛ be yoli ɔ?

4. ?Ɲanmiɛn seli Nowe kɛ ɔ yo nnɛn’m be sɛ?

5. ?Kɛ Ɲanmiɛn ɲinnin mmeli’n i anuan’n, ngue yɛ ɔ fata kɛ Nowe nin i awlobofuɛ’m be yo ɔ?

Kosan nga be klɛ uka su’n:

1. Kanngan Bo Bolɛ 6:9-22 nun.

   1. ?Ngue ti yɛ maan Nowe yoli Ɲanmiɛn nanwlɛfuɛ’n i sufuɛ kpa kun ɔn? (Bob. 6:9, 22)

   2. ?Wafa sɛ yɛ Zoova bu sa kekleekle yolɛ’n niɔn? ?Yɛ wafa sɛ yɛ ɔ kwla ɲan ta e ɲin su yiyilɛ nun ɔn? (Bob. 6:11, 12; Jue. 11:5)

   3. ?Wafa sɛ yɛ kɛ Zoova i anuannzɛ’n kle e atin’n, e kwla fa Nowe i ajalɛ’n su ɔ? (Bob. 6:22; 1 Zan 5:3)

2. Kanngan Bo Bolɛ 7:1-9 nun.

?Kɛ Zoova bu Nowe mɔ fɔ o i nun’n i sran kpa’n, wafa sɛ yɛ i sɔ’n wla e fanngan andɛ ɔ? (Bob. 7:1; Nya. 10:16; Eza. 26:7)

Ndɛ 10

Anannganman su nzue’n i tɔlɛ

1. ?Ngue ti yɛ kɛ nzue’n boli tɔlɛ’n bo’n, sran fi w’a kwlá wluman mmeli nun kun ɔn?

2. ?Zoova tɔli nzue’n asiɛ’n su cɛn ba klonglo nɲɛ? ?Yɛ wafa sɛ yɛ nzue’n yili ɔ?

3. ?Kɛ nzue’n dí asiɛ’n kɔ́, ɔ yoli mmeli’n sɛ?

4. ?Sran jajraajra’m be kwla fiteli nun? ?Yɛ be si mun li?

5. ?Kɛ ɔ dili anglo nnun’n, ngue yɛ ɔ ɲannin mmeli’n niɔn?

6. ?Ngue ti yɛ Nowe yaci kɔkɔkuankuan kun nun fiteli ɔ?

7. ?Wafa sɛ yɛ Nowe sili kɛ asiɛ’n su nzue’n w’a kan ase ɔ?

8. ?Kɛ Nowe nin i awlobofuɛ’m be dili afuɛ kun tra su mmeli’n nun’n, ngue ndɛ yɛ Ɲanmiɛn kan kleli i ɔ?

Kosan nga be klɛ uka su’n:

1. Kanngan Bo Bolɛ 7:10-24 nun.

   1. ?Wafa sɛ yɛ asiɛ’n su ninnge’m be ngba be nunnunnin sekeseke ɔ? (Bob. 7:23)

   2. ?Cɛn nɲɛ yɛ nzue’n kali asiɛ’n su naan w’a kan ase ɔ? (Bob. 7:24)

2. Kanngan Bo Bolɛ 8:1-17 nun.

   ?Wafa sɛ yɛ Bo Bolɛ 8:17 kle kɛ Zoova w’a kaciman i angunndan klikli nga ɔ buli i asiɛ’n i lika’n niɔn? (Bob. 1:22)

3. Kanngan 1 Piɛr 3:19, 20 nun.

   1. ?Kɛ anzi nga be jasoli Ɲanmiɛn wun’n be sali be sin ɲanmiɛn su lɔ’n, fɔ benin yɛ be buli be ɔ? (Zid 6)

   2. ?Wafa sɛ yɛ Nowe nin i awlobofuɛ’m be su ndɛ nga e wunnin i’n, ɔ wla e fanngan maan e lafi su kɛ Zoova kwla de i sufuɛ mun ɔn? (2 Piɛ. 2:9)

Ndɛ 11

Ɲanngondin klikli’n

1. ?Kɛ nga e fa wun i desɛn’n su lɛ’n, kɛ Nowe fin mmeli nun fiteli’n, ngue like yɛ ɔ dun mmua yoli ɔ?

2. ?Kɛ nzue’n kpɛli’n, mmla benin yɛ Ɲanmiɛn fa mannin Nowe nin i awlobofuɛ mun ɔn?

3. ?Nda benin yɛ Ɲanmiɛn tali ɔ?

4. ?Kɛ e wun ɲanngondin’n, ngue yɛ ɔ nin i fata kɛ ɔ kpɛn e klun ɔn?

Kosan nga be klɛ uka su’n:

1. Kanngan Bo Bolɛ 8:18-22 nun.

   1. ?Wafa sɛ yɛ andɛ e kwla fa ‘nnɛn m’ɔ bɔn fannin’ e man Zoova ɔ? (Bob. 8:21; Ebr. 13:15, 16)

   2. ?Sran’n i nzuɛn’n i su ndɛ benin yɛ Zoova kannin ɔn? ?I sɔ’n ti’n, wafa sɛ yɛ ɔ fata kɛ e nian e wun su ɔ? (Bob. 8:21; Mat. 15:18, 19)

2. Kanngan Bo Bolɛ 9:9-17 nun.

   1. ?Nda benin yɛ Zoova tali asiɛ’n su ninnge ngba nga ɔ yili’n mun ɔn? (Bob. 9:10, 11)

   2. ?Blɛ nɲɛ yɛ ɲanngondin’n i su nda’n ɔ́ dí ɔ? (Bob. 9:16)

Ndɛ 12

Sran’m be su kplan sua mlomlo kun

1. ?Wan yɛle Nimurɔdu, yɛ i wun yoli Ɲanmiɛn sɛ?

2. ?Desɛn’n su wa’n, ngue ti yɛ sran’m be su kpɛ bliki ɔ?

3. ?Ngue ti yɛ Zoova klun w’a jɔman sua mlomlo’n i kplanlɛ’n su ɔ?

4. ?Wafa sɛ yɛ Ɲanmiɛn jrannin sua mlomlo’n i kplanlɛ’n niɔn?

5. ?Be flɛli klɔ sɔ’n sɛ? ?Yɛ i dunman’n i bo’n yɛle benin?

6. ?Kɛ Ɲanmiɛn sanngannin sran’m be aniɛn’n, ngue yɛ ɔ juli sran’m be su ɔ?

Kosan nga be klɛ uka su’n:

1. Kanngan Bo Bolɛ 10:1, 8-10 nun.

   ?Nzuɛn’n i wafa benin yɛ Nimurɔdu yili i nglo ɔ? ?Yɛ wafa sɛ yɛ e kwla fa tu e wun fɔ nun ɔn? (Nya. 3:31)

2. Kanngan Bo Bolɛ 11:1-9 nun.

   ?Angunndan benin yɛ ɔ o sua mlomlo’n i kplanlɛ’n i sin ɔn? ?Ngue ti yɛ ɔ nin i fata kɛ i sɔ junman liɛ’n saci ɔ? (Bob. 11:4; Nya. 16:18; Zan 5:44)

Ndɛ 13

Abraamu ti Ɲanmiɛn i janvuɛ

1. ?Sran’n i wafa benin mun yɛ be trannin Iri klɔ’n su ɔ?

2. ?Wan yɛle sran nga ɔ o desɛn’n su lɛ’n? ?Yɛ blɛ onin nun yɛ be wuli i ɔ? ?Yɛ ninfan yɛ ɔ tran laa ɔ?

3. ?Ngue yɛ Zoova seli Abraamu kɛ ɔ yo ɔ?

4. ?Ngue ti yɛ be flɛli Abraamu kɛ Ɲanmiɛn i janvuɛ’n niɔn?

5. ?Kɛ Abraamu jasoli Iri lɔ’n, ɔ nin wan yɛ be ɔli ɔ?

6. ?Kɛ Abraamu juli Kanaan asiɛ’n su’n, Zoova seli i sɛ?

7. ?Kɛ Abraamu ɲannin afuɛ ablangwlan nin ngwlan’n (99) nda benin yɛ Zoova tali i ɔ?

Kosan nga be klɛ uka su’n:

1. Kanngan Bo Bolɛ 11:27-32 nun.

   1. ?Wafa sɛ yɛ Abraamu nin Lɔtu be ti osufuɛ ɔ? (Bob. 11:27)

   2. ?Kannzɛ bɔbɔ e kwla se kɛ Tera fɛli i awlobofuɛ mun ɔli Kanaan asa liɛ’n su lɔ’n, sanngɛ wafa sɛ yɛ e si kɛ Abraamu yɛ ɔ yoli yɛ maan be ɔli ɔ? ?Yɛ ngue ti yɛ ɔ yoli sɔ ɔ? (Bob. 11:31; Yol. 7:2-4)

2. Kanngan Bo Bolɛ 12:1-7 nun.

   ?Kɛ Abraamu juli Kanaan asiɛ’n su’n, wafa sɛ yɛ Zoova trɛli aenguɛ nga ɔ nin Abraamu be trali’n i nun ɔn? (Bob. 12:7)

3. Kanngan Bo Bolɛ 17:1-8, 15-17 nun.

   1. ?Kɛ Abraamu ɲannin afuɛ ablangwlan nin ngwlan’n (99), wafa sɛ yɛ i dunman’n kacili ɔ, yɛ ngue ti ɔ? (Bob. 17:5)

   2. ?Muae benin yɛ Zoova boli mannin Sara ɔ? (Bob. 17:15, 16)

4. Kanngan Bo Bolɛ 18:9-19 nun.

   1. ?Bo Bolɛ 18:19 nun’n, siɛ’m be junman benin yɛ be yili i nglo ɔ? (Mml. 6:6, 7; Efɛ. 6:4)

   2. ?Sara i ayeliɛ benin yɛ ɔ kle kɛ e kwlá faman like fi e fiɛmɛn i Zoova wun ɔn? (Bob. 18:12, 15; Jue. 44:23)

Ndɛ 14

Abraamu lafi Ɲanmiɛn su

1. ?Ɲanmiɛn seli Abraamu sɛ? ?Yɛ wafa sɛ yɛ Ɲanmiɛn i ndɛ’n kpɛnnin su ɔ?

2. ?Kɛ nga e fa e wun i desɛn’n su lɛ’n, wafa sɛ yɛ Zoova sali Abraamu i Ɲanmiɛn sulafilɛ’n niannin ɔn?

3. ?Kannzɛ bɔɔ Abraamu w’a wunman ndɛ nga Ɲanmiɛn kannin’n i wlɛ’n, sanngɛ ngue yɛ ɔ yoli ɔ?

4. ?Kɛ Abraamu fali laliɛ’n kɛ ɔ́ fá kún i wa’n, ngue sa yɛ ɔ juli ɔ?

5. ?Wafa sɛ yɛ Abraamu i Ɲanmiɛn sulafilɛ’n cɛnnin ɔn?

6. ?Ngue yɛ Ɲanmiɛn yili mannin Abraamu kɛ ɔ fa yi tɛ’n niɔn, yɛ wafa sɛ yɛ ɔ yoli i sɔ ɔ?

Kosan nga be klɛ uka su’n:

1. Kanngan Bo Bolɛ 21:1-7 nun.

   ?Ngue ti yɛ kɛ Abraamu i wa’n dili le mɔcuɛ’n, ɔ wlɛli i klɛn nun ɔn? (Bob. 17:10-12; 21:4)

2. Kanngan Bo Bolɛ 22:1-18 nun.

   ?Wafa sɛ yɛ Izaaki kleli kɛ i ɲin yi i si Abraamu ɔ? ?Yɛ wafa sɛ yɛ i sɔ’n fiti e ɲrun lɔ sa cinnjin kun su ɔ? (Bob. 22:7-9; 1 Kor. 5:7; Fil. 2:8, 9)

Ndɛ 15

Lɔtu i yi’n niɛnnin i sin

1. ?Ngue ti yɛ Abraamu nin Lɔtu be trannin ngunminngunmin ɔn?

2. ?Ngue ti yɛ Lɔtu ko trannin Sodɔmu lɔ ɔ?

3. ?Sran’n i wafa benin yɛle Sodɔmufuɛ mun?

4. ?Ndɛ benin yɛ anzi nɲɔn be fa wlali Lɔtu i su nun kpa ɔ?

5. ?Ngue ti yɛ Lɔtu i yi’n kacili njin yɛbuɛ ɔ?

6. ?Afɔtuɛ benin yɛ Lɔtu i yi’n i ayeliɛ’n man e ɔ?

Kosan nga be klɛ uka su’n:

1. Kanngan Bo Bolɛ 13:5-13 nun.

   ?Sɛ é síesíe e nin sran e afiɛn ndɛ’n, ngue afɔtuɛ yɛ Abraamu i ayeliɛ’n man e ɔ? (Bob. 13:8, 9; Rɔm. 12:10; Fil. 2:3, 4)

2. Kanngan Bo Bolɛ 18:20-33 nun.

   ?Wafa sɛ yɛ wafa nga Zoova nin Abraamu be nantili’n, ɔ kle kɛ Zoova nin Zezi be su diman ndɛ kwlɛ ɔ? (Bob. 18:25, 26; Mat. 25:31-33)

3. Kanngan Bo Bolɛ 19:1-29 nun.

   1. ?Kɛ Biblu’n nun ndɛ nga fa kan’n sa’n, wafa sɛ yɛ Zoova bu yasua m’ɔ kunndɛ i wiengu yasua’n niɔn? (Bob. 19:5, 13; Sau. 20:13)

   2. ?Ngbaciɛ benin yɛ ɔ o wafa nga Abraamu fali Ɲanmiɛn i atin’n su’n, ɔ nin Lɔtu liɛ’n be afiɛn ɔn? ?Yɛ ngue afɔtuɛ yɛ ɔ man e ɔ? (Bob. 19:15, 16, 19, 20; 22:3)

4. Kanngan Lik 17:28-32 nun.

   ?Ngue angunndan yɛ Lɔtu i yi’n yi i nglo aɲanbeun ninnge’m be lika ɔ? ?Yɛ wafa sɛ yɛ e kwla fa i sɔ’n e tu e wun fɔ nun ɔn? (Lik 12:15; 17:31, 32; Mat. 6:19-21, 25)

5. Kanngan 2 Piɛr 2:6-8 nun.

?Sɛ e waan é sɔ́nnzɔn Lɔtu’n, wafa sɛ yɛ ɔ fata kɛ e bu mɛn tɛ nga e o nun yɛ’n niɔn? (Eze. 9:4; 1 Zan 2:15-17)

Ndɛ 16

Izaaki jali bla kpa kun

1. ?Wan yɛle bian nin bla nga be o desɛn’n su lɛ’n?

2. ?Ngue yɛ Abraamu yoli naan w’a fa bla w’a mɛn i wa’n niɔn, yɛ ngue ti ɔ?

3. ?Wafa sɛ yɛ Zoova tɛli Abraamu i sufuɛ’n i srɛlɛ’n su ɔ?

4. ?Kɛ be usali Rebeka kɛ ɔ́ já Izaaki’n, ngue ndɛ yɛ ɔ kannin ɔn?

5. ?Ngue ti yɛ maan Izaaki i klun’n wa jɔli ekun ɔn?

Kosan nga be klɛ uka su’n:

1. Kanngan Bo Bolɛ 24:1-67 nun.

   1. ?Kɛ Rebeka wunnin Abraamu i sufuɛ’n gbo’n su lɔ’n, ayeliɛ kpa benin yɛ ɔ yili i nglo ɔ? (Bob. 24:17-20; Nya. 31:17, 31)

   2. ?Wafa sɛ yɛ Izaaki i aja’n i siesielɛ mɔ Abraamu siesieli’n, ɔ man andɛ Klistfuɛ mun ajalɛ kpa ɔ? (Bob. 24:37, 38; 1 Kor. 7:39; 2 Kor. 6:14)

   3. ?Ngue ti yɛ ɔ fata kɛ e ɲan blɛ e bu ninnge’m be su angunndan kɛ nga Izaaki fa yoli sa’n niɔn? (Bob. 24:63; Jue. 77:12; Fil. 4:8)

Ndɛ 17

Ezau nin Zakɔbu

1. ?Wan mun yɛle Ezau nin Zakɔbu? ?Yɛ wafa sɛ yɛ ngbaciɛ o be afiɛn ɔn?

2. ?Kɛ Ezau nin Zakɔbu be nannan yasua Abraamu wú’n, nn be le afuɛ nɲɛ?

3. ?Ngue like yɛ Ezau yoli m’ɔ wlɛli i si’n nin i nin’n be klunngbɔ’n niɔn?

4. ?Ngue ti yɛ Ezau fali ya dan kpa i niaan bian Zakɔbu wun ɔn?

5. ?Ndɛ benin yɛ Izaaki kan kleli i wa Zakɔbu ɔ?

Kosan nga be klɛ uka su’n:

1. Kanngan Bo Bolɛ 25:5-11, 20-34 nun.

   1. ?Rebeka i mma nɲɔn’n be su ndɛ benin yɛ Zoova kannin ɔn? (Bob. 25:23)

   2. ?Ngbaciɛ benin yɛ ɔ o wafa nga Ezau nin Zakɔbu be bu awuliɛ kpɛnngbɛn’n i afiɛn ɔn? (Bob. 25:31-34)

2. Kanngan Bo Bolɛ 26:34, 35; 27:1-46 nin 28:1-5 nun.

   1. ?Wafa sɛ yɛ Ezau kle weiin kɛ ɔ yo Ɲanmiɛn ninnge’m be finfin ɔn? (Bob. 26:34, 35; 27:46)

   2. ?Sɛ Zakɔbu kunndɛ kɛ Ɲanmiɛn yrɛ i su’n, ngue yɛ Izaaki seli i kɛ ɔ yo ɔ? (Bob. 28:1-4)

3. Kanngan Ebre Mun 12:16, 17 nun.

   ?Ezau i ajalɛ’n kle kɛ ngue yɛ ɔ́ ɲán be nga be yo Ɲanmiɛn ninnge’m be finfin’n niɔn?

Ndɛ 18

Zakɔbu su to i ti Aran lɔ

1. ?Wan yɛle talua nga ɔ o desɛn’n su lɛ’n? ?Yɛ ngue yɛ Zakɔbu yoli mɛnnin i ɔ?

2. ?Ngue yɛ Zakɔbu waan ɔ́ yó naan w’a ja Rasɛli ɔ?

3. ?Kɛ Zakɔbu i Rasɛli jalɛ cɛn’n juli’n, ngue yɛ Laban yoli ɔ?

4. ?Ngue yɛ Zakɔbu kplinnin su kɛ ɔ́ yó naan w’a kwla ja Rasɛli ɔ?

Kosan nga be klɛ uka su’n:

1. Kanngan Bo Bolɛ 29:1-30 nun.

   1. ?Kannzɛ bɔbɔ Laban lakali Zakɔbu’n, sanngɛ wafa sɛ yɛ Zakɔbu kleli Laban kɛ ɔ ti sran kpa ɔ? ?Yɛ ajalɛ benin yɛ i sɔ’n kle e ɔ? (Bob. 25:27; 29:26-28; Mat. 5:37)

   2. ?Wafa sɛ yɛ Zakɔbu i ajalɛ’n kle ngbaciɛ nga ɔ o klolɛ kpa’n nin klolɛ nga ɔ bo be fia’n be afiɛn ɔn? (Bob. 29:18, 20, 30; Fɛf. 8:6)

   3. ?Wan mun yɛle bla nnan nga be yoli Zakɔbu i awlobo nunfuɛ’n, mɔ i sin’n ɔ nin be wuli ba mun’n? (Bob. 29:23, 24, 28, 29)

Ndɛ 19

Zakɔbu i mma kpanngban mun

1. ?Zakɔbu i yi klikli Lea, i mma nsiɛn’n be dunman’n yɛle benin?

2. ?Ba nɲɔn benin yɛ Lea i afɔnniɛn bla Zilpa wuli be mannin Zakɔbu ɔ?

3. ?Be flɛ Rasɛli i afɔnniɛn bla Bila i wa nɲɔn nga ɔ wuli be mannin Zakɔbu’n be sɛ?

4. ?Ba nɲɔn benin yɛ Rasɛli wuli be mannin Zakɔbu ɔ? ?Yɛ kɛ Rasɛli wuli ba’n i nɲɔn sufuɛ’n, ngue yɛ ɔ juli ɔ?

5. ?Kɛ nga e fa e wun i desɛn’n su lɛ’n, Zakɔbu wuli ba nɲɛ? ?Yɛ nvle benin yɛ ɔ ti ba sɔ’m be afinliɛ nunfuɛ ɔ?

Kosan nga be klɛ uka su’n:

1. Kanngan Bo Bolɛ 29:32-35; 30:1-26 nin 35:16-19 nun.

   ?Kɛ nga e fa wun i Zakɔbu i mma 12 be liɛ nun lɛ’n, wafa sɛ yɛ laa blɛ liɛ’n nun’n be tɔn Ebre yasua’m be dunman ɔn?

2. Kanngan Bo Bolɛ 37:35 nun.

   ?Kannzɛ bɔbɔ Dina kunngba yɛ Biblu’n bo i dunman’n, wafa sɛ yɛ e si kɛ Zakɔbu le ba bla kpanngban ɔn? (Bob. 37:34, 35)

Ndɛ 20

Sa w’a ɲan Dina

1. ?Ngue ti yɛ Abraamu nin Izaaki b’a kplinman su kɛ be mma’m be ja Kanaanfuɛ mun ɔn?

2. ?Zakɔbu kplinnin su kɛ i wa bla’n nin Kanaan talua’m be tra janvuɛ?

3. ?Wan yɛle yasua nga ɔ nian Dina siin desɛn’n su lɛ’n? ?Yɛ like tɛ benin yɛ ɔ yoli ɔ?

4. ?Kɛ Dina i niaan bian Simeɔn nin Levi be tili sa nga ɔ juli i su’n, ngue yɛ be yoli ɔ?

5. ?Zakɔbu i klun jɔli like nga Simeɔn nin Levi be yoli’n su?

6. ?Wafa sɛ yɛ sa sukusuku wa wluli awlobo’n nun ɔn?

Kosan nga be klɛ uka su’n:

1. Kanngan Bo Bolɛ 34:1-31 nun.

   1. ?Cɛn kunngba cɛ yɛ Dina ɔli Kanaan talua’m be wun wunlɛ ɔ? Amun yiyi nun. (Bob. 34:1, NW: Be flɛ ba bla nga Lea nin Zakɔbu be wuli i’n kɛ Dina. Ɔ kɔ mɛn sɔ’n nun lɛ talua wie mun be wun wunlɛ titi.)

   2. ?Ngue ti yɛ Dina bɔbɔ yɛ maan sa’n tɔli i su ɔ? (Gal. 6:7)

   3. ?Wafa sɛ yɛ andɛ gbanflɛn annzɛ talua’m be kwla kle kɛ be fa sa nga ɔ ɲannin Dina’n be tu be wun fɔ nun ɔn? (Nya. 13:20; 1 Kor. 15:33; 1 Zan 5:19)

Ndɛ 21

Zozɛfu nin i niaan mun

1. ?Ngue ti yɛ Zozɛfu i niaan’m be ɲin bloli i wun ɔn? ?Yɛ ngue yɛ be yoli ɔ?

2. ?Ngue yɛ Zozɛfu i niaan’m be waan bé yó i ɔ? ?Sanngɛ Ribɛni seli sɛ?

3. ?Kɛ Ismaɛlifuɛ wie’m bé sín, ngue sa yɛ ɔ juli ɔ?

4. ?Kɛ Zozɛfu i niaan’m be ko yo naan be si w’a bu i kɛ Zozɛfu wuli’n, ngue yɛ be yoli ɔ?

Kosan nga be klɛ uka su’n:

1. Kanngan Bo Bolɛ 37:1-35 nun.

   1. ?Wafa sɛ yɛ e kwla fa Zozɛfu i ajalɛ’n su naan y’a kan sa nga be timan kpa’n asɔnun’n nun ɔn? (Bob. 37:2; Sau. 5:1; 1 Kor. 1:11)

   2. ?Ngue ti yɛ Zozɛfu i niaan’m be yoli i atɛ kɛ nga sa ɔ? (Bob. 37:11, 18; Nya. 27:4; Zak 3:14-16)

   3. ?Ngue yɛ Zakɔbu yoli m’ɔ kle kɛ sa yalɛ’n ti ɔ nin i fata kɛ ɔ yo sɔ ɔ? (Bob. 37:35)

Ndɛ 22

Zozɛfu i bisua wlalɛ

1. ?Kɛ bé fá Zozɛfu bé kɔ́ Ezipti’n, nn ɔ le afuɛ nɲɛ? ?Yɛ kɛ ɔ juli lɔ’n ngue sa yɛ ɔ ɲɛnnin i ɔ?

2. ?Ngue ti yɛ be wlali Zozɛfu i bisua ɔ?

3. ?Junman benin yɛ be fa mannin Zozɛfu bisua’n nun lɔ ɔ?

4. ?Bisua lɔ’n, ngue yɛ Zozɛfu yoli mannin Faraɔn i nzan sufuɛ’n nin i kpaun tɔnfuɛ’n niɔn?

5. ?Kɛ be yili nzan sufuɛ’n i bisua nun lɔ’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Bo Bolɛ 39:1-23 nun.

   ?Kannzɛ bɔbɔ Zozɛfu blɛ su’n b’a klɛman Ɲanmiɛn mmla’n nun kɛ nán maan be kunndɛ bian be wun bo annzɛ bla be yi bo’n, sanngɛ ngue ti yɛ Zozɛfu wanndili Potifali i yi’n i bo’n niɔn? (Bob. 2:24; 20:3; 39:9)

2. Kanngan Bo Bolɛ 40:1-23 nun.

   1. Laliɛ nga Faraɔn i nzan sufuɛ’n cɛnnin’n, amun kɛn i ndɛ kpe kan, kpɛkun wafa nga Zoova yiyili nun kleli Zozɛfu’n, amun yiyi nun (Bob. 40:9-13).

   2. ?Laliɛ benin yɛ kpaun tɔnfuɛ’n cɛnnin ɔn? ?Yɛ i bo’n yɛle benin? (Bob. 40:16-19)

   3. ?Wafa sɛ yɛ andɛ sran kpa nanwlɛfuɛ m’ɔ si ngwlɛlɛ’n ɔ niannin Zozɛfu i ajalɛ’n su ɔ? (Bob. 40:8; Jue. 36:10; Zan 17:17; Yol. 17:2, 3)

   4. ?Wafa sɛ yɛ Bo Bolɛ 40:20 fa e ɲin sie i wafa nga Klistfuɛ’m be bu awuliɛ cɛn dilɛ’n, i su’n niɔn? (Aku. 7:1; Mar. 6:21-28)

Ndɛ 23

Faraɔn i laliɛ m’ɔ cɛnnin be’n

1. ?Le kun kɔnguɛ’n, ngue sa yɛ ɔ ɲannin Faraɔn ɔn?

2. ?Ngue ti yɛ Faraɔn i nzan sufuɛ’n i wla wa kpɛnnin Zozɛfu su siɛn ɔn?

3. ?Kɛ nga e fa wun i desɛn’n su lɛ’n, laliɛ nɲɔn benin yɛ Faraɔn cɛnnin ɔn?

4. ?Zozɛfu waan laliɛ’m be bo’n yɛle benin?

5. ?Wafa sɛ yɛ Zozɛfu yoli Ezipti mɛn’n su sran dan’n i nɲɔn su’n niɔn?

6. ?Ngue ti yɛ Zozɛfu i niaan’m be bali Ezipti ɔ? ?Yɛ ngue ti yɛ b’a wunmɛn i wlɛ ɔ?

7. ?Laliɛ benin yɛ Zozɛfu i wla kpɛnnin su ɔ? ?Yɛ ngue yɛ ɔ ukɛli i naan w’a wun i bo ɔ?

Kosan nga be klɛ uka su’n:

1. Kanngan Bo Bolɛ 41:1-57 nun.

   1. ?Wafa sɛ yɛ Zozɛfu fali Faraɔn i ɲin sieli Zoova su ɔ? ?Yɛ wafa sɛ yɛ andɛ Klistfuɛ’m be kwla fɛ i ajalɛ’n su ɔ? (Bob. 41:16, 25, 28; Mat. 5:16; 1 Piɛ. 2:12)

   2. ?Andɛ’n, wafa sɛ yɛ afuɛ nga ninnge’m be yoli ye kpa Ezipti lɔ, ɔ nin i sin awe blɛ nga ɔ juli’n, ɔ kle ngbaciɛ nga Ɲanmiɛn ninnge’m be nun’n, ɔ o Zoova i Lalofuɛ mun ɔ nin asɔnun tɛtɛ’m be afiɛn ɔn? (Bob. 41:29, 30; Amɔ. 8:11, 12)

2. Kanngan Bo Bolɛ 42:1-8 nin 50:20 nun.

   ?Sɛ nvle kun nun’n, ɔ ti sran’m be ajuin kɛ be koto sran kun bo naan b’a kle kɛ be ɲin yi i’n, i sɔ’n ti tɛ man Zoova i sufuɛ mun? (Bob. 42:6)

Ndɛ 24

Zozɛfu su sa i niaan mun nian

1. ?Ngue ti yɛ Zozɛfu seli i niaan’m be kɛ be bali mɛn’n i kplalɛ ɔ?

2. ?Ngue ti yɛ Zakɔbu yacili i wa kasiɛn Bɛnzamɛn nun m’ɔ wɔli Ezipti’n niɔn?

3. ?Ɔ yo sɛ yɛ maan Zozɛfu i sika klowa’n kali Bɛnzamɛn i bajɛ’n nun ɔn?

4. ?Ngue yɛ Zida waan ɔ́ yó naan be yaci Bɛnzamɛn nun ɔn?

5. ?Wafa sɛ yɛ Zozɛfu i niaan’m be kacili ɔ?

Kosan nga be klɛ uka su’n:

1. Kanngan Bo Bolɛ 42:9-38 nun.

   ?Wafa sɛ yɛ andɛ’n, Zozɛfu i ndɛ nga ɔ kɛnnin i Bo Bolɛ 42:18 nun’n, ɔ ti be nga mɔ be le junman be di i Zoova i anuannzɛ nun’n, be wla kpɛnlɛ like kpa ɔ? (Nee. 5:15; 2 Kor. 7:1, 2)

2. Kanngan Bo Bolɛ 43:1-34 nun.

   1. ?Kannzɛ bɔɔ Ribɛni yɛ ɔ ti ba klikli’n, sanngɛ wafa sɛ yɛ be wun i weiin kɛ Zida yɛ ɔ yoli i niaan’m be nuan ijɔfuɛ ɔ? (Bob. 43:3, 8, 9; 44:14, 18; 1 Nyo. 5:2)

   2. ?Wafa sɛ yɛ Zozɛfu sali i niaan mun weiin kpa niannin ɔn? ?Yɛ ngue ti yɛ ɔ yoli i sɔ ɔ? (Bob. 43:33, 34)

3. Kanngan Bo Bolɛ 44:1-34 nun.

   1. ?Kannzɛ bɔɔ Zozɛfu fɛli i wun fiali i niaan’m be wun’n, sanngɛ wafa sɛ yɛ ɔ yi i wun nglo siɛn’n niɔn? (Bob. 44:5, 15; Sau. 19:26)

   2. ?Wafa sɛ yɛ Zozɛfu i niaan’m be kleli kɛ be ɲin bloman be niaan’n i wun kun siɛn’n niɔn? (Bob. 44:13, 33, 34)

Ndɛ 25

Zozɛfu i osufuɛ’m be Ezipti kɔlɛ

1. ?Kɛ Zozɛfu yili i wun nglo kleli i niaan mun’n, ngue yɛ sa yɛ ɔ juli ɔ?

2. ?Ngue yɛ Zozɛfu yiyili nun amanniɛn su kleli i niaan mun ɔn?

3. ?Kɛ Faraɔn tili Zozɛfu i niaan’m be wun nganniɛn’n, ngue ndɛ yɛ ɔ kannin ɔn?

4. ?Kɛ Zakɔbu kɔ́ Ezipti’n, nn i awlobo’n ti sɛ?

5. ?Sɛ yɛ be wa flɛli Zakɔbu i awlobofuɛ mun ɔn? ?Yɛ ngue ti ɔ?

Kosan nga be klɛ uka su’n:

1. Kanngan Bo Bolɛ 45:1-28 nun.

   ?Wafa sɛ yɛ Biblu’n i ndɛ nga ɔ kɛnnin i Zozɛfu su’n, ɔ kle kɛ Zoova kwla kpɛ i sufuɛ’m be wun sa tɛ nga be sunnzun kɛ bé yó be’n i wun, naan i bo’n gua kpa ɔ? (Bob. 45:5-8; Eza. 8:10; Fil. 1:12-14)

2. Kanngan Bo Bolɛ 46:1-27 nun.

   ?I nun mɔ Zakɔbu o Ezipti atin’n su’n, ngue ndɛ yɛ Zoova kannin wlɛli i fanngan ɔn? (Bob. 46:1-4)

Ndɛ 26

Zɔbu w’a kpɔciman Ɲanmiɛn

1. ?Sran’n i wafa benin yɛle Zɔbu?

2. ?Ngue like yɛ Satan kunndɛ kɛ ɔ́ yó ɔ? ?Sanngɛ ɔ yoli ye?

3. ?Ngue like yɛ Zoova mannin Satan i atin kɛ ɔ yo ɔ? ?Yɛ ngue ti ɔ?

4. ?Ngue ti yɛ Zɔbu i yi’n seli kɛ ‘nán kpɛ Ɲanmiɛn i nzowa naan wu fi?’? (An nian desɛn’n su.)

5. ?Kɛ nga e fa wun i desɛn’n i nɲɔn su’n su lɛ’n, wafa sɛ yɛ Zoova yrali Zɔbu su ɔ? ?Yɛ ngue ti ɔ?

6. ?Kɛ Zɔbu sa’n, sɛ e kpɔciman Zoova le’n, suyralɛ benin yɛ é wá ɲɛ́n i ɔ?

Kosan nga be klɛ uka su’n:

1. Kanngan Zɔb 1:1-22 nun.

   ?Wafa sɛ yɛ andɛ Klistfuɛ’m be kwla fa Zɔbu i ajalɛ’n su ɔ? (Zɔb 1:1; Fil. 2:15; 2 Piɛ. 3:14)

2. Kanngan Zɔb 2:1-13 nun.

   ?Ngbaciɛ benin yɛ ɔ o wafa nga Zɔbu nin i yi be tɛli Satan i ɲrɛnnɛn m’ɔ kleli be’n i su’n, be afiɛn ɔn? (Zɔb 2:9, 10; Nya. 19:3; Mis. 7:7; Mal. 3:14)

3. 1. Kanngan Zɔb 42:10-17 nun. ?Zɔbu nin Zezi be Ɲanmiɛn su mɔ be lafi guɛli i ti nin i bo’n ti’n, wafa sɛ yɛ be ɲannin i su mmlusuɛ kunngba’n niɔn? (Zɔb 42:12; Fil. 2:9-11)

   2. ?Kɛ mɔ Zɔbu w’a kpɔciman Ɲanmiɛn le m’ɔ ɲannin suyralɛ’n, wafa sɛ yɛ i sɔ’n wla e fanngan ɔn? (Zɔb 42:10, 12; Ebr. 6:10; Zak 1:2-4, 12; 5:11)

Ndɛ 27

Ezipti famiɛn tɛ kun

1. ?Desɛn’n su’n, wan yɛle sran nga ngble o i sa nun lɛ’n? ?Yɛ wan yɛ be su bo i lɛ’n niɔn?

2. ?Kɛ Zozɛfu wuli’n, ngue sa yɛ ɔ tɔli Izraɛlifuɛ’m be su ɔ?

3. ?Ngue ti yɛ Izraɛlifuɛ’m be wun srɛ wa kunnin Eziptifuɛ mun ɔn?

4. ?Ngue ndɛ yɛ Faraɔn kan kleli bla nga be uka Izraɛlifuɛ’m be ba wulɛ nun’n niɔn?

Kosan nga be klɛ uka su’n:

1. Kanngan Ezipt Lɔ Tulɛ 1:6-22 nun.

   1. ?Wafa sɛ yɛ nda nga Zoova tali Abraamu’n, ɔ boli i yolɛ bo ɔ? (Tul. 1:7; Bob. 12:2; Yol. 7:17)

   2. ?Wafa sɛ yɛ Ebre ba wufuɛ’m be kleli kɛ be bu nguan’n i like dan ɔn? (Tul. 1:17; Bob. 9:6)

   3. ?Wafa sɛ yɛ Zoova mɔ b’a kpɔcimɛn i ti’n, ba wufuɛ sɔ’m be ɲannin suyralɛ ɔ? (Tul. 1:20, 21; Nya. 19:17)

   4. ?Wafa sɛ yɛ Satan wlɛli i wun ase yoli naan nda nga Zoova tali Abraamu i afinliɛ nunfuɛ mun’n w’a kpɛnman su ɔ? (Tul. 1:22; Mat. 2:16)

Ndɛ 28

Wafa nga Moizi ɲannin nguan’n

1. ?Wan yɛle ba nɔnman nga ɔ o desɛn’n su lɛ’n? ?Yɛ wan sama liɛ yɛle nga ɔ le nun lɛ’n?

2. ?Ngue yɛ Moizi i nin’n yoli naan b’a kunman ba’n niɔn?

3. ?Wan yɛle ba bla kan nga ɔ o lɛ’n? ?Yɛ ngue yɛ ɔ su yo ɔ?

4. ?Kɛ Faraɔn i wa bla’n wunnin ba nɔnman’n, ndɛ benin yɛ Miriamu kan kleli i ɔ?

5. ?Ngue ndɛ yɛ Faraɔn i wa bla’n kan kleli Moizi i nin’n niɔn?

Kosan nga be klɛ uka su’n:

1. Kanngan Ezipt Lɔ Tulɛ 2:1-10 nun.

   ?Atin benin yɛ Moizi i nin’n ɲɛnnin i naan w’a kle Moizi i like i bakan nun ɔn? ?Yɛ andɛ’n, ajalɛ kpa benin yɛ i sɔ’n kle siɛ nin niɛn mun ɔn? (Tul. 2:9, 10; Mml. 6:6-9; Nya. 22:6; Efɛ. 6:4; 2 Tim. 3:15)

Ndɛ 29

Moizi su wanndi

1. ?Ninfan yɛ Moizi ɲinnin ɔn? ?Yɛ i osufuɛ’m be su ndɛ benin yɛ ɔ tili ɔ?

2. ?Kɛ Moizi ɲannin afuɛ ablanan’n? (40) ngue yɛ ɔ yoli ɔ?

3. ?Ngue ndɛ yɛ Moizi kan kleli Izraɛlifuɛ kun m’ɔ su tu ngondin’n niɔn? ?Yɛ sran sɔ’n tɛli i su sɛ?

4. ?Ngue ti yɛ Moizi wanndili Eziptifuɛ’m be ɲrun ɔn?

5. ?Ninfan yɛ Moizi wanndi ɔli ɔ? ?Yɛ waan yɛ ɔ ko toli i ɔ?

6. ?Kɛ Moizi wanndili Ezipti’n, ɔ dili afuɛ ablanan? (40), blɛ sɔ nun’n, ngue yɛ ɔ yoli ɔ?

Kosan nga be klɛ uka su’n:

1. Kanngan Ezipt Lɔ Tulɛ 2:11-25 nun.

   ?Kannzɛ bɔbɔ be tali Moizi Eziptifuɛ’m be ngwlɛlɛ nun’n, sanngɛ wafa sɛ yɛ ɔ kleli kɛ w’a kpɔciman Zoova nin i nvle’n le ɔ? (Tul. 2:11, 12; Ebr. 11:24)

2. Kanngan Sa Nga Be Yoli’n 7:22-29 nun.

   ?Moizi bɔbɔ i tiaun delɛ m’ɔ kunndɛli kɛ ɔ́ dé i nvle’n m’ɔ o kanga nun Eziptifuɛ’n be sa nun’n, wafa sɛ yɛ e kwla fa e tu wun fɔ nun ɔn? (Yol. 7:23-25; 1 Piɛ. 5:6, 10)

Ndɛ 30

Susrɛ nun sin taaman

1. ?Be flɛ oka nga ɔ o desɛn’n su lɛ’n sɛ?

2. Kɛ Moizi kánkán i bua mun kɔ́ oka’n su lɔ’n, abonuan like nga ɔ wunnin i’n, amun yiyi nun.

3. ?Ngue ndɛ yɛ nɛn nga ɔ o susrɛ nun’n ɔ kannin ɔn? ?Yɛ wan nɛn yɛle i sɔ liɛ’n?

4. ?Kɛ Ɲanmiɛn seli Moizi kɛ ɔ ko fɛ i nvle’n Ezipti lɔ fite’n, Moizi tɛli su sɛ?

5. ?Sɛ nvlefuɛ’m be usa Moizi kɛ wan yɛ ɔ sunmɛnnin i’n, ngue ndɛ yɛ Ɲanmiɛn seli i kɛ ɔ kan ɔn?

6. ?Wafa sɛ yɛ Moizi kwlá klé kɛ Ɲanmiɛn yɛ ɔ sunmɛnnin i ɔ?

Kosan nga be klɛ uka su’n:

1. Kanngan Ezipt Lɔ Tulɛ 3:1-22 nun.

   ?Wafa sɛ yɛ Moizi i ndɛ’n kle e kɛ sɛ bɔbɔ Ɲanmiɛn ninnge’m be nun’n, e bu i kɛ junman kun i kpɛn tra e’n, Zoova kwla suan e bo ɔ? (Tul. 3:11, 13; 2 Kor. 3:5, 6)

2. Kanngan Ezipt Lɔ Tulɛ 4:1-20 nun.

   1. ?Afuɛ ablanan? (40) nga Moizi dili i Madian lɔ’n, wafa sɛ yɛ i ayeliɛ’n kacili ɔ? ?Yɛ afɔtuɛ benin yɛ i sɔ’n man be nga be le junman be di i asɔnun’n nun ɔn? (Tul. 2:11, 12; 4:10, 13; Mis. 6:8; 1 Tim. 3:1, 6, 10)

   2. ?Sɛ bɔbɔ Zoova fɛ i anuannzɛ’n fa tu e fɔ’n, Moizi i ajalɛ’n kle e kɛ ngue su yɛ e kwla fa e wla’n e gua ɔ? (Tul. 4:12-14; Jue. 103:14; Ebr. 12:4-11)

Ndɛ 31

Moizi nin Aarɔn be o Faraɔn lɔ

1. ?Moizi nin Aarɔn be atrɛ nga be yili’n, ɔ yoli Izraɛlifuɛ’m be sɛ?

2. ?Ngue ndɛ yɛ Moizi nin Aarɔn be kan kleli Faraɔn ɔn? ?Yɛ Faraɔn tɛli su sɛ?

3. ?Kɛ nga e fa e wun i desɛn’n su lɛ’n, kɛ Aarɔn yili waka’n i ase’n, ngue sa yɛ ɔ juli ɔ?

4. ?Wafa sɛ yɛ Zoova kleli Faraɔn i ngwlɛlɛ ɔ? ?Yɛ kɛ ɔ yoli sɔ’n, ngue yɔ Faraɔn yoli ɔ?

5. ?Kɛ ɲrɛnnɛn i blu su’n wieli’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Ezipt Lɔ Tulɛ 4:27-31 nin 5:1-23 nun.

   ?Kɛ Faraɔn seli kɛ: ‘Wan yɛle [Zoova, NW] mɔ min ɲin ko yi i ɔ,” i bo’n yɛle benin (Tul. 5:2; 1 Sam. 2:12; Rɔm. 1:21))

2. Kanngan Ezipt Lɔ Tulɛ 6:1-13, 26-30 nun.

   1. ?Wafa sɛ yɛ Zoova w’a yimɛn i wun nglo w’a kleman Abraamu nin Izaaki, ɔ nin Zakɔbu ɔ (Tul. 3:13, 14; 6:3; Bob. 12:8)

   2. ?Kannzɛ bɔɔ Moizi waan ɔ kwlá diman junman sɔ’n, sanngɛ kɛ e wun kɛ Zoova fɛli i dili i junman titi’n, wafa sɛ yɛ i sɔ’n yo e ɔ (Tul. 6:12, 30; Lik 21:13-15)

3. Kanngan Ezipt Lɔ Tulɛ 7:1-13 nun.

   1. ?Kɛ Moizi nin Aarɔn be kannin Zoova i jɔlɛ dilɛ ndɛ’n be kleli Faraɔn’n juejue su’n, ajalɛ benin yɛ i sɔ’n man andɛ Klistfuɛ mun ɔn (Tul. 7:2, 3, 6; Yol. 4:29-31)

   2. ?Wafa sɛ yɛ Zoova kleli kɛ ɔ kwla Ezipti amuɛn mun ɔn (Tul. 7:12; 1 Nyo. 29:12)

Ndɛ 32

Ɲrɛnnɛn blu mun

1. Amun fa desɛn nga be o lɛ naan amun yiyi ɲrɛnnɛn klikli nsan nga Zoova fa yili Ezipti su’n be nun.

2. ?Ɲrɛnnɛn klikli nsan nin i onga mun’n, be ngbaciɛ’n yɛle benin?

3. ?Ngue yɛle ɲrɛnnɛn nnan’n, ɔ nin nnun’n, ɔ nin nsiɛn’n?

4. Amun yiyi ɲrɛnnɛn nso’n, ɔ nin mɔcuɛ’n, ɔ nin ngwlan’n be nun.

5. ?Ka naan ɲrɛnnɛn i blu su’n w’a ba’n, ngue yɛ Zoova seli Izraɛlifuɛ’m be kɛ be yo ɔ?

6. ?Ngue yɛ ɔ ti ɲrɛnnɛn i blu su’n niɔn? ?Yɛ kɛ ɔ wieli’n ngue sa yɛ ɔ juli ɔ?

Kosan nga be klɛ uka su’n:

1. Kanngan Ezipt Lɔ Tulɛ 7:19–8:19 nun.

   1. ?Kannzɛ bɔbɔ Ezipti lɔ atrɛ yifuɛ’m be nin tinwafuɛ’m be kwla yili ɲrɛnnɛn klikli nɲɔn nga Zoova yili’n i wie’n, kɛ ɲrɛnnɛn i nsan su’n wieli’n, ngue yɛ be wunnin i wlɛ weiin ɔn (Tul. 8:10, 11; Mat. 12:24-28)

   2. ?Wafa sɛ yɛ ɲrɛnnɛn i nnan su’n kleli kɛ Zoova kwla sɛsɛ i nvlefuɛ mun ɔn? ?Yɛ kɛ mɔ Ɲanmiɛn i nvle’n si sɔ’n niɔn, “ɲrɛnnɛn dan’n” nga ɔ́ bá lɛ nun’n, i wun’n yó i sɛ (Tul. 8:14, 15; Ngl. 7:13, 14; 2 Nyo. 16:9)

2. Kanngan Ezipt Lɔ Tulɛ 8:16; 9:3, 6, 10, 11, 14, 16, 23-25; yɛ 10:13-15, 21-23 nun.

   1. ?Sran akpasua nɲɔn benin yɛ ɲrɛnnɛn blu’n yi i nglo ɔ? ?I sɔ’n ti’n, wafa sɛ yɛ e nian sran akpasua nɲɔn sɔ mun andɛ ɔ (Tul. 8:6, 14, 15; 9:14)

   2. ?Wafa sɛ yɛ Ezipt Lɔ Tulɛ 9:16, ɔ uka e maan e wun like nga ti yɛ Zoova yacili Satan lɛ lele andɛ’n niɔn (Rɔm. 9:21, 22)

3. Kanngan Ezipt Lɔ Tulɛ 12:21-32 nun.

   ?Wafa sɛ yɛ Delɛ cɛn’n deli sran kpanngban ɔn? ?Yɛ ngue su yɛ Delɛ cɛn’n i dilɛ’n fa e ɲin sieli ɔ (Tul. 12:21-23; Zan 1:29; Rɔm. 5:18, 19, 21; 1 Kor. 5:7)

Ndɛ 33

Jenvie’n i kpɛlɛ

1. ?Izraɛlifuɛ yasua mun nin bla mun, ɔ nin ba kanngan nga be jasoli Ezipti lɔ’n be ti sran nɲɛ? ?Yɛ wan mun yɛ be nin be jasoli Ezipti lɔ wie ɔ?

2. ?Kɛ Faraɔn yacili Izraɛlifuɛ’m be nun mɔ be ɔli’n, wafa sɛ yɛ ɔ wa yoli i ɔ? ?Yɛ ngue ajalɛ yɛ ɔ fali ɔ?

3. ?Ngue yɛ Zoova yoli naan Eziptifuɛ’m b’a faman alɛ b’a wlaman i nvle’n i sin’n niɔn?

4. ?Kɛ Moizi tinngɛli i kpɔnma’n jenvie’n su’n, ngue sa yɛ ɔ juli ɔ? ?Yɛ ngue yɛ Izraɛlifuɛ’m be yoli ɔ?

5. ?Kɛ Izraɛlifuɛ’m be sinnin mɔ Eziptifuɛ’m be suli be su jenvie’n i afiɛn’n, ngue yɛ ɔ juli ɔ?

6. ?Wafa sɛ yɛ Izraɛlifuɛ’m be kleli kɛ be o aklunjuɛ nun, naan be si delɛ nga Zoova deli be lɛ’n i su ye ɔ?

Kosan nga be klɛ uka su’n:

1. Kanngan Ezipt Lɔ Tulɛ 12:33-36 nun.

   ?Wafa sɛ yɛ Zoova yoli maan i nvle’n ɲannin blɛ wunmuan nga ɔ dili i lomuɛn nun Ezipti lɔ’n, i su akatua ɔ (Tul. 3:21, 22; 12:35, 36)

2. Kanngan Ezipt Lɔ Tulɛ 14:1-31 nun.

   ?Wafa sɛ yɛ Moizi i ndɛ nga ɔ o Ezipt Lɔ Tulɛ 14:13, 14 nun’n, ɔ ɲan ta Zoova i sufuɛ nga andɛ be minndɛ Armagedɔn alɛ’n be su ɔ (2 Nyo. 20:17; Jue. 91:8)

3. Kanngan Ezipt Lɔ Tulɛ 15:1-8, 20, 21 nun.

   1. ?Ngue ti yɛ ɔ nin i fata kɛ Zoova i sufuɛ’m be to jue be mɛnmɛn i ɔ (Tul. 15:1, 2; Jue. 105:2, 3; Ngl. 15:3, 4)

   2. ?Zoova i manmanlɛ nun’n, ajalɛ benin yɛ Miriamu nin bla nga be o jenvie nuan lɔ’n, be man andɛ Klistfuɛ bla mun ɔn (Tul. 15:20, 21; Jue. 68:11)

Ndɛ 34

Aliɛ wafa uflɛ

1. ?Desɛn’n su’n, ngue yɛle nga sran’m be su isɛ i asiɛ wun lɛ’n? ?Yɛ be flɛ like sɔ’n sɛ?

2. ?Mani’n i isalɛ’n i su mmla benin yɛ Moizi mannin nvlefuɛ mun ɔn?

3. ?Ngue yɛ Zoova seli nvlefuɛ mun kɛ be yo i cɛn ba nsiɛn’n su ɔ? ?Yɛ ngue ti ɔ?

4. ?Kɛ Mani’n kali lɛ cɛn ba nso su’n, atrɛ benin yɛ Zoova yili ɔ?

5. ?Zoova fali mani’n tali nvlefuɛ mun lele afuɛ nɲɛ?

Kosan nga be klɛ uka su’n:

1. Kanngan Ezipt Lɔ Tulɛ 16:1-36; Kalɛ 11:7-9 nun.

   1. ?Wafa sɛ yɛ Ezipt Lɔ Tulɛ 16:8 kle kɛ ɔ fata kɛ e ɲin yi Ɲanmiɛn ninnge’m be siesielɛ Klistfuɛ asɔnun’n nun ɔn (Ebr. 13:17)

   2. ?Aawlɛ flɛnnɛn nun lɔ’n, wafa sɛ yɛ Izraɛlifuɛ’m be ɲin kpɛnnin be siefuɛ Zoova su cɛn kwlaa ɔ (Tul. 16:14-16, 35; Mml. 8:2, 3)

   3. ?Zezi fali mani’n sunnzunnin ngue? ?Yɛ wafa sɛ yɛ e kwla ɲan “ɲanmiɛn su lɔ kpaun” sɔ’n i su mmlusuɛ ɔ (Zan 6:31-35, 40)

2. Kanngan Zozie 5:10-12 nun.

   ?Izraɛlifuɛ’m be dili mani’n afuɛ lele nɲɛ, yɛ wafa sɛ yɛ i sɔ’n boli be ta ɔ? ?Yɛ wafa sɛ yɛ e kwla fa ndɛ sɔ’n e tu e wun fɔ nun ɔn (Tul. 16:35; Kal. 11:4-6; 1 Kor. 10:10, 11)

Ndɛ 35

Zoova i mmla mun

1. ?Kɛ Izraɛlifuɛ’m be jasoli Ezipti lɔ m’ɔ dili anglo nɲɔn’n, ninfan yɛ be kpɛli be ngblaliɛ’n niɔn?

2. ?Ngue yɛ Zoova seli nvlefuɛ mun kɛ be yo ɔ? ?Yɛ be tɛli su sɛ?

3. ?Ngue ti yɛ Zoova mannin Moizi yɛbuɛ paplaapla nɲɔn ɔn?

4. ?Mmla uflɛ wie benin yɛ Zoova fa guali mmla blu’n su mannin Izraɛlifuɛ mun ɔn?

5. ?Mmla nɲɔn benin yɛ Zezi Klist seli kɛ be ti mmla’m be nun dan’n niɔn?

Kosan nga be klɛ uka su’n:

1. Kanngan Ezipt Lɔ Tulɛ 19:1-25; 20:1-21; 24:12-18; yɛ 31:18 nun.

   ?Wafa sɛ yɛ Ezipt Lɔ Tulɛ 19:8 i nun ndɛ’n ɔ uka e maan e wun Klistfuɛ kun i wun Ɲanmiɛn fa manlɛ’n, i wlɛ kpa ɔ (Mat. 16:24; 1 Piɛ. 4:1-3)

2. Kanngan Mmla’n 6:4-6; Saun Yolɛ 19:18; Matie 22:36-40 nun.

   ?Wafa sɛ yɛ Klistfuɛ’m be yi Ɲanmiɛn klolɛ’n, ɔ nin be mantanfuɛ i klolɛ’n i nglo ɔ (Mark 6:34; Yol. 4:20; Rɔm. 15:2)

Ndɛ 36

Sika ɔkwlɛ nannin ba’n

1. ?Ngue yɛ sran’m be su yo i desɛn’n su lɛ’n niɔn, yɛ ngue ti ɔ?

2. ?Ngue ti yɛ Zoova fali ya ɔ? ?Yɛ kɛ Moizi wunnin like nga nvlefuɛ’m be su yo’n, ngue yɛ ɔ yoli ɔ?

3. ?Ngue ndɛ yɛ Moizi seli nvlefuɛ wie mun kɛ be yo ɔ?

4. ?Afɔtuɛ benin yɛ ɔ fata kɛ ndɛ nga ɔ man e ɔ?

Kosan nga be klɛ uka su’n:

1. Kanngan Ezipt Lɔ Tulɛ 32:1-35 nun.

   1. ?Wafa sɛ yɛ ndɛ nga, ɔ kle angunndan nga Zoova bu i Ɲanmiɛn sulɛ wafa nga ɔ ti tɛ’n mɔ be fa sanngan nga ɔ ti kpa’n, i lika’n niɔn (Tul. 32:4-6, 10; 1 Kor. 10:7, 11)

   2. ?Wafa sɛ yɛ ngowa ninnge kɛ be ɲin su yiyilɛ like kɛ jue tielɛ, ɔ nin able silɛ sa’n be nun’n, Klistfuɛ’m be kwla nian be wun su ɔ (Tul. 32:18, 19; Efɛ. 5:15, 16; 1 Zan 2:15-17)

   3. ?Wafa sɛ yɛ Levifuɛ’m be akpasua’n, be mannin ajalɛ kpa sa nga ɔ ti kpa’n, i yolɛ’n nun ɔn (Tul. 32:25-28; Jue. 18: 26)

Ndɛ 37

Ɲanmiɛn i tannin sua’n

1. ?Be flɛ sua nga ɔ o desɛn’n su lɛ’n sɛ? ?Yɛ ngue yɛ be fa yo ɔ?

2. ?Ngue ti yɛ Zoova seli Moizi kɛ ɔ kplan tannin sua nga i tutulɛ’n timan kekle’n niɔn?

3. ?Ngue yɛle alaka nga ɔ o sua ba kaan nga ɔ o tannin sua’n i awieliɛ lɔ’n? ?Yɛ ngue yɛ ɔ o alaka sɔ’n nun ɔn?

4. ?Wan yɛ Zoova fɛli i kɛ ɔ yo Ɲanmiɛn ɲrun jranfuɛ’m be su kpɛn’n niɔn? ?Yɛ ngue junman yɛ Ɲanmiɛn ɲrun jranfuɛ’m be su kpɛn’n di ɔ?

5. Amun bo like nsan nga be o tannin sua’n i sua ba dan nun’n be dunman.

6. ?Like nɲɔn benin yɛ be o tannin sua’n i awlo’n klun lɔ’n niɔn? ?Yɛ ngue yɛ be fa be yo ɔ?

Kosan nga be klɛ uka su’n:

1. Kanngan Ezipt Lɔ Tulɛ 25:8-40; 26:1-37; 27:1-8; 28:1 nun.

   ?Ngue yɛle anzi nga be o “Ɲanmiɛn i alaka’n i ti tre i su’n” (Tul. 25:20, 22; Kal. 7:89; 2 Fam. 19:15)

2. Kanngan Ezipt Lɔ Tulɛ 30:1-10, 17-21; 34:1, 2; Ebre Mun 9:1-5 nun.

   1. ?Ngue ti yɛ Zoova jrannin su kpa kɛ ɔ fata kɛ Ɲanmiɛn ɲrun jranfuɛ nga ɔ su i tannin sua nun lɔ’n, ɔ yo saun i wunnɛn’n su’n niɔn? ?Yɛ wafa sɛ yɛ i sɔ’n wɔ e andɛ ɔ (Tul. 30:18-21; 40:30, 31; Ebr. 10:22)

   2. ?Wafa sɛ yɛ kɛ akoto Pɔlu klɛ́ Ebre Mun be fluwa’n, ɔ kle kɛ be diman tannin sua’n, ɔ nin Moizi Mmla’n be su kun ɔn (Ebr. 9:1, 9; 10:1)

Ndɛ 38

Lika kpla nianfuɛ mun

1. ?Wafa sɛ yɛ waka mma nga be o desɛn’n su lɛ’n be kpatrɛ’n ti ɔ? ?Yɛ be fin nin?

2. ?Ngue ti yɛ Moizi sunmannin sran blu nin nɲɔn (12) kɛ be ko kpla Kanaan klɔ’n be nian ɔn?

3. ?Kɛ be sali be sin’n, lika kpla nianfuɛ blu be seli Moizi sɛ?

4. ?Wafa sɛ yɛ lika kpla nianfuɛ nɲɔn’n be kleli kɛ be lafi Zoova su ɔ? ?Yɛ be flɛ be nɲɔn sɔ’n sɛ?

5. ?Ngue ti yɛ Zoova fali ya ɔ? ?Yɛ ɔ seli Moizi sɛ?

Kosan nga be klɛ uka su’n:

1. Kanngan Kalɛ 13:1-33 nun.

   1. ?Wan mun yɛ be kpali be kɛ be ko kpla klɔ’n be nian ɔn? ?Yɛ cenjele junman benin yɛ be ɲɛnnin i ɔ (Kal. 13:2, 3, 18-20)

   2. ?Ngue ti yɛ Zozie nin Kalɛbu be angunndan bulɛ nin be nga’m be liɛ’n w’a yoman kun ɔn? ?Yɛ ajalɛ benin yɛ i sɔ’n kle e ɔ (Kal. 13:28-30; Mat. 17:20; 2 Kor. 5:7)

2. Kanngan Kalɛ 14:1-38 nun.

   1. ?Asiɛ’n su wa Zoova i ja nunfuɛ’m be wun ijɔlɛ tɛtɛ i su afɔtuɛ benin yɛ ɔ fata kɛ e fa e ɲin e sie su ɔ (Kal. 14:2, 3, 27; Mat. 25:40, 45; 1 Kor. 10:10)

   2. ?Wafa sɛ yɛ Kalɛ 14:24 kle kɛ Zoova fɛ i ɲin sie i sufuɛ’m be su be tinuntinun ɔn (1 Fam. 19:18; Nya. 15:3)

Ndɛ 39

Aarɔn i kpɔnman’n bo nɲrɛ

1. ?Wan mun yɛ be jasoli Moizi nin Aarɔn be ninnge siesielɛ’n wun’n niɔn? ?Yɛ ngue ndɛ yɛ be kan kleli Moizi ɔ?

2. ?Ngue ndɛ yɛ Moizi kan kleli Kɔre nin i sufuɛ ya nɲɔn ablenun (250) mun ɔn?

3. ?Moizi seli nvlefuɛ’m be sɛ? ?Yɛ kɛ i nuan tɔli cɛ’n, ngue sa yɛ ɔ juli ɔ?

4. ?Ngue sa yɛ ɔ juli Kɔre nin i sufuɛ ya nɲɔn ablenun’n (250) be su ɔ?

5. ?Ngue yɛ Aarɔn i wa Eleazar fali be nga be wuli’n be sɛnmlɛn guawlɛ ninnge mun yoli ɔ, yɛ ngue ti ɔ?

6. ?Ngue ti yɛ Zoova yoli mɔ Aarɔn i kpɔnman’n boli nɲrɛ ɔ? (An nian desɛn’n su.)

Kosan nga be klɛ uka su’n:

1. Kanngan Kalɛ 16:1-17:1-14 nun.

   1. ?Ngue yɛ Kɔre nin i sufuɛ’m be yoli ɔ? ?Yɛ ngue ti yɛ i sɔ’n ti Zoova i ninnge nga ɔ siesieli’n be wun jasolɛ ɔ (Kal. 16:9, 10, 18; Sau. 10:1, 2; Nya. 11:2)

   2. ?Angunndan tɛ benin yɛ Kɔre nin sran “kaklaakla nin awlobo kpɛnngbɛn” ya nɲɔn ablenun’n (250), be buli ɔ (Kal. 16:1-3; Nya. 15:33; Eza. 49:7)

2. Kanngan Kalɛ 17:16-26 yɛ 26:10 nun.

   1. ?Ngue yɛ Aarɔn i kpɔnman nga ɔ fɛfɛli boli nɲrɛ’n, ɔ kle ɔ? ?Yɛ Ngue ti yɛ Zoova seli kɛ be fa sie i alaka’n nun ɔn (Kal. 17:20, 23, 25)

   2. ?Ngue ajalɛ cinnjin yɛ e kwla suɛn i Aarɔn i kpɔnman nga ɔ fɛfɛli boli nɲrɛ lɛ’n i su ɔ (Kal. 17:25; Yol. 20:28; Fil. 2:14; Ebr. 13:17)

Ndɛ 40

Moizi fɛ i kpɔnman’n fin yɛbuɛ’n

1. ?Wafa sɛ yɛ i nun mɔ Izraɛlifuɛ’m be o aawlɛ flɛnnɛn nun lɔ’n, Zoova niannin be lika ɔ?

2. ?Kɛ Izraɛlifuɛ’m be o Kadɛsi lɔ’n, ngue ti yɛ be plannin ɔn?

3. ?Wafa sɛ yɛ Zoova mannin nvlefuɛ mun nin be nnɛn’m be nzue ɔ?

4. ?Wan yɛ desɛn’n su’n ɔ fɛ i sa tinndin i bɔbɔ wun lɛ’n niɔn? ?Yɛ ngue ti yɛ ɔ su yo sɔ ɔ?

5. ?Ngue ti yɛ Zoova fali ya Moizi nin Aarɔn be wun ɔn? ?Yɛ wafa sɛ yɛ ɔ tuli be fɔ ɔ?

6. ?Ngue sa yɛ ɔ juli Ɔr oka’n su lɔ ɔ? ?Yɛ wan yɛ ɔ wa kacili Izraɛlifuɛ’m be Ɲanmiɛn ɲrun jranfuɛ’m be su kpɛn’n niɔn?

Kosan nga be klɛ uka su’n:

1. Kanngan Kalɛ 20:1-13, 22-29 yɛ Mmla’n 29:5 nun.

   1. ?Ngue afɔtuɛ yɛ wafa nga Zoova niannin Izraɛlifuɛ’m be lika aawlɛ flɛnnɛn nun lɔ’n, ɔ man e ɔ (Mml. 29:5; Mat. 6:31; Ebr. 13:5; Zak 1:17)

   2. ?Wafa sɛ yɛ Zoova buli Moizi nin Aarɔn mɔ b’a mɛnmɛnmɛn i Izraɛli nvle’n i ɲrun’n niɔn (Kal. 20:12; 1 Kor. 10:12; Ngl. 4:11)

   3. ?Wafa sɛ yɛ e kwla fa fɔ nga Zoova buli Moizi’n e tu wun fɔ nun ɔn (Kal. 12:3; 20:12, 27, 28; Mml. 32:4; Ebr. 12:7-11)

Ndɛ 41

Aaba wuo

1. ?Ngue like yɛlɛ nga ɔ blabla waka’n wun desɛn’n su lɛ’n? ?Yɛ ngue ti yɛ Zoova seli Moizi kɛ ɔ fa sie i lɛ ɔ?

2. ?Wafa sɛ yɛ nvlefuɛ’m b’a siman like kwlaa nga Ɲanmiɛn fa mannin be’n, i su ye ɔ?

3. ?Kɛ Zoova fali wuo nga be le bɔyre tɛtɛ kpa’n bali Izraɛlifuɛ’m be fɔ tulɛ’n, ngue ndɛ yɛ be kan kleli Moizi ɔ?

4. ?Ngue ti yɛ Zoova seli Moizi kɛ ɔ yo aaba wuo’n niɔn?

5. ?Afɔtuɛ benin yɛ ndɛ ngalɛ’n man e ɔ?

Kosan nga be klɛ uka su’n:

1. Kanngan Kalɛ 21:4-9 nun.

   1. ?Ninnge nga Zoova siesie fa man e’n be nun’n, wafa sɛ yɛ e kwla fa Izraɛlifuɛ’m be ijɔlɛ’n e tu e wun fɔ nun ɔn (Kal. 21:5, 6; Rɔm. 2:4)

   2. ?Laa blɛ liɛ nun’n, ngue yɛ Izraɛlifuɛ’m be fali aaba wuo’n be yoli ɔ? ?Yɛ ajalɛ benin yɛ Famiɛn Ezekiasi fali ɔ (Kal. 21:9; 2 Fam. 18:1-4)

2. Kanngan Zan 3:14, 15 nun.

   ?Wafa sɛ yɛ aaba wuo nga be sieli i waka’n su’n, ɔ ti Zezi i waka’n su bobolɛ’n nzɔliɛ like ɔ (Gal. 3:13; 1 Piɛ. 2:24)

Ndɛ 42

Aflunmun kun ijɔli

1. ?Wan yɛle Balaki? ?Yɛ ngue ti yɛ ɔ sunmannin sran kɛ be ko flɛ Balaamu ɔ?

2. ?Ngue ti yɛ Balaamu i aflunmun’n lali atin’n nun ɔn?

3. ?Ngue ndɛ yɛ Balaamu tili kɛ i aflunmun su kan ɔn?

4. ?Ngue ndɛ yɛ anzi kun kan kle Balaamu ɔ?

5. ?Kɛ Balaamu waan ɔ́ bó Izraɛlifuɛ’m be sannzan’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Kalɛ 21:21-35 nun.

   ?Ngue ti yɛ Izraɛlifuɛ’m be kwlali Siɔn m’ɔ ti Amɔrfuɛ’m be Famiɛn’n, nin Ɔg m’ɔ ti Bazan Famiɛn’n niɔn (Kal. 21:21, 23, 33, 34)

2. Kanngan Kalɛ 22:1-40 nun.

   ?Ngue like ti yɛ Balaamu waan ɔ́ bó Izraɛlifuɛ’m be sannzan’n niɔn? ?Wafa sɛ yɛ e kwla fɛ i sɔ’n e tu e wun fɔ nun ɔn (Kal. 22:16, 17; Nya. 6:16, 18; 2 Piɛ. 2:15; Zid 11)

3. Kanngan Kalɛ 23:1-30 nun.

   ?Kannzɛ bɔbɔ Balaamu ijɔli kɛ Zoova i sufuɛ kun sa’n, sanngɛ wafa sɛ yɛ i ayeliɛ’n kleli kɛ ɔ timan Ɲanmiɛn sufuɛ ɔ (Kal. 23:3, 11-14; 1 Sam. 15:22)

4. Kanngan Kalɛ 24:1-25 nun.

   ?Wafa sɛ yɛ Biblu’n nun ndɛ nga, ɔ yo maan e lafi su tankaan kpa kɛ Zoova i like kwlaa nga i waan ɔ́ yó’n, saan ɔ́ yó be’n niɔn (Kalɛ 24:10; Ezai 54:17)

Ndɛ 43

Zozie sinnin Moizi ja nun

1. ?Desɛn’n su’n, wan yɛle yasua nɲɔn nga be jin Moizi wun lɛ’n?

2. ?Ngue ndɛ yɛ Zoova kan kleli Zozie ɔ?

3. ?Ngue ti yɛ Moizi fuli Nɛbo oka’n i ti su nglo lɔ ɔ? ?Yɛ ngue ndɛ yɛ Zoova kan kleli i ɔ?

4. ?Kɛ Moizi wú’n, nn ɔ le afuɛ nɲɛ?

5. ?Ngue yɛ ɔ yoli nvlefuɛ’m be ya dan ɔn? ?Yɛ ngue like yɛ ɔ yo be fɛ ɔ?

Kosan nga be klɛ uka su’n:

1. Kanngan Kalɛ 27:12-23 nun.

   ?Junman dan kpa benin yɛ Zoova fa mannin Zozie ɔ? ?Yɛ wafa sɛ yɛ andɛ’n Zoova kle kɛ ɔ niɛn i nvle’n i lika ɔ (Kal. 27:15-19; Yol. 20:28; Ebr. 13:7)

2. Kanngan Mmla’n 3:23-29 nun.

   ?Ngue ti yɛ Zoova w’a kplinman su kɛ Moizi nin Aarɔn be ju asiɛ nga ɔ tali nda kɛ ɔ́ fá mán be’n i su lɔ ɔ? ?Yɛ wafa sɛ yɛ e kwla fa tu e wun fɔ nun ɔn (Mml. 3:25-27; Kal. 20:12, 13)

3. Kanngan Mmla’n 31:1-8, 14-23 nun.

   ?Wafa sɛ yɛ Moizi i ndɛ kasiɛn nga ɔ kɛn i Izraɛli nvle’n i ɲrun’n, ɔ kle kɛ ɔ kɛnnin i wun ase ɔ sɔli Zoova i afɔtuɛ’n nun ɔn (Mml. 31:6-8, 23)

4. Kanngan Mmla’n 32:45-52 nun.

   ?Wafa sɛ yɛ ɔ nin i fata kɛ Ɲanmiɛn Ndɛ’n kan e mɛn dilɛ’n niɔn (Mml. 32:47; Sau. 18:5; Ebr. 4:12)

5. Kanngan Mmla’n 34:1-12 nun.

   ?Sɛ bɔbɔ Moizi w’a wunman Ɲanmiɛn sa jrɛiin le’n, sanngɛ Moizi nin Zoova be afiɛn ndɛ’n i su like benin yɛ Mmla’n 34:10 kle e ɔ (Tul. 33:11, 20; Kal. 12:8)

Ndɛ 44

Raabu nin nvle kplafuɛ mun

1. ?Ninfan yɛ Raabu tran ɔn?

2. ?Wan yɛle yasua nɲɔn nga be o desɛn’n su lɛ’n? ?Yɛ ngue ti yɛ be o Zeriko lɔ ɔ?

3. ?Ngue ndɛ yɛ Zeriko famiɛn’n kan kleli Raabu kɛ ɔ yo ɔ? ?Yɛ Raabu tɛli i su sɛ?

4. ?Wafa sɛ yɛ Raabu uka yasua nɲɔn mun ɔn? ?Yɛ ngue like yɛ ɔ srɛli be ɔ?

5. ?Nda benin yɛ lika kpla nianfuɛ nɲɔn’n be tali Raabu ɔ?

Kosan nga be klɛ uka su’n:

1. Kanngan Zozie 2:1-24 nun.

   ?Kɛ be bali Zeriko klɔ’n i delɛ’n, wafa sɛ yɛ Ezipt Lɔ Tulɛ 23:28 i nun nda nga Zoova tali Izraɛlifuɛ mun’n, ɔ kpɛnnin su ɔ (Zozie 2:9-11)

2. Kanngan Ebre Mun 11:31 nun.

   ?Wafa sɛ yɛ Raabu i ajalɛ’n yi i nglo kpa kɛ Ɲanmiɛn sulafilɛ’n ti cinnjin ɔn (Rɔm. 1:17; Ebr. 10:39; Zak 2:25)

Ndɛ 45

Zurdɛn’n i kpɛlɛ

1. ?Atrɛ benin yɛ Zoova yili naan Izraɛlifuɛ’m b’a kwla kpɛ Zurdɛn nzue’n niɔn?

2. ?Ɲanmiɛn sulafilɛ benin yɛ ɔ fata kɛ Izraɛlifuɛ’m be yi i nglo naan b’a kpɛ Zurdɛn nzue’n niɔn?

3. ?Ngue ti yɛ Zoova seli Zozie kɛ ɔ fa Zurdɛn i afiɛn yɛbuɛ dandan blu nin nɲɔn ɔn?

4. ?Kɛ Ɲanmiɛn ɲrun jranfuɛ’m be fin nzue nun fiteli cɛ’n, ngue like yɛ ɔ juli ɔ?

Kosan nga be klɛ uka su’n:

1. Kanngan Zozie 3:1-17 nun.

   1. ?Kɛ nga be fa yiyili nun ndɛ nga nun sa’n, ngue yɛ ɔ fata kɛ e yo naan y’a ɲan ukalɛ nin suyralɛ Zoova sa nun ɔn (Zoz. 3:13, 15; Nya. 3:5; Zak 2:22, 26)

   2. ?I nun mɔ Izraɛlifuɛ’m bé kpɛ́ Zurdɛn mɔ bé kɔ́ asiɛ nga Zoova tali nda kɛ ɔ́ fá mán be’n i nun lɔ’n, nn nzue’n ti sɛ? ?Yɛ wafa sɛ yɛ i sɔ’n yili Zoova i dunman dan’n, i ayɛ ɔ (Zoz. 3:15; 4:18; Jue. 66:5-7)

2. Kanngan Zozie 4:1-18 nun.

   ?Ngue like yɛ bé fá yɛbuɛ blu nin nɲɔn nga be fɛli i Zurdɛn i sonjiwlɛ nun mɔ be ko sieli i Gilgali lɔ’n, bé yó ɔ (Zozie 4:4-7)

Ndɛ 46

Zeriko klɔ’n i talɛ’n

1. ?Ngue like yɛ Zoova seli sonja mun nin Ɲanmiɛn ɲrun jranfuɛ mun kɛ be yo i lele cɛn ba nsiɛn ɔn?

2. ?Ngue yɛ sonja’m be yoli i cɛn ba nso’n su ɔ?

3. ?Kɛ nga amun fa wun i desɛn’n su lɛ sa’n, Zeriko klɔ’n i talɛ’n yoli sɛ?

4. ?Ngue ti yɛ ɲanman ɔkwlɛ kun sende fenɛtri’n nun ɔn?

5. ?Zozie kan kleli sonja mun kɛ be yo nvlefuɛ mun nin klɔ’n be sɛ? ?Yɛ jɛtɛ ufue, nin sika ɔkwlɛ, ɔ nin aaba nin blalɛ fanunfanun’m be li?

6. ?Ngue ndɛ yɛ be seli lika kpla nianfuɛ nɲɔn kɛ be yo ɔ?

Kosan nga be klɛ uka su’n:

1. Kanngan Zozie 6:1-25 nun.

   1. ?Wafa sɛ yɛ Zeriko klɔ mɔ Izraɛlifuɛ’m be bo sin yiɛ i cɛn ba nso su’n, ɔ nin nga Zoova i Lalofuɛ’m be blɛ kasiɛn nga nun jasin fɛ’n bolɛ junman’n, be kɔ likawlɛ ɔ (Zoz. 6:15, 16; Eza. 60:22; Mat. 24:14; 1 Kor. 9:16)

   2. ?Kɛ afuɛ kɔe 500 sinnin’n, wafa sɛ yɛ Ɲanmiɛn nuan ndɛ nga ɔ o Zozie 6:26 nun’n ɔ kpɛnnin su ɔ? ?Yɛ ngue yɛ i sɔ’n kle e Zoova i nuan ndɛ’n i lika ɔ (1 Fam. 16:34; Eza. 55:11)

Ndɛ 47

Izraɛli lɔ awiefuɛ kun

1. ?Wan yɛle nga desɛn’n su ɔ su wla aɲanbeun ninnge nga ɔ fɛli i Zeriko lɔ’n i ase lɛ’n? ?Yɛ wan mun yɛle be nga be su ukɛ i lɛ’n?

2. ?Ngue ti yɛ Akan nin i awlobofuɛ’m be like nga be yoli’n timan like kaan ɔn?

3. ?Kɛ Zozie usali Zoova like ti mɔ Aifuɛ’m be kwlali Izraɛlifuɛ mun’n, ngue ndɛ yɛ Zoova kannin ɔn?

4. ?Kɛ be fali Akan nin i osufuɛ’m be blɛli Zozie’n, be yoli be sɛ?

5. ?Afɔtuɛ cinnjin kpa benin yɛ Akan i jɔlɛ dilɛ’n man e ɔ?

Kosan nga be klɛ uka su’n:

1. Kanngan Zozie 7:1-26 nun.

   1. ?Zozie nin i Yifuɛ’n be afiɛn ndɛ benin yɛ i Ɲanmiɛn srɛlɛ’n, ɔ yi i nglo ɔ (Zoz. 7:7-9; Jue. 119:145; 1 Zan 5:14)

   2. ?Ngue yɛ Akan i ajalɛ’n kle ɔ? ?Yɛ wafa sɛ yɛ e kwla fa tu e wun fɔ nun ɔn (Zoz. 7:11, 14, 15; Nya. 15:3; 1 Tim. 5:24; Ebr. 4:13)

2. Kanngan Zozie 8:1-29 nun.

   ?Ngue trɔ yɛ andɛ ɔ jin e ti su Klistfuɛ asɔnun’n i lika ɔ (Zoz. 7:13; Sau. 5:1; Nya. 28:13)

Ndɛ 48

Gabaɔnfuɛ’m be ngwlɛlɛ ayeliɛ’n

1. ?Wafa sɛ yɛ ngbaciɛ o Gabaɔnfuɛ’m be nin Kanaanfuɛ mɔ be tran be wun lɛ’n, be afiɛn ɔn?

2. ?Kɛ nga e fa e wun i desɛn’n su lɛ’n, ngue yɛ Gabaɔnfuɛ’m be yoli ɔ? ?Yɛ ngue ti ɔ?

3. ?Ngue nda yɛ Zozie nin Izraɛli kpɛnngbɛn’m be tɛli i Gabaɔnfuɛ’m be lika ɔ? ?Yɛ ngue ndɛ yɛ be tili i le nsan’n su ɔ?

4. ?Kɛ klɔ wie su famiɛn’m be tili kɛ Gabaɔnfuɛ’m be nin Izraɛlifuɛ’m b’a tra fɔundi aenguɛ’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Zozie 9:1-27 nun.

   1. ?Kannzɛ bɔɔ Zoova seli Izraɛlifuɛ mun kɛ ‘be nunnun mɛn nga nunfuɛ’m be kwlaa’n,’ sanngɛ i nzuɛn’n i wafa benin yɛ Gabaɔnfuɛ m’ɔ yaci cɛli be’n, ɔ yili i nglo ɔ (Zoz. 9:22, 24; Mat. 9:13; Yol. 10:34, 35; 2 Piɛ. 3: 9)

   2. ?Ngue ajalɛ kpa yɛ wafa nga Zozie nin Gabaɔnfuɛ’m be trali aenguɛ’n, ɔ kle andɛ Klistfuɛ mun ɔn (Zoz. 9:18, 19; Mat. 5:37; Efɛ. 4:25)

2. Kanngan Zozie 10:1-5 nun.

   ?Wafa sɛ yɛ andɛ’n, sran kpanngban kpa nga bé wá trán asiɛ’n su wa’n, be fa Gabaɔnfuɛ’m be ajalɛ’n su ɔ? ?Yɛ kɛ ɔ yo sɔ’n, ngue yɛ ɔ ju be su ɔ (Zoz. 10:4; Zkr. 8:23; Mat. 25:35-40; Ngl.12:17)

Ndɛ 49

Wia’n jrannin i osu’n nun

1. ?Desɛn’n su’n, ngue ndɛ yɛ Zozie su kan ɔn, yɛ ngue ti ɔ?

2. ?Wafa sɛ yɛ Zoova ukali Zozie nin i alɛ kunfuɛ mun ɔn?

3. ?Izraɛlifuɛ’m be kpɔfuɛ’m be famiɛn nɲɛ yɛ Zozie kwlali be ɔ, yɛ i sɔ’n dili afuɛ nɲɛ?

4. ?Ngue ti yɛ Zozie kpɛkpɛli Kanaan asiɛ’n nun ɔn?

5. ?Kɛ Zozie wú’n, nn ɔ le afuɛ nɲɛ? ?Yɛ kɛ ɔ yoli sɔ’n, i sin’n ngue yɛ ɔ juli nvle’n su ɔ?

Kosan nga be klɛ uka su’n:

1. Kanngan Zozie 10:6-15 nun.

   ?Kɛ mɔ e si kɛ Zoova jrannin wia’n nin anglo ba’n mannin Izraɛli’n niɔn, wafa sɛ yɛ i sɔ’n yo maan e lafi i su kpa ɔ (Zoz. 10:8, 10, 12, 13; Jue. 18:3; Nya. 18:10)

2. Kanngan Zozie 12:7-24 nun.

   ?Nanwlɛ, wan yɛ ɔ yoli maan be kwlali Kanaan famiɛn ablasan nin kun (31) mun ɔn? ?Yɛ ngue ti yɛ i sɔ’n ti cinnjin man e andɛ ɔ (Zoz. 12:7; 24:11-13; Mml. 31:8; Lik 21:9, 25-28)

3. Kanngan Zozie 14:1-5 nun.

   ?Wafa sɛ yɛ be kpɛkpɛli Kanaan asiɛ’n nun mannin Izraɛli akpasua mun ɔn? ?Yɛ ngue yɛ i sɔ’n kle i asiɛ’n i cɛcɛlɛ nun Mɛn Klanman’n nun lɔ ɔ (Zoz. 14:2; Eza. 65:21; Eze. 47:21-23; 1 Kor. 14:33)

4. Kanngan Jɔlɛ Difuɛ Mun 2:8-13 nun.

   ?Kɛ nga Zozie fa yoli i Izraɛli lɔ’n sa’n, wan yɛ andɛ’n ɔ jran be nga be jasoli Ɲanmiɛn wun’n be ayeliɛ’n i ɲrun kekle ɔ (Jɔl. 2:8, 10, 11; Mat. 24:45-47; 2 Tɛs. 2:3-6; Tit 1:7-9; Ngl. 1:1; 2:1, 2)

Ndɛ 50

Bla yakpafuɛ nɲɔn

1. ?Wan yɛle jɔlɛ difuɛ mun? ?Yɛ be nun klikli’n i dunman yɛle benin?

2. ?Junman ngunmin kun benin yɛ Debora le i ɔ? ?Yɛ i sɔ’n i bo’n yɛle benin?

3. ?Kɛ famiɛn Zabɛn, ɔ nin sonja’m be su kpɛn Sizɛra be waan bé fá alɛ bé wlɛ́ i Izraɛlifuɛ’m be sin’n, ngue ndɛ yɛ Zoova fa wlali Debora nuan kɛ ɔ kan kle jɔlɛ difuɛ Baraki ɔ? ?Yɛ wan yɛ i waan ɔ́ ɲán ɲrun alɛ sɔ’n nun ɔn?

4. ?Wafa sɛ yɛ Zaɛli kleli kɛ ɔ ti bla yakpafuɛ ɔ?

5. ?Kɛ be kunnin famiɛn Zabɛn’n, ngue yɛ ɔ juli ɔ?

Kosan nga be klɛ uka su’n:

1. Kanngan Jɔlɛ Difuɛ Mun 2:14-22 nun.

   ?Wafa sɛ yɛ Izraɛlifuɛ’m be yoli mɔ Zoova i ya’n guali be su ɔ? ?Yɛ wafa sɛ yɛ e kwla fa tu e wun fɔ nun ɔn (Jɔl. 2:20; Nya. 3:1, 2; Eze. 18:21-23)

2. Kanngan Jɔlɛ Difuɛ Mun 4:1-24 nun.

   ?Wafa sɛ yɛ andɛ Klistfuɛ bla’m be kwla nian Debora nin Zaɛli be Ɲanmiɛn sulafilɛ, ɔ nin be yakpa yolɛ’n su ɔ (Jɔl. 4:4, 8, 9, 14, 21, 22; Nya. 31:30; 1 Kor. 16:13)

3. Kanngan Jɔlɛ Difuɛ Mun 5:1-31 nun.

   ?Armagedɔn alɛ i balɛ nun’n, wafa sɛ yɛ e kwla fa Baraki nin Debora be kwlalɛ jue’n e yo e Ɲanmiɛn srɛlɛ like ɔ (Jɔl. 5:3, 31; 1 Nyo. 16:8-10; Ngl. 7:9, 10; 16:16; 19:19-21)

Ndɛ 51

Story 51

Riti nin Naomi

1. ?Ngue ti yɛ Naomi ko trannin Moabu mɛn’n nun lɔ ɔ?

2. ?Wan yɛle Riti nin Ɔrpa?

3. ?Kɛ Naomi seli Riti nin Ɔrpa kɛ be sa be sin be nvle nun’n, wafa sɛ yɛ be tinuntinun be tɛli i su ɔ?

4. ?Wan yɛle Boazi, yɛ wafa sɛ yɛ ɔ ukali Riti nin Naomi ɔ?

5. ?Be flɛ Boazi nin Riti be wa’n sɛ? ?Yɛ ngue ti yɛ ɔ nin i fata kɛ e wla kpɛn i su ɔ?

Kosan nga be klɛ uka su’n:

1. Kanngan Rit 1:1-17 nun.

   1. ?Wafa sɛ yɛ Riti yili i nanwlɛ klolɛ’n i nglo klanman ɔn (Rit 1:16, 17)

   2. ?Wafa sɛ yɛ Riti i angunndan kpa’n, ɔ kle ayeliɛ nga ‘bua’m be wie mun’ be yi i nglo be nga be kpali be sieli be ngunmin’n mɔ be o asiɛ’n su wa andɛ’n be lika ɔ? (Zan 10:16; Zrk. 8:23)

2. Kanngan Rit 2:1-23 nun.

   ?Wafa sɛ yɛ Riti man andɛ bla’m be ajalɛ kpa ɔ (Rit 2:17, 18; Nya. 23:22; 31:15)

3. Kanngan Rit 3:5-13 nun.

   1. ?Kɛ Riti w’a jaman gbanflɛn wie, mɔ sanngɛ ɔ tuli i klun jali Boazi’n, wafa sɛ Boazi buli i sɔ’n niɔn?

   2. ?Klolɛ kpa’n i su like benin yɛ Riti i ajalɛ’n kle e ɔ (Rit 3:10; 1 Kor. 13:4, 5)

4. Kanngan Rit 4:7-17 nun.

   ?Wafa sɛ yɛ andɛ Klistfuɛ yasua’m be kwla yo kɛ Boazi sa ɔ (Rit 4:9, 10; 1 Tim. 3:1, 12, 13; 5:8)

Ndɛ 52

Zedeɔn nin sran ya nsan

1. ?Wafa sɛ yɛ Izraɛlifuɛ’m be su wun ɲrɛnnɛn ekun ɔn? ?Yɛ ngue ti ɔ?

2. ?Ngue ti yɛ Zoova seli Zedeɔn kɛ i sonja’m be te sɔn ɔn?

3. ?Kɛ Zedeɔn seli be nga be klun titi be’n kɛ be sa be sin be awlo’n, sran nɲɛ yɛ ɔ kali ɔ?

4. Amun nian desɛn’n su’n naan wafa nga Zoova fa yoli mɔ ɔ yili Zedeɔn i sonja mun lele ɔ kali sran 300 cɛ’n, amun yiyi nun.

5. ?Wafa sɛ yɛ Zedeɔn siesieli i sran 300 mun ɔn? ?Yɛ wafa sɛ yɛ Izraɛli kwlali alɛ’n nun ɔn?

Kosan nga be klɛ uka su’n:

1. Kanngan Jɔlɛ Difuɛ Mun 6:36-40 nun.

   1. ?Wafa sɛ yɛ Zedeɔn yoli naan w’a kwla wun Zoova i klun sa yolɛ’n i wlɛ kpa ɔ?

   2. ?Wafa sɛ yɛ andɛ e wun Zoova i klun sa yolɛ’n i wlɛ kpa ɔ (Nya. 2:3-6; Mat. 7:7-11; 2 Tim. 3:16, 17)

2. Kanngan Jɔlɛ Difuɛ Mun 7:1-25 nun.

   1. ?Afɔtuɛ benin yɛ e kwla suɛn i sran 300 nga be sasa be wun’n, ɔ nin be nga be sasaman be wun’n be su ɔ (Jɔl. 7:3, 6; Rɔm. 13:11, 12; Efɛ. 5:15-17)

   2. ?Kɛ nga sran 300 be niannin Zedeɔn i ajalɛ’n su be yoli ninnge mun sa’n, wafa sɛ yɛ andɛ e kwla nian Zedeɔn Danfuɛ’n mɔ yɛle Zezi Klist i ajalɛ’n su wie ɔ (Jɔl. 7:17; Matie 11:29, 30; 28:19, 20; 1 Piɛ. 2:21)

   3. ?Wafa sɛ yɛ Jɔlɛ Difuɛ Mun 7:21 ɔ uka e naan e klun w’a jɔ junman kwlaa nga Zoova i anuannzɛ’n fa man e’n, i su ɔ (1 Kor. 4:2; 12:14-18; Zak 4:10)

3. Kanngan Jɔlɛ Difuɛ Mun 8:1-3 nun.

   ?Sɛ ndɛ wie tɔ e nin aniaan wie e afiɛn’n, wafa sɛ yɛ ajalɛ nga Zedeɔn fa siesieli ɔ nin Efraimu akpasua’n su sran’m be afiɛn ndɛ’n, ɔ kwla uka e ɔ (Nya. 15:1; Mat. 5:23, 24; Lik 9:48)

Ndɛ 53

Zɛfte i nda talɛ

1. ?Wan yɛle Zɛfte? ?Yɛ blɛ onin nun sran ɔn?

2. ?Nda benin yɛ Zɛfte tali Zoova ɔ?

3. ?Kɛ ɔ kwlali Amɔnfuɛ mun m’ɔ sɛli i sin i awlo’n, ngue ti yɛ Zɛfte i wun wa bubuli ɔ?

4. ?Kɛ Zɛfte i wa bla’n tili nda nga i si tali’n, ɔ seli sɛ?

5. ?Ngue ti yɛ nvlefuɛ’m be klo Zɛfte i wa bla’n niɔn?

Kosan nga be klɛ be uka su’n:

1. Kanngan Jɔlɛ Difuɛ Mun 10:6-18 nun.

   ?Wafa sɛ yɛ e kwla fa Izraɛlifuɛ’m be Ɲanmiɛn su mɔ b’a lafiman’n, e tun e wun fɔ nun ɔn (Jɔl. 10:6, 15, 16; Rɔm. 15:4; Ngl. 2:10)

2. Kanngan Jɔlɛ Difuɛ Mun 11:1-11, 29-40 nun.

   1. ?Wafa sɛ yɛ e si kɛ Zɛfte i wa bla m’ɔ fa mannin kɛ ‘tɛ mɔ be yrɛ i nnɛn’n kɔlikɔli’ sa’n, ɔ kleman kɛ ɔ fɛli i wa’n yili i sin nun kɛ ɔ́ fá sɔ́ amuɛn sa ɔ (Jɔl. 11:31; Sau. 16:24; Mml. 18:10, 12)

   2. ?Wafa sɛ yɛ Zɛfte fɛli i wa bla’n mannin kɛ tɛ sa ɔ?

   3. ?Zoova i nda talɛ nun’n, ngue yɛ Zɛfte i ajalɛ’n kle e ɔ (Jɔl. 11:35, 39; Aku. 5:4, 5; Mat. 16:24)

   4. ?Ɲanmiɛn ninnge’m be nun blɛ kwlaa nun junman dilɛ nun’n, wafa sɛ yɛ Zɛfte i wa bla’n man Klistfuɛ gbanflɛn nin talua’m be ajalɛ kpa ɔ (Jɔl. 11:36; Mat. 6:33; Fil. 3:8)

Ndɛ 54

Sran m’ɔ le wunmiɛn kpa’n

1. ?Be flɛ sran mɔ i wunmiɛn’n leman wunsu’n, i sɛ? ?Yɛ waan yɛ ɔ mɛnnin i wunmiɛn sɔ’n niɔn?

2. ?Kɛ nga e kwla wun i desɛn’n su lɛ’n sa’n, ngue yɛ cɛn kun Samsɔn yoli asɔmɔli kun ɔn?

3. ?Desɛn’n su’n, Samsɔn i klun ndɛ benin yɛ ɔ su kan kle Delila ɔ? ?Yɛ wafa sɛ yɛ i sɔ’n yoli maan Filistifuɛ’m be trɛli i ɔ?

4. ?Wafa sɛ yɛ Samsɔn kunnin Filistifuɛ 3.000 le kunngba nga ɔ wuli’n, i nun ɔn?

Kosan nga be klɛ uka su’n:

1. Kanngan Jɔlɛ Difuɛ Mun 13:1-14 nun.

   ?Ba’m be talɛ nun’n, wafa sɛ yɛ Manɔaki nin i yi be man siɛ nin niɛn’m be ajalɛ kpa ɔ (Jɔl. 13:8; Jue. 127:3; Efɛ. 6:4)

2. Kanngan Jɔlɛ Difuɛ Mun 14:5-9 yɛ 15:9-16 nun.

   1. ?Zoova i wawɛ’n i junman nga ɔ di’n, i su like benin yɛ Samsɔn i asɔmɔli nga ɔ kunnin i’n, ɔ nin ɲanman uflɛuflɛ nga be fa cili i m’ɔ kpɛli nun’n, ɔ nin aflunmun yasua aoje nga ɔ fa kunnin sran akpi kun’n ( 1.000), be su ndɛ’n ɔ kle ɔ?

   2. ?Wafa sɛ yɛ andɛ’n, Zoova i wawɛ’n uka e ɔ (Jɔl. 14:6; 15:14; Zak. 4:6; Yol. 4:31)

3. Kanngan Jɔlɛ Difuɛ Mun 16:18-31 nun.

   ?Wafa sɛ yɛ janvuɛ tɛ tralɛ’n ɲannin ta Samsɔn su ɔ? ?Yɛ ngue yɛ i sɔ’n kwla kle e ɔ (Jɔl. 16:18, 19; 1 Kor. 15:33)

Ndɛ 55

Gbanflɛn kaan kun su Ɲanmiɛn

1. ?Be flɛ gbanflɛn kaan nga ɔ o desɛn’n su lɛ’n sɛ? ?Yɛ wan yɛle be ngalɛ mun?

2. ?Cɛn kun mɔ Ani ɔli Ɲanmiɛn tannin sua nun lɔ’n, srɛlɛ benin yɛ ɔ srɛli Ɲanmiɛn ɔn? ?Yɛ wafa sɛ yɛ Zoova tɛli i srɛlɛ’n su ɔ?

3. ?Kɛ bé fá Samiɛli bé kɔ́ Zoova tannin sua nun lɔ kɛ ɔ ko su i’n, nn ɔ le afuɛ nɲɛ? ?Yɛ ngue yɛ i nin’n yo mɛn i afuɛ kwlaa nun ɔn?

4. ?Be flɛ Eli i mma’m be sɛ? ?Yɛ sran’n i wafa benin yɛle be?

5. ?Wafa sɛ yɛ Zoova flɛli Samiɛli ɔ? ?Yɛ ngue ndɛ yɛ ɔ kan kleli i ɔ?

6. ?Kɛ Samiɛli ɲinnin’n, ngue yɛ ɔ yoli ɔ? ?Yɛ kɛ ɔ yoli kpɛnngbɛn’n, ngue sa yɛ ɔ juli ɔ?

Kosan nga be klɛ uka su’n:

1. Kanngan 1 Samiɛl 1:1-28 nun.

   1. ?Kɛ Ɛlkana fali Ɲanmiɛn sulɛ’n kpa’n i nun ta’n, ajalɛ kpa benin yɛ ɔ man awlobo kpɛnngbɛn mun ɔn (1 Sam. 1:3, 21; Mat. 6:33; Fil. 1:10)

   2. ?Wafa sɛ yɛ e kwla fa wafa nga Ani siesieli awlobo nun sa kekle kun’n, e tu e wun fɔ nun ɔn (1 Sam. 1:10, 11; Jue. 55:23; Rɔm. 12:12)

2. Kanngan 1 Samiɛl 2:11-36 nun.

   ?Wafa sɛ yɛ Eli bu i mma’m be sran tra Zoova ɔ? ?Yɛ wafa sɛ yɛ e kwla fɛ i sɔ’n e tu e wun fɔ nun ɔn (1 Sam. 2:22-24, 27, 29; Mml. 21:18-21; Mat. 10:36, 37)

3. Kanngan 1 Samiɛl 4:16-18 nun.

   ?Ɲrɛnnɛn jasin nnan benin yɛ be fin alɛ kunwlɛ lika nun lɔ bali ɔ? ?Yɛ wafa sɛ yɛ i sɔ’n kannin Eli ɔ?

4. Kanngan 1 Samiɛl 8:4-9 nun.

   ?Wafa sɛ yɛ Izraɛlifuɛ’m be fɔnnin Zoova wun dan kpa ɔ? ?Yɛ wafa sɛ yɛ andɛ’n, e kwla suan Zoova i Sielɛ Blɛ’n i bo nanwlɛ nun ɔn (1 Sam. 8:5, 7; Zan 17:16; Zak 4:4)

Ndɛ 56

Saili m’ɔ ti Izraɛli famiɛn klikli’n

1. ?Ngue yɛ Samiɛli su yo i desɛn’n su wa ɔ? ?Yɛ ngue ti ɔ?

2. ?Ngue ti yɛ Zoova klo Saili ɔ? ?Yɛ, sran’n i wafa benin yɛle Saili?

3. ?Be flɛ Saili i wa yasua’n sɛ? ?Yɛ ngue yɛ i wa sɔ’n yoli ɔ?

4. ?Ngue ti yɛ Saili w’a minndɛman Samiɛli mɔ i bɔbɔ yili tɛ’n niɔn?

5. ?Afɔtuɛ benin yɛ Saili i ndɛ’n man e ɔ?

Kosan nga be klɛ uka su’n:

1. Kanngan 1 Samiɛl 9:15-21 nin 10:17-27 nun.

   ?Kɛ sran wie’m be kannin Saili i wun ndɛ tɛ’n, wafa sɛ yɛ i ayeliɛ wɛtɛɛ’n ukɛli i maan w’a yoman nzaje sa ɔ (1 Sam. 9:21; 10:21, 22, 27; Nya. 17:27)

2. Kanngan 1 Samiɛl 13:5-14 nun.

   ?Sa tɛ onin yɛ Saili yoli i Gilgali lɔ ɔ (1 Sam. 10:8; 13:8, 9, 13)

3. Kanngan 1 Samiɛl 15:1-35 nun.

   1. ?Amalɛki famiɛn Agagi i su ndɛ nun’n, ngue sa tɛ kpa yɛ Saili yoli ɔ (1 Sam. 15:2, 3, 8, 9, 22)

   2. ?Wafa sɛ yɛ Saili waan ɔ́ sí i sa nga ɔ yoli’n i su akplowa naan ɔ́ kpálo afɔtuɛ’n niɔn (1 Sam. 15:24)

   3. ?Kɛ bé mán e afɔtuɛ’n, ndɛ benin yɛ e kwla fa tu e wun fɔ nun andɛ ɔ (1 Sam. 15:19-21; Jue. 141:5; Nya. 9:8, 9; 11:2)

Ndɛ 57

Ɲanmiɛn w’a kpa Davidi

1. ?Be flɛ gbanflɛn kan nga ɔ o desɛn’n su lɛ’n sɛ? ?Yɛ wafa sɛ yɛ e si kɛ ɔ ti yakpa ɔ?

2. ?Nin yɛ Davidi tran ɔn? ?Yɛ be flɛ i si’n nin i nannan’n be sɛ?

3. ?Ngue ti yɛ Zoova seli Samiɛli kɛ ɔ wɔ Yese sin Bɛtleɛmu lɔ ɔ?

4. ?Kɛ Yese fɛli i mma nso mun blɛli Samiɛli’n, ngue sa yɛ ɔ juli ɔ?

5. ?Kɛ be fali Davidi bali’n, Zoova seli Samiɛli sɛ?

Kosan nga be klɛ uka su’n:

1. Kanngan 1 Samiɛl 17:34, 35 nun.

   ?Wafa sɛ yɛ sa sɔ’m be yi Davidi i yakpa m’ɔ ti’n, ɔ nin i Zoova sulafilɛ’n i nglo ɔ (1 Sam. 17:37)

2. Kanngan 1 Samiɛl 16:1-14 nun.

   1. ?Wafa sɛ yɛ Zoova i ndɛ nga ɔ o 1 Samiɛl 16:7 nun’n, ɔ uka e naan y’a kpaman sran nun, naan y’a kpliman y’a diman sran jɔlɛ ɔ (Yol. 10:34, 35; 1 Tim. 2:4)

   2. ?Wafa sɛ yɛ Saili i ajalɛ’n kle kɛ, sɛ Zoova i wawɛ’n nunman sran kun su kun’n, mmusu mun yɛ bé fá be sa síe i sran sɔ’n su ɔ, annzɛ i klun angunndan’n ɔ́ sú i bo naan ɔ yo sa tɛ ɔ (1 Sam. 16:14; Mat. 12:43-45; Gal. 5:16)

Ndɛ 58

Davidi nin Goliati

1. ?Ngue safle yɛ Goliati wɔli Izraɛli sonja mun ɔn?

2. ?Goliati i wafa su ti sɛ, yɛ ngue yɛ Famiɛn Saili waan ɔ́ mán sran nga ɔ́ kún Goliati ɔ?

3. ?Kɛ Saili se kɛ Davidi ti gbanflɛn kan naan ɔ nin Goliati be kwlá kunman’n, Davidi tɛli i su sɛ?

4. ?Kɛ Davidi tɛ́ Goliati su’n, wafa sɛ yɛ ɔ kle kɛ ɔ lafi Zoova su ɔ?

5. ?Kɛ nga amun fa wun i desɛn’n su wa’n sa’n, ngue yɛ Davidi fa kunnin Goliati ɔ? ?Kpɛkun i sin’n, ngue sa yɛ ɔ ɲannin Filistifuɛ mun ɔn?

Kosan nga be klɛ uka su’n:

1. Kanngan 1 Samiɛl 17:1-54 nun.

   1. ?Ngue ti yɛ srɛ kunman Davidi ɔ, yɛ wafa sɛ yɛ e kwla fɛ i yakpa yolɛ’n su ɔ (1 Sam. 17:37, 45; Efɛ. 6:10, 11)

   2. ?Ngue ti yɛ ngowa kanlɛ nun annzɛ be ɲin su yiyilɛ nun’n, ɔ fataman kɛ Klistfuɛ’m be yo dunman kunndɛfuɛ kɛ Goliati sa ɔ (1 Sam. 17:8; Gal. 5:26; 1 Tim. 4:8)

   3. ?Wafa sɛ yɛ Davidi i ndɛ’n kle kɛ ɔ lafi su kɛ Zoova i klun jɔ i wun ɔn (1 Sam. 17:45-47; 2 Nyo. 20:15)

   4. ?Wafa sɛ yɛ ndɛ nga kle kɛ nán sonja akpasua nɲɔn be afiɛn alɛ ngbɛn, naan sanngɛ Ɲanmiɛn Kpli Zoova nin amuɛn’m be afiɛn alɛ ɔ (1 Sam. 17:43, 46, 47)

   5. ?Zoova i su lafilɛ nun’n, wafa sɛ yɛ be nga be kpa be sieli be ngunmin be onga’n, be fa Davidi i ajalɛ’n su ɔ (1 Sam. 17:37; Zer. 1:17-19; Ngl. 12:17)

Ndɛ 59

Davidi i wanndilɛ’n i bo’n

1. ?Ngue ti yɛ Saili fɛ i ɲin cili Davidi ɔ? ?Sanngɛ wafa sɛ yɛ Saili i wa Zonatan w’a yoman kɛ i si sa ɔ?

2. ?Cɛn kun’n, kɛ Davidi bó jru mán Saili’n, ngue sa yɛ ɔ juli ɔ?

3. ?Ngue yɛ Saili seli Davidi kɛ ɔ yo naan w’a fɛ i wa Mikali w’a mɛn i kɛ ɔ jɛ i ɔ? ?Yɛ ngue ti yɛ Saili seli sɔ ɔ?

4. ?Kɛ nga e fa wun i desɛn’n su lɛ’n sa’n, kɛ Davidi bó jru mán Saili’n, ngue sa yɛ ɔ juli i kpɛ nsan su ɔ?

5. ?Wafa sɛ yɛ Mikali deli Davidi i nguan ɔn? ?Yɛ ngue like yɛ Davidi yoli i afuɛ lele nso ɔ?

Kosan nga be klɛ uka su’n:

1. Kanngan 1 Samiɛl 18:1-30 nun.

   1. ?Wafa sɛ yɛ klolɛ mɔ Zonatan kloli Davidi’n, ɔ ti “bua’m be wie mun” nin “bua akpasua kaan’n” be wiengu’n klolɛ’n i nzɔliɛ ɔ (1 Sam. 18:1; Zan 10:16; Lik 12:32; Zkr. 8:23)

   2. ?Kɛ bé níɛn i sa’n, Zonatan yɛ ɔ ti m’ɔ di Saili i aja’n niɔn, sanngɛ wafa sɛ yɛ 1 Samiɛl 18:4 kle kɛ Zonatan i ɲin yi sran nga be sieli i famiɛn’n niɔn?

   3. ?Wafa sɛ yɛ Saili i ajalɛ’n kle kɛ be ɲin mɔ be fa ci sran’n, ɔ kwla fa e yi i sa tɛ nun ɔn? ?Yɛ wafa sɛ yɛ e kwla fa tu e wun fɔ nun ɔn (1 Sam. 18:7-9, 25; Zak 3:14-16)

2. Kanngan 1 Samiɛl 19:1-17 nun.

   ?Kɛ Zonatan kplili Davidi i ti Saili i ɲrun’n, wafa sɛ yɛ ɔ fɛli i nguan’n sieli i wie’n i nuan ɔn? (1 Sam. 19:1, 4-6; Nya. 16:14)

Ndɛ 60

Abigaili nin Davidi

1. ?Wan yɛle bla nga ɔ su ba Davidi i atin kpalɛ desɛn’n su lɛ’n? ?Yɛ sran’n i wafa benin yɛle bla sɔ’n?

2. ?Wan yɛle Nabali?

3. ?Ngue ti yɛ Davidi sunmannin i sran wie mun kɛ be ko srɛ Nabali i aliɛ ɔ?

4. ?Nabali seli Davidi i sran’m be sɛ? ?Yɛ Davidi tɛli i su sɛ?

5. ?Wafa sɛ yɛ Abigaili kle kɛ ɔ ti bla ngwlɛlɛfuɛ ɔ?

Kosan nga be klɛ uka su’n:

1. Kanngan 1 Samiɛl 22:1-4 nun.

   ?Wafa sɛ yɛ Davidi i awlobo’n kle e wafa nga ɔ fata kɛ e suan e niaan Klistfuɛ’m be bo’n niɔn (Nya. 17:17; 1 Tɛs. 5:14)

2. Kanngan 1 Samiɛl 25:1-43 nun.

   1. ?Ngue ti yɛ be se kɛ Nabali ti finfinfuɛ ɔ (1 Sam. 25:2-5, 10, 14, 21, 25)

   2. ?Afɔtuɛ benin yɛ Abigaili i ajalɛ’n kwla man andɛ Klistfuɛ bla mun ɔn (1 Sam. 25:32, 33; Nya. 31:26; Efɛ. 5:24)

   3. ?Like tɛtɛ nɲɔn benin yɛ Abigaili maan Davidi w’a yoman’n niɔn (1 Sam. 25:31, 33; Rɔm. 12:19; Efɛ. 4:26)

   4. ?Wafa sɛ yɛ Abigaili i ndɛ’n mɔ Davidi fali su’n, ɔ uka yasua mun andɛ naan be nian bla mun kɛ Zoova fa nian be sa’n niɔn (Yol. 21:8, 9; Rɔm. 2:11; 1 Piɛ. 3:7)

Ndɛ 61

Davidi w’a yo famiɛn

1. ?Kɛ Saili láfi i ngblaliɛ nun lɔ’n, ngue yɛ Davidi nin Abisai be yoli ɔ?

2. ?Ngue sa yɛ Davidi usali Saili ɔ?

3. ?Kɛ Davidi yacili Saili lɛ’n, ninfan yɛ ɔ ɔli ɔ?

4. ?Awlabɔɛ benin ti yɛ Davidi klɛli jue fɛfɛ kun ɔn?

5. ?Kɛ Davidi yó famiɛn Ebrɔn lɔ’n, nn ɔ le afuɛ nɲɛ? ?Yɛ be flɛ i mma wie’m be sɛ?

6. ?I sin’n, nin yɛ Davidi trannin yoli famiɛn ɔn?

Kosan nga be klɛ uka su’n:

1. Kanngan 1 Samiɛl 26:1-25 nun.

   1. ?Davidi i wun ndɛ nga ɔ klɛ 1 Samiɛl 26:11 nun’n, ɔ kle kɛ Davidi bu Ɲanmiɛn i ninnge’m be siesielɛ’n i sɛ (Jue. 37:7; Rɔm. 13:2)

   2. ?Kɛ e tu e klun e yo aklunye’n, mɔ sanngɛ sran’m be bumɛn i like fi’n, wafa sɛ yɛ ndɛ nga Davidi kɛnnin i 1 Samiɛl 26:23 nun’n, ɔ kwla uka e naan y’a bu angunndan kpa titi ɔ (1 Fam. 8:32; Jue. 18:20)

2. Kanngan 2 Samiɛl 1:26 nun.

   ?Wafa sɛ yɛ andɛ, Klistfuɛ’m be kwla ‘klo be wun’ kɛ Davidi nin Zonatan sa ɔ (1 Piɛ. 4:8; Kol. 3:14; 1 Zan 4:12)

3. Kanngan 2 Samiɛl 5:1-10 nun.

   1. ?Davidi dili famiɛn afuɛ nɲɛ? ?Yɛ wafa sɛ yɛ be kpɛkpɛli blɛ sɔ’n i nun ɔn (2 Sam. 5:4, 5)

   2. ?Davidi i ɲrun dan m’ɔ le i’n fin wan? ?Yɛ wafa sɛ yɛ andɛ e kwla fa i sɔ’n e tu e wun fɔ nun ɔn (2 Sam. 5:10; 1 Sam. 16:13; 1 Kor. 1:31; Fil. 4:13)

Ndɛ 62

Davidi i awlo nun sa yalɛ mun

1. ?Zoova fanngan nun maan ngue sa yɛ i agualiɛ su’n, ɔ juli Kanaan nvle’n su lɔ ɔ?

2. ?I nun mɔ nnɔsua kun’n, Davidi o i sua’n i ti gbagblagba’n su lɔ’n, ngue sa yɛ ɔ juli ɔ?

3. ?Ngue ti yɛ Zoova fali Davidi i wun ya dan kpa ɔ?

4. ?Desɛn’n su wa’n, wan yɛ Zoova sunmɛnnin i kɛ ɔ ko yi Davidi i sa tɛ’n i nglo kle i’n niɔn? ?Yɛ bian sɔ’n waan ngue sa yɛ ɔ́ ɲán Davidi ɔ?

5. ?Ngue sa yalɛ yɛ ɔ tɔli Davidi su ɔ?

6. ?Wan yɛ ɔ sinnin Davidi ja nun yoli famiɛn Izraɛli lɔ ɔ?

Kosan nga be klɛ uka su’n:

1. Kanngan 2 Samiɛl 11:1-27 nun.

   1. ?Wafa sɛ yɛ sɛ e sa o Zoova i junman’n nun’n, i sɔ’n sasa e ɔ?

   2. ?Wafa sɛ yɛ Davidi tɔli sa tɛ yolɛ’n nun ɔn? ?Yɛ ngue afɔtuɛ yɛ i sɔ ndɛ’n man Zoova i sufuɛ mun andɛ ɔ (2 Sam. 11:2; Mat. 5:27-29; 1 Kor. 10:12; Zak 1:14, 15)

2. Kanngan 2 Samiɛl 12:1-18 nun.

   1. ?Kɛ asɔnun kpɛnngbɛn mun ɔ nin siɛ nin niɛn’m bé mán afɔtuɛ’n, wafa sɛ yɛ be kwla nian Natan i ajalɛ’n su ɔ (2 Sam. 12:1-4; Nya. 12:18; Mat. 13:34)

   2. ?Ngue ti yɛ Zoova sili Davidi i aunnvuɛ ɔ (2 Sam. 12:13; Jue. 32:5; 2 Kor. 7:9, 10)

Ndɛ 63

Salomɔn, famiɛn ngwlɛlɛfuɛ’n

1. ?Ngue sa yɛ Zoova usali Salomɔn ɔn, yɛ wafa sɛ yɛ Salomɔn tɛli i su ɔ?

2. ?Kɛ mɔ Zoova i klun jɔli Salomɔn i srɛlɛ’n su’n ti’n, ngue yɛ Zoova yoli ɔ?

3. ?Ngue ndɛ kekle yɛ bla nɲɔn be fa ɔli Salomɔn ja su ɔ?

4. ?Kɛ nga amun fa wun i desɛn’n su lɛ sa’n, wafa sɛ yɛ Salomɔn siesieli ndɛ’n niɔn?

5. ?Salomɔn i famiɛn dilɛ blɛ’n yoli wafa sɛ, yɛ ngue ti ɔ?

Kosan nga be klɛ uka su’n:

1. Kanngan 1 Famiɛn Mun 3:3-28 nun.

   1. ?Kɛ nga Salomɔn fa tu i klun kɛnnin i 1 Famiɛn Mun 3:7 nun sa’n, ngue yɛ Salomɔn i ajalɛ’n kwla kle be nga be le junman Ɲanmiɛn i anuannzɛ’n nun ɔn (Jue. 119:105; Nya. 3:5, 6)

   2. ?Wafa sɛ yɛ Salomɔn i srɛlɛ’n, ɔ ti ninnge nga ɔ fata kɛ e srɛ be ti’n, i su ajalɛ kpa ɔ (1 Fam. 3:9, 11; Nya. 30:8, 9; 1 Zan 5:14)

   3. ?Wafa sɛ yɛ jɔlɛ nga Salomɔn dili mannin bla nɲɔn mun’n, ɔ kwla uka e naan y’a lafi Zezi Klist m’ɔ ti Salomɔn Dan’n, i famiɛn dilɛ’n nga ɔ́ bá e ɲrun lɔ’n su ɔ (1 Fam. 3:28; Eza. 9:5, 6; 11:2-4)

2. Kanngan 1 Famiɛn Mun 5:23-29 nun.

   1. ?Kɛ Salomɔn srɛli Zoova kɛ ɔ mɛn i ngwlɛlɛ’n, wafa sɛ yɛ Zoova tɛli i su ɔ (1 Fam. 5:23)

   2. ?Kɛ e wun wafa nga sran’m be miannin be ɲin naan b’a ko tie Salomɔn i ngwlɛlɛ’n, wafa sɛ yɛ ɔ fata kɛ e bu Ɲanmiɛn Ndɛ’n i nun like suanlɛ’n niɔn (1 Fam. 5:23, 29; Zan 17:3; 2 Tim. 3:16)

Ndɛ 64

Salomɔn kplan Ɲanmiɛn i sua’n

1. ?Salomɔn dili afuɛ nɲɛ naan w’a wie Zoova i sua’n kplan? ?Yɛ ngue ti yɛ sua’n i wun sika’n sɔnnin sɔ ɔ?

2. ?Ɲanmiɛn sua’n i nun sua ba dandan’m be ti nɲɛ? ?Yɛ ngue yɛ be sie i i klun lɔ sua ba liɛ’n nun ɔn?

3. ?Kɛ Ɲanmiɛn i sua’n i kplanlɛ’n wieli’n, ngue ndɛ yɛ Salomɔn kɛnnin i Ɲanmiɛn srɛlɛ’n nun ɔn?

4. ?Wafa sɛ yɛ Zoova kleli kɛ i klun jɔ Salomɔn i srɛlɛ’n su ɔ?

5. ?Ayeliɛ benin nun yɛ Salomɔn i yi mun be fɛ i wlali ɔ? ?Yɛ ngue sa yɛ ɔ ɲannin Salomɔn ɔn?

6. ?Ngue ti yɛ Zoova fali Salomɔn i wun ya ɔ? ?Yɛ ngue ndɛ yɛ Zoova kan kleli i ɔ?

Kosan nga be klɛ uka su’n:

1. Kanngan 1 Be Nyoliɛ 28:9, 10 nun.

   ?Kɛ nga Davidi fa kɛn i 1 Be Nyoliɛ 28:9, 10 nun sa’n, ngue yɛ ɔ fata kɛ e mian e ɲin e yo i e mɛn dilɛ nun cɛn kwlaa ɔ (Jue. 19:14; Fil. 4:8, 9)

2. Kanngan 2 Be Nyoliɛ 6:12-21, 32-42 nun.

   1. ?Wafa sɛ yɛ Salomɔn kleli kɛ Ɲanmiɛn m’ɔ o nglo lɔ’n, ɔ kwlá tranman sua mɔ klɔ sran kplannin’n i nun ɔn (2 Nyo. 6:18; Yol. 17:24, 25)

   2. ?Ngue like yɛ ndɛ nga Salomɔn kɛnnin i 2 Be Nyoliɛ 6:32, 33 nun’n, ɔ kle e Zoova i su ɔ (Yol. 10:34, 35; Gal. 2:6)

3. Kanngan 2 Be Nyoliɛ 7:1-5 nun.

   ?Kɛ nga Izraɛli nvle nunfuɛ’m be wunnin Ɲanmiɛn i ɲanɲan’n, mɔ be tuli be klun be srɛli i sa’n, kɛ andɛ e wun kɛ Zoova yrɛ i nvle’n su’n, e wun’n yo e wafa sɛ (2 Nyo. 7:3; Jue. 22:24; 34:3; 96:2)

4. Kanngan 1 Famiɛn Mun 11:9-13 nun.

   ?Wafa sɛ yɛ Salomɔn i mɛn dilɛ’n kle kɛ ɔ ti cinnjin kɛ e lafi Ɲanmiɛn su lele e guɛ i ti nin i bo’n niɔn (1 Fam. 11:4, 9; Mat. 10:22; Ngl. 2:10)

Ndɛ 65

Famiɛn diwlɛ’n i nun kpacilɛ

1. ?Be flɛ sran nɲɔn nga be o desɛn’n su lɛ’n be sɛ? ?Yɛ wan mun ɔn?

2. ?Ngue yɛ Asiza yoli tralɛ nga ɔ wlɛ i wun’n niɔn? ?Sa sɔ’n i bo’n yɛle benin?

3. ?Ngue yɛ Salomɔn kunndɛ kɛ ɔ́ yó Zeroboamu ɔ?

4. ?Ngue ti yɛ nvlefuɛ’m be sieli Zeroboamu famiɛn nvle blu be su ɔ?

5. ?Ngue ti yɛ Zeroboamu yoli sika ɔkwlɛ nannin ba nɲɔn’n niɔn? ?Yɛ i sin’n, ngue sa yɛ ɔ juli lɔ asa’n su ɔ?

6. ?Ngue yɛ ɔ ɲannin famiɛn diwlɛ nɲɔn’n nin Zoova i sua’n m’ɔ o Zerizalɛmu lɔ’n niɔn?

Kosan nga be klɛ uka su’n:

1. Kanngan 1 Famiɛn Mun 11:26-43 nun.

   ?Sran i wafa benin yɛle Zeroboamu? ?Yɛ Zoova seli i kɛ sɛ ɔ nanti i mmla’n su’n, ɔ́ yó i sɛ (1 Fam. 11:28, 38)

2. Kanngan 1 Famiɛn Mun 12:1-33 nun.

   1. ?Kɛ siɛ nin niɛn mun nin asɔnun kpɛnngbɛn’m be nian Rɔbɔamu i sran m’ɔ yoman be blɛblɛ’n, ngue yɛ be kwla suɛn i sran mianmianlɛ su ɔ (1 Fam. 12:13; Aku. 7:7; 1 Piɛ. 5:2, 3)

   2. ?Sɛ gbanflɛn nin talua’m be mɛn dilɛ nun’n, be waan bé fá ajalɛ cinnjin wie mun’n, wan wun yɛ ɔ fata kɛ be kpɛ be ɲin naan b’a ɲan afɔtuɛ kpa ɔ (1 Fam. 12:6, 7; Nya. 1:8, 9; 2 Tim. 3:16, 17; Ebr. 13:7)

   3. ?Ngue ti yɛ Zeroboamu yoli sika ɔkwlɛ nannin ba sɔwlɛ nɲɔn’n niɔn? ?Yɛ wafa sɛ yɛ i sɔ’n kle kɛ ɔ lafiman Zoova su mlɔnmlɔn ɔn (1 Fam. 11:37; 12:26-28)

   4. ?Wan yɛ ɔ yoli maan famiɛn diwlɛ blu be kacili be sin be sili Ɲanmiɛn sulɛ kpafuɛ’n niɔn (1 Fam. 12:32, 33)

Ndɛ 66

Zezabɛli, famiɛn bla klunwifuɛ’n

1. ?Wan yɛle Zezabɛli?

2. ?Ngue ti yɛ cɛn kun’n Famiɛn Akabu i ɲrun’n ti mlanwa’n niɔn?

3. ?Ngue yɛ Zezabɛli yoli naan i wun Akabu w’a ɲan Nabɔtu i viɲi fie’n niɔn?

4. ?Wan yɛ Zoova sunmɛnnin i kɛ ɔ ko bu Zezabɛli i fɔ ɔ?

5. ?Kɛ nga amun fa wun i desɛn’n su wa yɛ’n, kɛ Zei juli Zezabɛli i famiɛn sua’n i wun lɛ’n, be yoli Zezabɛli sɛ?

Kosan nga be klɛ uka su’n:

1. Kanngan 1 Famiɛn Mun 16:29-33 ɔ nin 18:3, 4 nun.

   ?Famiɛn Akabu blɛ su’n, wafa sɛ yɛ lika’n sacili Izraɛli klɔ’n su ɔ (1 Fam. 14:9)

2. Kanngan 1 Famiɛn Mun 21:1-16 nun.

   1. ?Wafa sɛ yɛ Nabɔtu kle kɛ ɔ ti yakpafuɛ naan ɔ kpɔciman Zoova ɔ (1 Fam. 21:1-3; Sau. 25:23-28)

   2. ?Wafa sɛ yɛ Akabu i ajalɛ’n kle e wafa nga e kwla jran kekle ngokɔɛ’n ɲrun ɔn (1 Fam. 21:4; Rɔm. 5:3-5)

3. Kanngan 2 Famiɛn Mun 9:30-37 nun.

   ?Ngue like yɛ e kwla suɛn i Zei i Zoova i klun sa yolɛ juejue su’n, i nun ɔn (2 Fam. 9:4-10; 2 Kor. 9:1, 2; 2 Tim. 4:2)

Ndɛ 67

Zozafati fɛ i wla’n gua Zoova su

1. ?Wan yɛle Zozafati, yɛ ɔ ti blɛ onin nunfuɛ?

2. ?Ngue ti yɛ srɛ kun Izraɛlifuɛ mun ɔn, yɛ ngue like yɛ be nun sunman be yoli ɔ?

3. ?Zoova tɛli Zozafati i srɛlɛ’n su sɛ?

4. ?Ka naan b’a kun alɛ’n, ngue yɛ Zoova maan ɔ juli ɔ?

5. ?Afɔtuɛ benin yɛ Zozafati i ajalɛ’n kwla man e ɔ?

Kosan nga be klɛ uka su’n:

1. Kanngan 2 Be Nyoliɛ 20:1-30 nun.

   1. ?Wafa sɛ yɛ Zozafati kleli like nga ɔ fata kɛ Ɲanmiɛn i sufuɛ nga be lafi i su’n be yo i blɛ kekle nun’n niɔn (2 Nyo. 20:12; Jue. 25:15; 62:3)

   2. ?Kɛ ɔ fin laa nun lele’n mɔ Zoova fali ajalɛ kun naan ɔ nin i sufuɛ’m b’a ti be wun aniɛn’n ti’n, ajalɛ benin yɛ andɛ’n Zoova fa ɔ (2 Nyo. 20:14, 15; Mat. 24:45-47; Zan 15:15)

   3. ?Kɛ ‘alɛ nga Anannganman Ɲanmiɛn m’ɔ kwla like kwlaa yo’n i cɛn dan’n nun,’ ɔ́ wá bá’n, wafa sɛ yɛ lika’n kwlá yó e sa nun kɛ Zozafati i blɛ su sa ɔ (2 Nyo. 20:15, 17; 32:8; Ngl. 16:14, 16)

   4. ?Kɛ mɔ bé sɔ́nnzɔn levifuɛ mun ti’n, wafa sɛ yɛ atin bofuɛ nin ngaliɛ difuɛ’m be suan mɛn wunmuan nun jasin fɛ’n bolɛ junman’n dilɛ’n i bo ɔ (2 Nyo. 20:19, 21; Rɔm. 10:13-15; 2 Tim. 4:2)

Ndɛ 68

Be cɛnnin gbanflɛn nɲɔn

1. ?Wan yɛle sran nsan nga be o desɛn’n su’n, yɛ ngue yɛ ɔ yoli bakan’n niɔn?

2. ?Bakan’n i ti srɛlɛ benin yɛ Eli srɛli ɔ? ?Yɛ kɛ ɔ wieli srɛ’n ngue sa yɛ ɔ juli ɔ?

3. ?Be flɛ Eli i ukafuɛ’n sɛ?

4. ?Ngue ti yɛ be flɛli Elize Sinɛmu bla kun i awlo lɔ ɔ?

5. ?Ngue yɛ Elize yoli ɔ, yɛ ba m’ɔ wuli’n yoli sɛ?

6. ?Kɛ e nian like nga Eli nin Elize be yoli’n, Zoova i tinmin benin yɛ i sɔ’n yi i nglo ɔ?

Kosan nga be klɛ uka su’n:

1. Kanngan 1 Famiɛn Mun 17:8-24 nun.

   1. ?Wafa sɛ yɛ be boli Eli i aɲinyiɛ’n nin i Ɲanmiɛn sulafilɛ’n i ta ɔ (1 Fam. 17:9; 19:1-4, 10)

   2. ?Ngue ti yɛ angbeti bla m’ɔ o Sarɛpta’n i Ɲanmiɛn sulafilɛ’n yo ɲɛnmɛn ɔn (1 Fam. 17:12-16; Lik 4:25, 26)

   3. ?Wafa sɛ yɛ angbeti bla m’ɔ o Sarɛpta’n i like nga ɔ yoli’n, ɔ kle kɛ Zezi i ndɛ nga be klɛli i Matie 10:41, 42 nun’n, ɔ ti nanwlɛ ɔ (1 Fam. 17:10-12, 17, 23, 24)

2. Kanngan 2 Famiɛn Mun 4:8-37 nun.

   1. ?Aofuɛ’m be sikelɛ’n i su ajalɛ benin yɛ Sinɛmu bla’n ɔ kle e ɔ (2 Fam. 4:8; Lik 6:38; Rɔm. 12:13; 1 Zan 3:17)

   2. ?Wafa sɛ yɛ andɛ e kwla yi aklunye nin sa kpa yolɛ’n i nglo Ɲanmiɛn sufuɛ’m be lika ɔ (Yol. 20:35; 28:1, 2; Gal. 6:9, 10; Ebr. 6:10)

Ndɛ 69

Naaman yoli juejue

1. ?Desɛn’n su lɛ’n, ngue ndɛ yɛ talua kan’n su kan kle bla’n niɔn?

2. ?Wan yɛle bla nga ɔ o desɛn’n su lɛ’n, yɛ ngue yɛ talua kan’n yo i bla’n i awlo lɔ ɔ?

3. ?Ngaliɛ benin yɛ Elize fa mannin Naaman i sufuɛ’n kɛ ɔ ko kan kle i ɔ? ?Yɛ ngue ti yɛ Naaman fali ya ɔ?

4. ?Kɛ Naaman fali ndɛ nga i sufuɛ’n kannin’n su’n, ngue sa yɛ ɔ juli ɔ?

5. ?Ngue ti yɛ Elize w’a sɔman like nga Naaman fa cɛli i’n nun ɔn? ?Sanngɛ ngue yɛ Geazi yoli ɔ?

6. ?Ngue sa yɛ ɔ yoli Geazi ɔ? ?Ngue afɔtuɛ yɛ i sɔ’n man e ɔ?

Kosan nga be klɛ uka su’n:

1. Kanngan 2 Famiɛn Mun 5:1-27 nun.

   1. ?Wafa sɛ yɛ Izraɛlifuɛ talua kan’n i ajalɛ’n kwla wla gbanflɛn nin talua’m be fanngan andɛ ɔ (2 Fam. 5:3; Jue. 8:3; 148:12, 13)

   2. ?Kɛ Ɲanmiɛn ninnge’m be nun bé mán e afɔtuɛ’n, ngue ti yɛ ɔ fata kɛ e fa Naaman i ajalɛ’n e tu e wun fɔ nun ɔn (2 Fam. 5:15; Ebr. 12:5, 6; Zak 4:6)

   3. ?Ajalɛ benin mun yɛ e suannin be Elize nin Geazi be ayeliɛ nɲɔn nun ɔn (2 Fam. 5:9, 10, 14-16, 20; Mat. 10:8; Yol. 5:1-5; 2 Kor. 2:17)

Ndɛ 70

Zonasi nin jue dan’n

1. ?Wan yɛle Zonasi, yɛ ngue yɛ Zoova seli kɛ ɔ yo ɔ?

2. ?Kɛ mɔ Zonasi kpɛli Zoova i atin srɛ’n ti’n, ngue yɛ ɔ yoli ɔ?

3. ?Kɛ ɔ ko yo naan aunmuan dan’n w’a jran’n, Zonasi seli mmeli kanfuɛ mun mɔ be nin i o mmeli’n nun’n be sɛ?

4. ?Kɛ nga e fa wun i desɛn’n su lɛ’n, kɛ be fali Zonasi be yili nzue’n nun’n, ngue yɛ ɔ juli ɔ?

5. ?Cɛn nɲɛ yɛ Zonasi dili i jue dan’n i klun lɔ ɔ, yɛ ngue yɛ ɔ yoli i lɔ ɔ?

6. ?Kɛ Zonasi fin jue dan’n i klun lɔ fiteli’n, nin yɛ ɔ ɔli ɔ? ?Yɛ ajalɛ benin yɛ i sɔ’n kle e ɔ?

Kosan nga be klɛ uka su’n:

1. Kanngan Zonas 1:1-17 nun.

   ?Nanwlɛ, wafa sɛ yɛ Zonasi buli jasin fɛ’n junman nga be mɛnnin i kɛ ɔ ko bo kle Ninivufuɛ mun’n niɔn (Zonas 1:2, 3; Nya. 3:7; Aku. 8:12)

2. Kanngan Zonas 2:1, 2, 10 nun.

   ?Wafa sɛ yɛ sa nga ɔ tɔli Zonasi su’n, ɔ kle e kɛ e kwla lafi su kɛ Zoova wá tɛ́ e srɛlɛ’n su ɔ (Jue. 22:25; 34:7; 1 Zan 5:14)

3. Kanngan Zonas 3:1-10 nun.

   1. ?Kannzɛ bɔɔ i klikli nun Zonasi kpɛli Zoova i atin srɛ’n, sanngɛ wafa sɛ yɛ falɛ nga Zoova fɛli i dili i junman’n titi’n, ɔ wla e fanngan ɔn (Jue. 103:14; 1 Piɛ. 5:10)

   2. ?Wafa sɛ yɛ Zonasi i ajalɛ’n Ninivufuɛ’m be lika’n, ɔ kle e kɛ ɔ nin i fataman kɛ e kpli e di e jasin fɛ’n bowlɛ lika nun sran wie’m be jɔlɛ ɔ (Zonas 3:6-9; Aku. 11:6; Yol. 13:48)

Ndɛ 71

E ɲrun lɔ mɛn klanman kun

1. ?Wan yɛle Ezai, blɛ onin nun yɛ ɔ trannin ɔn, yɛ ngue yɛ Zoova fa kleli i ɔ?

2. ?Kɛ be se kɛ “mɛn klanman’n” i bo’n yɛle benin? ?Yɛ ɔ yo maan amun wla kpɛn ngue su?

3. ?Mɛn klanman’n i su ndɛ benin yɛ Zoova seli Ezai kɛ ɔ klɛ ɔ?

4. ?Ngue ti yɛ Adam nin Ɛvu be mɛn klanman liɛ’n fili be sa ɔ?

5. ?Kasiɛ benin yɛ Zoova boli kleli be nga be klo i’n niɔn?

Kosan nga be klɛ uka su’n:

1. Kanngan Ezai 11:6-9 nun.

   1. ?Wafa sɛ yɛ Ɲanmiɛn Ndɛ’n kan alaje nga ɔ́ wá trán nnɛn nin klɔ sran’m be afiɛn’n i ndɛ ɔ (Jue. 148:10, 13; Eza. 65:25; Eze. 34:25)

   2. ?Wafa sɛ yɛ andɛ Ɲanmiɛn ninnge’m be nun’n, Ezai i ndɛ’n kpɛn su Zoova i sufuɛ’m be lika ɔ (Rɔm. 12:2; Efɛ. 4:23, 24)

   3. ?Wan yɛ dɔ nga su, ɔ nin mɛn uflɛ nun lɔ’n ɔ́ kwlá káci klɔ sran’m be nzuɛn’n niɔn (Eza. 48:17, 18; Gal. 5:22, 23; Fil. 4:8)

2. Kanngan Sa Nglo Yilɛ 21:3, 4 nun.

   1. ?Wafa sɛ yɛ Biblu’n kle kɛ, kɛ be se kɛ Ɲanmiɛn nin klɔ sran’m be tran’n, nán kɛ be wun Ɲanmiɛn i jrɛiin sa ɔ (Sau. 26:11, 12; 2 Nyo. 6:18; Eza. 66:1; Ngl. 21:2, 3, 22-24)

   2. ?Ɲinmuɛn nin ɲrɛnnɛn benin yɛ ɔ su tranman lɛ kun ɔn (Lik 8:49-52; Rɔm. 8:21, 22; Ngl. 21:4)

Ndɛ 72

Ɲanmiɛn jran Ezekiasi sin

1. ?Wan yɛle sran nga ɔ o desɛn’n su lɛ’n, yɛ ngue ti yɛ i ɲin w’a blo sɔ ɔ?

2. ?Fluwa benin yɛ Ezekiasi w’a fa sie i Ɲanmiɛn ɲrun lɛ’n niɔn? ?Yɛ ngue ti yɛ Ezekiasi su srɛ Ɲanmiɛn ɔn?

3. ?Famiɛn’n i wafa benin yɛle Ezekiasi? ?Yɛ ngue ndɛ yɛ Zoova sunmannin i nuan ijɔfuɛ Ezai kɛ ɔ ko kan kle i ɔ?

4. ?Kɛ nga e fa wun i desɛn’n su lɛ’n, ngue like yɛ Zoova i anzi yoli Asirifuɛ’m be sonja mun ɔn?

5. ?Sɛ bɔbɔ Famiɛn diwlɛ’n akpasua nɲɔn be trannin alaje nun kan’n, sanngɛ kɛ Ezekiasi wuli’n lika’n yoli sɛ?

Kosan nga be klɛ uka su’n:

1. Kanngan 2 Famiɛn Mun 18:1-36 nun.

   1. ?Wafa sɛ yɛ Asirifuɛ’m be safuɲrɛn’n waan ɔ́ yó naan Izraɛlifuɛ’m be Ɲanmiɛn sulafilɛ’n ɔ kpɔnzɔ ɔ (2 Fam. 18:19, 21; Tul. 5:2; Jue. 64:3)

   2. ?Sɛ be o be kpɔfuɛ’m be ɲrun’n, wafa sɛ yɛ Zoova i Lalofuɛ’m be kwla fa Ezekiasi i ajalɛ’n su ɔ (2 Fam. 18:36; Jue. 39:1; Nya. 26:4; 2 Tim. 2:24)

2. Kanngan 2 Famiɛn Mun 19:1-37 nun.

   1. ?Wafa sɛ yɛ ɲrɛnnɛn blɛ nun’n, andɛ Zoova i Lalofuɛ’m be fa Ezekiasi i ajalɛ’n su ɔ (2 Fam. 19:1, 2; Nya.3:5, 6; Ebr.10:24, 25; Zak. 5:14, 15)

   2. ?Wafa sɛ yɛ be kwlali Sankeribu kpɛ nsan ɔn ?Yɛ Ɲanmiɛn ninnge’m be nun’n, sran benin i nzɔliɛ yɛle Sankeribu (2 Fam. 19:32, 35, 37; Ngl. 20:2, 3)

3. Kanngan 2 Famiɛn Mun 21:1-6, 16 nun.

   ?Ngue ti yɛ e kwla se kɛ famiɛn tɛ kpa nga be sieli Zerizalɛmu’n, be nun kun yɛle Manase (2 Nyo. 33:4-6, 9)

Ndɛ 73

Izraɛli famiɛn kasiɛn kpa’n

1. ?Kɛ Zoziasi yó famiɛn’n nn ɔ le afuɛ nɲɛ, yɛ afuɛ nso’n klikli nga nun m’ɔ o famiɛn bia’n su’n, ngue yɛ ɔ boli i yolɛ bo ɔ?

2. ?Desɛn klikli su’n, ngue yɛ amun wun kɛ Zoziasi su yo ɔ?

3. ?Kɛ sran mun bé síesíe Ɲanmiɛn sua’n i ye’n, ngue yɛ Ɲanmiɛn ɲrun jranfuɛ’m be su kpɛn’n wunnin i ɔ?

4. ?Ngue ti yɛ Zoziasi titili i wun tralɛ’n nun ɔn?

5. ?Zoova nuan ndɛ benin yɛ Ɲanmiɛn nuan ijɔfuɛ Ilda kan kleli Zoziasi ɔ?

Kosan nga be klɛ uka su’n:

1. Kanngan 2 Be Nyoliɛ 34:1-28 nun.

   1. ?Ajalɛ benin yɛ Zoziasi man be nga be bakan nun’n be wunnin ɲrɛnnɛn’n niɔn (2 Nyo. 33:21-25; 34:1, 2; Jue. 27:10)

   2. ?Kɛ Zoziasi i famiɛn dilɛ ɲannin afuɛ 8, ɔ nin i afuɛ 12, ɔ nin afuɛ i 18, ajalɛ benin yɛ ɔ fali naan Zoova i sulɛ’n w’a ɔ i ɲrun ɔn (2 Nyo. 34:3, 8)

   3. ?E Ɲanmiɛn sulɛ lika’m be ye siesielɛ nun’n, ajalɛ benin yɛ Famiɛn Zoziasi nin Ɲanmiɛn ɲrun jranfuɛ’m be su kpɛn Ilkiza be mannin e ɔ (2 Nyo. 34:9-13; Nya. 11:14; 1 Kor. 10:31)

Ndɛ 74

Sran yakpafuɛ kun

1. ?Wan yɛle gbanflɛn nga ɔ o desɛn’n su lɛ’n?

2. ?Kɛ Zeremi káci Ɲanmiɛn nuan ijɔfuɛ’n, ngue angunndan yɛ ɔ buli i ɔ? ?Sanngɛ ngue ndɛ yɛ Zoova kan kleli i ɔ?

3. ?Jasin benin yɛ Zeremi w’a yacimɛn sran’m be kan klelɛ ɔ?

4. ?Wafa sɛ yɛ Ɲanmiɛn ɲrun jranfuɛ’m be waan bé jrán Zeremi i junman’n niɔn? ?Sanngɛ wafa sɛ yɛ Zeremi kleli kɛ ɔ ti yakpafuɛ ɔ?

5. ?Kɛ Izraɛlifuɛ’m be waan be kaciman be ayeliɛ tɛtɛ’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Zeremi 1:1-8 nun.

   1. ?Kɛ nga Zeremi i ajalɛ’n fa kle’n sa’n, sɛ e waan é dí Zoova junman’n, sran wafa benin yɛ ɔ fata kɛ e yo ɔ (2 Kor. 3:5, 6)

   2. ?Fanngan benin yɛ Zeremi i ajalɛ’n nga ɔ kleli’n, ɔ wla Klistfuɛ gbanflɛn nin talua mun andɛ ɔ (Aku. 12:1; 1 Tim. 4:12)

2. Kanngan Zeremi 10:1-5 nun.

   ?Ɲanndra nun nanndoliɛ ndɛ benin yɛ Zeremi kannin m’ɔ kle kɛ amuɛn sɔlɛ’n ti finfin like’n niɔn (Zer. 10:5; Eza. 46:7; Aba. 2:19)

3. Kanngan Zeremi 26:1-16 nun.

   1. ?Kɛ be nga be kpa be sieli be ngunmin be onga’n bé bó jɔlɛ dilɛ jasin’n andɛ’n, wafa sɛ yɛ ndɛ nga Zoova kan kleli Zeremi kɛ ‘nán yaci wie lɛ’n,’ ɔ yoli be ndɛ cinnjin ɔn (Zer. 26:2; Mml. 4:2; Yol. 20:27)

   2. ?Zoova i jɔlɛ dilɛ jasin fɛ bolɛ nun’n, ajalɛ kpa benin yɛ Zeremi man Zoova i Lalofuɛ mun andɛ ɔ (Zer. 26:8, 12, 14, 15; 2 Tim. 4:1-5)

4. Kanngan 2 Famiɛn Mun 24:1-17 nun.

   ?Zoova i su lafilɛ mɔ Zida w’a lafiman’n ti’n, i nuan su ɲrɛnnɛn benin yɛ ɔ ɲɛnnin i ɔ (2 Fam. 24:2-4, 14)

Ndɛ 75

Daniɛli nin i janvuɛ mun

1. ?Wan yɛle yasua nnan nga be o desɛn’n su lɛ’n, yɛ ngue ti yɛ be o Babilɔni lɔ ɔ?

2. ?Nɛbikadnɛzali waan ɔ́ yó yasua nnan ngalɛ’m be sɛ, yɛ ndɛ benin yɛ ɔ kan kleli i sufuɛ mun ɔn?

3. ?Be aliɛ dilɛ nin be nzan nɔnlɛ’n su’n, ngue like yɛ Daniɛli seli be lika nianfuɛ’n kɛ ɔ yo man be ɔ?

4. ?Kɛ Daniɛli nin i janvuɛ’m be dili aliɛ nga nnɛn nunman nun’n lele cɛn ba blu’n, mɔ be fa be sunnzunnin be wiengu mun’n, wafa sɛ yɛ be ti ɔ?

5. ?Ngue ti yɛ maan Daniɛli nin i janvuɛ nsan’m be ko trannin famiɛn i sua’n nun lɔ ɔ ?Yɛ wafa sɛ yɛ be ndɛ’m be ti kpa tra be amuɛn ɲrun jranfuɛ mun nin ngwlɛlɛfuɛ mun ɔn?

Kosan nga be klɛ uka su’n:

1. Kanngan Daniɛl 1:1-21 nun.

   1. ?Sɛ e waan é jrán e ɲrun tanndanlɛ nin fɔ m’ɔ o e nun’n be ɲrun’n, wafa sɛ yɛ é mían e ɲin é yó i sɔ ɔ (Dan. 1:8; Bol. 39:7, 10; Gal. 6:9)

   2. ?Ninnge wafawafa benin nun yɛ be kwla tanndan gbanflɛn nin talua’m be ɲrun annzɛ be kle be yalɛ ɔ (Dan. 1:8; Nya. 20:1; 2 Kor. 6:17–7:1)

   3. ?Wafa sɛ yɛ ndɛ nga Biblu’n kɛn i Ebre gbanflɛn nnan’m be su’n, ɔ kle e kɛ e fa e ɲin sie suklu lɔ like klelɛ’n su ɔ (Dan. 1:20; Eza. 54:13; 1 Kor. 3:18-20)

Ndɛ 76

B’a nunnun Zerizalɛmu klɔ’n

1. ?Kɛ nga e fa wun i desɛn’n su lɛ sa’n, ngue sa yɛ w’a tɔ Zerizalɛmu klɔ’n ɔ nin Izraɛlifuɛ’m be su ɔ?

2. ?Wan yɛle Ezekiɛli, yɛ ninnge tɛtɛ benin yɛ Zoova yili i nglo kleli i ɔ?

3. ?Kɛ mɔ Izraɛlifuɛ’m be ɲin w’a yiman Zoova’n, ndɛ benin yɛ Zoova kannin ɔn?

4. ?Kɛ Izraɛlifuɛ’m be yoli ɲin kekle famiɛn Nɛbikadnɛzali su’n, famiɛn’n yoli be sɛ?

5. ?Ngue ti yɛ Zoova yacili Izraɛlifuɛ’m be lɛ mɔ ɲrɛnnɛn dan nga tɔli be su sɔ ɔ?

6. ?Wafa sɛ yɛ Izraɛli nvle’n kali ngbɛn ɔn, yɛ ɔ kali sɔ lele afuɛ nɲɛ?

Kosan nga be klɛ uka su’n:

1. Kanngan 2 Famiɛn Mun 25:1-26 nun.

   1. ?Wan yɛle Sedesiasi, yɛ ngue sa yɛ ɔ juli i su ɔ? ?Wafa sɛ yɛ i sɔ’n yoli maan Ɲanmiɛn nuan ndɛ nga ɔ o Biblu’n nun’n kpɛnnin su ɔ (2 Fam. 25:5-7; Eze. 12:13-15)

   2. ?Wan yɛ Zoova se kɛ ɔ fali Izraɛli yili i sa tɛ’n nun ɔn (2 Fam. 25:9, 11, 12, 18, 19; 2 Nyo. 36:14, 17)

2. Kanngan Ezekiɛl 8:1-18 nun.

   ?Wafa sɛ yɛ asɔnun tɛtɛ’m be yoli kɛ Izraɛlifuɛ mun mɔ be sɔ wia’n sa ɔ (Eze. 8:16; Eza. 5:20, 21; Zan 3:19-21; 2 Tim. 4:3)

Ndɛ 77

Story 77

B’a kotoman i bo

1. ?Ndɛ benin yɛ Babilɔni famiɛn Nɛbikadnɛzali kan kleli nvlefuɛ mun ɔn?

2. ?Ngue ti yɛ Daniɛli i janvuɛ nsan’n b’a kotoman sika ɔkwlɛ sran’n i bo ɔ?

3. ?Kɛ Nɛbikadnɛzali seli Ebre nsan’n kɛ, kɛ bé wá tó jue ekun’n, ɔ fata kɛ be koto sika ɔkwlɛ sran’n i bo’n, wafa sɛ yɛ be kleli kɛ be lafi Zoova su ɔ?

4. ?Ngue yɛ Nɛbikadnɛzali seli i sran mun kɛ be yo Sadraki, Mesaki nin Abɛdi-Nego ɔ?

5. ?Kɛ Nɛbikadnɛzali niannin fur nun lɔ’n, ngue yɛ ɔ wunnin i ɔ?

6. ?Ngue ti yɛ famiɛn’n manmannin Sadraki, Mesaki nin Abɛdi-Nego be Ɲanmiɛn’n niɔn, yɛ ajalɛ benin yɛ gbanflɛn sɔ’m be kle e ɔ?

Kosan nga be klɛ uka su’n:

1. Kanngan Daniɛl 3:1-30 nun.

   1. ?Sɛ be su sa Ɲanmiɛn sufuɛ wie’m be Ɲanmiɛn sulɛ kpa’n be nian’n, ajalɛ benin yɛ Ebre gbanflɛn nsan’n be kleli mɔ e kwla fa su ɔ (Dan. 3:17, 18; Mat. 10:28; Rɔm. 14:7, 8)

   2. ?Afɔtuɛ cinnjin kpa benin yɛ Ɲanmiɛn Zoova mannin Nɛbikadnɛzali ɔ (Dan. 3:28, 29; 4:31, 32)

Ndɛ 78

Talɛ’n i wun fluwa’n

1. ?Kɛ Babilɔni famiɛn’n dí cɛn m’ɔ ko fali Zerizalɛmu lɔ Ɲanmiɛn sua’n i nun klowa mun bali kɛ be nɔn nun’n, ngue sa yɛ ɔ juli ɔ?

2. ?Bɛlsazali seli i sa sifuɛ’m be sɛ? ?Yɛ ngue yɛ b’a kwlɛmɛn i yo ɔ?

3. ?Ngue yɛ famiɛn i nin’n seli i kɛ ɔ yo ɔ?

4. ?Kɛ e nian ndɛ nga Daniɛli kan kleli famiɛn’n, ngue ti yɛ Ɲanmiɛn yoli maan sran sa kun klɛli talɛ’n wun’n niɔn?

5. ?Wafa sɛ yɛ Daniɛli tutuli ndɛ nga be klɛli be talɛ wun’n i bo ɔ?

6. ?Kɛ ndɛ’n te o Daniɛli i nuan’n, ngue sa yɛ ɔ juli ɔ?

Kosan nga be klɛ uka su’n:

1. Kanngan Daniɛl 5:1–30; 6:1 nun.

   1. ?Kɛ Bɛlsazali wunnin talɛ’n wun fluwa’n, srɛ nga ɔ kunnin i’n ɔ nin Ɲanmiɛn srolɛ’n, be nɲɔn’n be ngbaciɛ’n yɛle benin (Dan. 5:6, 7; Jue. 19:10; Rɔm. 8:35-39)

   2. ?Kɛ Daniɛli kán ndɛ klé Bɛlsazali nin i sran dandan mun’n, wafa sɛ yɛ ɔ yili i yakpa yolɛ dan’n i nglo ɔ (Dan. 5:17, 18, 22, 26-28; Yol. 4:29)

   3. ?Wafa sɛ yɛ Daniɛl ndɛ tre 5 ɔ yi i nglo kpa kɛ Zoova ti Ɲanmiɛn mɔ like fi nunmɛn i sin’n niɔn (Dan. 4:14, 22; 5:21)

Ndɛ 79

Asɔmɔli’m be kunman’n nun

1. ?Wan yɛle Dariisi, yɛ wafa sɛ yɛ ɔ bu Daniɛli ɔ?

2. ?Ngue yɛ Daniɛli i kpɔfuɛ’m be seli Dariisi kɛ ɔ yo ɔ?

3. ?Kɛ Daniɛli tili mmla uflɛ nga be kpɛli’n i nganniɛn’n, ngue yɛ ɔ yoli ɔ?

4. ?Ngue ti yɛ Dariisi i wla boli i wun lele mɔ kɔnguɛ’n w’a kwlá lafiman’n niɔn? ?Kpɛkun kɛ lika’n cɛnnin cɛ’n, ngue yɛ ɔ yoli ɔ?

5. ?Wafa sɛ yɛ Daniɛli tɛli Dariisi su ɔ?

6. ?Ngue yɛ ɔ ɲannin sran tɛ nga be waan bé kún Daniɛli’n niɔn? ?Kpɛkun ndɛ benin yɛ Dariisi klɛli ko mannin i nvle’n nunfuɛ’m be kwlaa ɔ?

Kosan nga be klɛ uka su’n:

1. Kanngan Daniɛli 6:2-29.

   1. ?Wafa sɛ yɛ be nga be cicili Daniɛli i wun ndɛ’n, ɔ yo maan e wla kpɛn wafa nga andɛ sran wie’m be tanndan Zoova i Lalofuɛ’m be junman’n i ɲrun’n i su’n niɔn (Dan. 6:8; Jue. 94:20; Eza. 10:1; Rɔm. 8:31)

   2. ?Famiɛn’m be ɲin yilɛ nun’n, wafa sɛ yɛ andɛ Ɲanmiɛn sufuɛ’m be fa Daniɛli i ajalɛ’n su ɔ (Dan. 6:6, 11; Rɔm. 13:1; Yol. 5:29)

   3. ?Wafa sɛ yɛ e kwla su Zoova nin “anwlɛn tankaan” kɛ Daniɛli sa ɔ (Dan. 6:17, 21; Fil. 3:16; Ngl. 7:15)

Ndɛ 80

Babilɔni lɔ tulɛ

1. ?Kɛ nga e fa e wun i desɛn’n su lɛ’n, ngue yɛ Izraɛlifuɛ’m be su yo ɔ?

2. ?Wafa sɛ yɛ Sirisi yoli Zoova i nuan ijɔfuɛ Ezai i ndɛ’n i nuan su sa sɛsɛsɛ ɔ?

3. ?Izraɛlifuɛ nga b’a kwlá saman be sin Zerizalɛmu lɔ’n, ngue ndɛ yɛ Sirisi kan kleli be ɔ?

4. ?Ngue like yɛ Sirisi fa mannin Izraɛlifuɛ mun kɛ be fa sa be sin Zerizalɛmu ɔ?

5. ?Kɛ Izraɛlifuɛ’m bé fá sá be sin Zerizalɛmu lɔ’n, be dili cɛn nɲɛ atin nun?

6. ?Kɛ Izraɛlifuɛ’m be ɔli lomuɛn’n, klɔ’n kali srolo lele afuɛ nɲɛ?

Kosan nga be klɛ uka su’n:

1. Kanngan Ezai 44:28 nin Ezai 45:1-4 nun.

   1. ?Wafa sɛ yɛ Zoova yili i nglo kɛ ndɛ nga ɔ kɛnnin i Sirisi i lika’n, ɔ kpɛnnin su ɔ (Eza. 55:10, 11; Rɔm. 4:17)

   2. ?Kɛ be se kɛ Zoova kwla yi be ɲrun lɔ sa’m be nglo’n, wafa sɛ yɛ i nuan ijɔfuɛ Ezai i ndɛ nga ɔ kɛnnin i Sirisi i lika’n, ɔ kle sɔ ɔ (Eza. 42:9; 45:21; 46:10, 11; 2 Piɛ. 1:20)

2. Kanngan Ɛsdras 1:1-11 nun.

   ?Sɛ e fa be nga b’a kwlá saman be sin Zerizalɛmu lɔ’n be ajalɛ’n, wafa sɛ yɛ andɛ e kwla ‘uka’ be nga be kwla di titi atin bofuɛ junman’n niɔn (Ɛsd. 1:4, 6; Rɔm. 12:13; Kol. 4:12)

Ndɛ 81

Be lafi Ɲanmiɛn su

1. ?Sran nɲɛ yɛ be fali atin tɛnndɛn’n nga ɔ fɛ i Babilɔni lɔ lele fa ju Zerizalɛmu’n niɔn? ?Sanngɛ kɛ be juli Zerizalɛmu’n ngue yɛ be wunnin i ɔ?

2. ?Kɛ Izraɛlifuɛ’m be juli lɔ’n, ngue yɛ be boli i kplanlɛ bo ɔ? ?Yɛ ngue yɛ be kpɔfuɛ’m be yoli ɔ?

3. ?Wan yɛle Aze nin Zakari? ?Yɛ ngue ndɛ yɛ be kan kleli nvlefuɛ mun ɔn?

4. ?Ngue ti yɛ Tatnai klɛli fluwa ɔli Babilɔni ɔ? ?Yɛ wafa sɛ yɛ be tɛli i su ɔ?

5. ?Kɛ Ɛsdrasi tili kɛ be sa w’a mian ninnge wie be wun naan b’a fa yo Ɲanmiɛn i sua’n i klanman’n, ngue yɛ ɔ yoli ɔ?

6. ?Kɛ nga e fa wun i desɛn’n su lɛ’n, like benin ti yɛ Ɛsdrasi su srɛ Ɲanmiɛn ɔn? ?Wafa sɛ yɛ Ɲanmiɛn tɛli i srɛlɛ’n su ɔ, yɛ afɔtuɛ benin yɛ i sɔ’n man e ɔ?

Kosan nga be klɛ uka su’n:

1. Kanngan Ɛsdras 3:1-13 nun.

   ?Sɛ e o lika kun naan Zoova i Lalofuɛ’m be nunman lika sɔ nun’n, ngue yɛ ɔ fata kɛ e yo i titi ɔ (Ɛsd. 3:3, 6; Yol. 17:16, 17; Ebr. 13:15)

2. Kanngan Ɛsdras 4:1-7 nun.

   ?Be nga be nunman Zoova i nvle’n nun wie’n, ngue ajalɛ yɛ Zorobabɛli kle e be lika ɔ (Tul. 34:12; 1 Kor. 15:33; 2 Kor. 6:14-17)

3. Kanngan Ɛsdras 5:1-5, 17 nin Ɛsdras 6:1-22.

   1. ?Ngue ti yɛ Izraɛlifuɛ’m be kpɔfuɛ’m b’a kwlá jranman Ɲanmiɛn i sua kplanlɛ junman’n niɔn (Ɛsd. 5:5; Eza. 54:17)

   2. ?Wafa sɛ yɛ Zuifu kpɛnngbɛn’m be ayeliɛ’n ɔ uka Klistfuɛ Asɔnun kpɛnngbɛn mun naan sɛ be kle be yalɛ’n b’a kunndɛ ngwlɛlɛ Zoova i sa nun ɔn (Ɛsd. 6:14; Jue. 32:8; Rɔm. 8:31; Zak. 1:5)

4. Kanngan Ɛsdras 8:21-23, 28-36 nun.

   ?Ka naan y’a fa e wun y’a wlɛ i like wie yolɛ nun’n, Ɛsdrasi i ajalɛ kpa benin yɛ ɔ fata kɛ e nian su ɔ (Ɛsd. 8:23; Jue.127:1; Nya.10:22; Zak. 4:13-15)

Ndɛ 82

Mardose nin Ɛstɛli

1. ?Wan yɛle Mardose nin Ɛstɛli?

2. ?Ngue ti yɛ famiɛn Asierisi waan ɔ́ já bla uflɛ ɔ, yɛ wan yɛ ɔ fɛli i ɔ?

3. ?Wan yɛle Aman, yɛ ngue ti yɛ ɔ fali ya ɔ?

4. ?Mmla benin yɛ be kpɛli ɔ? ?Yɛ kɛ Ɛstɛli tili Mardose i ngaliɛ’n, ngue yɛ ɔ yoli ɔ?

5. ?Ngue yɛ ɔ juli Aman su ɔ? ?Yɛ ngue yɛ Mardose ɲɛnnin i ɔ?

6. ?Wafa sɛ yɛ Izraɛlifuɛ’m be ɲannin be ti be kpɔfuɛ’m be sa nun ɔn?

Kosan nga be klɛ uka su’n:

1. Kanngan Ɛstɛr 2:12-18 nun.

   ?Wafa sɛ yɛ Ɛstɛli yili i nglo kɛ ‘awlɛn wɛtɛɛ’ ɲanlɛ ‘nin diin’ yolɛ’n ti cinnjin ɔn (Ɛst. 2:15; 1 Piɛ. 3:1-5)

2. Kanngan Ɛstɛr 4:1-17 nun.

   ?Kɛ nga Ɛstɛli fa kleli kɛ ɔ suan Ɲanmiɛn nanwlɛ sulɛ’n i bo’n, andɛ kusu ngue like yɛ e kwla yo m’ɔ kle kɛ e kpɔciman Zoova naan e fa e wla kwlaa e guɛ i su ɔ (Ɛst. 4:13, 14; Mat. 5:14-16; 24:14)

3. Kanngan Ɛstɛr 7:1-6 nun.

   ?Kɛ nga be fa kleli Ɛstɛli i yalɛ sa’n, wafa sɛ yɛ andɛ be kwla kle Ɲanmiɛn sufuɛ’m be yalɛ wie ɔ (Ɛst. 7:4; Mat. 10:16-22; 1 Piɛ. 2:12)

Ndɛ 83

Zerizalɛmu klɔ’n i talɛ’n

1. ?Kɛ mɔ talɛ nunman be klɔ Zerizalɛmu’n i wun ti’n, wafa sɛ yɛ Izraɛlifuɛ’m be wun yo be ɔ?

2. ?Wan yɛle Neemi?

3. ?Ngue junman yɛ Neemi di ɔ? ?Yɛ ngue ti yɛ ɔ ti cinnjin ɔn?

4. ?Ndɛ benin ti yɛ maan Neemi i wla boli i wun’n niɔn? ?Yɛ ngue yɛ ɔ yoli ɔ?

5. ?Wafa sɛ yɛ famiɛn Artaksɛrksɛsi yili i klun ufue’n i nglo Neemi i lika ɔ?

6. ?Kɛ ɔ ko yo naan Izraɛlifuɛ’m be kpɔfuɛ’n b’a jranman junman’n, wafa sɛ Neemi siesieli talɛ’n i kplanlɛ’n niɔn?

Kosan nga be klɛ uka su’n:

1. Kanngan Neemi 1:4-6 nin 2:1-20 nun.

   ?Wafa sɛ yɛ Neemi kunndɛli Zoova i atin’n niɔn (Nee. 2:4, 5; Rɔm. 12:12; 1 Piɛ. 4:7)

2. Kanngan Neemi 3:3-5 nun.

   ?Afɔtuɛ benin yɛ ngbaciɛ nga ɔ o Tekoafuɛ mun nin be “kpɛnngbɛn mun” be afiɛn’n, ɔ man asɔnun kpɛnngbɛn nin asɔnunfuɛ’m be lika nianfuɛ mun ɔn (Nee. 3:5, 27; 2 Tɛs. 3:7-10; 1 Piɛ. 5:5)

3. Kanngan Neemi 3:33-38 nin 4:1-17 nun.

   1. ?Kannzɛ bɔbɔ be kleli be yalɛ dan’n, ngue yɛ ɔ suli Izraɛlifuɛ’m be bo mɔ be dili be junman’n titi i ɔ (Nee. 3:38; 4:2, 3; Jue. 50:15; Eza. 65:13, 14)

   2. ?Wafa sɛ yɛ andɛ’n, Izraɛlifuɛ’m be ajalɛ’n ɔ wla e fanngan ɔn?

4. Kanngan Neemi 6:15 nun.

   ?Wafa sɛ yɛ Zerizalɛmu i talɛ mɔ be fali anglo nɲɔn cɛ be kplannin’n, ɔ kle ta nga Ɲanmiɛn sulafilɛ’n le i’n niɔn (Jue. 56:4, 5; Mat. 17:20; 19:26)

Ndɛ 84

Anzi kun wa wunnin Mali wun

1. ?Wan yɛle bla nga ɔ o desɛn’n su lɛ’n?

2. ?Ngue ndɛ yɛ Gabliɛli kan kleli Mali ɔ?

3. ?Wafa sɛ yɛ Gabliɛli yiyili nun kleli Mali kɛ sɛ bɔɔ ɔ nin a siman bian’n, sanngɛ ɔ́ wá wú ba ɔ?

4. ?Kɛ Mali ɔli i osufuɛ Elizabɛti wun lɔ’n, ngue sa yɛ ɔ juli lɔ ɔ?

5. ?Kɛ Zozɛfu tili i kɛ Mali ti wunnzɛfuɛ’n, ngue angunndan yɛ ɔ buli ɔ, sanngɛ siɛn’n ngue ti yɛ ɔ wa kacili i angunndan’n niɔn?

Kosan nga be klɛ uka su’n:

1. Kanngan Lik 1:26-56 nun.

   1. ?Lik 1:35 waan Zezi i nguan sanwun mɔ Ɲanmiɛn fa wlɛli i Mali mɔ fɔ o i nun’n, i ku sɛ nun’n, ɔ kle sɛ (Aze 2:11-13; Zan 6:69; Ebr. 7:26; 10:5)

   2. ?Kɛ be nin a wuman Zezi’n, wafa sɛ yɛ be mɛnmɛnnin i ɔ (Lik 1:41-43)

   3. ?Be nga andɛ Ɲanmiɛn ninnge’m be nun’n, be ɲan junman ngunmin kun’n, ajalɛ kpa benin yɛ Mali kle be ɔ (Lik 1:38, 46-49; 17:10; Nya. 11:2)

2. Kanngan Matie 1:18-25 nun.

   ?Sɛ bɔbɔ b’a faman sran dunman Emaniɛli b’a tɔnman Zezi’n, sanngɛ wafa sɛ yɛ i junman nga ɔ dili i asiɛ’n su wa’n, ɔ yi dunman sɔ’n i bo’n i nglo ɔ (Mat. 1:22, 23; Zan 14:8-10; Ebr. 1:1-3)

Ndɛ 85

Zezi i awuliɛ’n

1. ?Wan yɛle ba nɔnman kan nga ɔ o desɛn’n su lɛ’n, yɛ ninfan yɛ Mali su lɛ i ɔ?

2. ?Ngue ti yɛ nnɛn’m be like diwlɛ nun yɛ be wuli Zezi ɔ?

3. ?Desɛn’n su’n, wan yɛle sran nga be su wlu nnɛn’m be like diwlɛ nun lɛ’n? ?Yɛ ngue ndɛ yɛ anzi kun kan kleli be ɔ?

4. ?Ngue ti yɛ Zezi ti i liɛ ngunmin ɔn?

5. ?Ngue ti yɛ be kwla flɛ Zezi Ɲanmiɛn i Wa ɔ?

Kosan nga be klɛ uka su’n:

1. Kanngan Lik 2:1-20 nun.

   1. ?Wafa sɛ yɛ Sezar Ogisti yoli maan Zezi i awuliɛ ndɛ nga Ɲanmiɛn nuan ijɔfuɛ’m be kannin’n, ɔ kpɛnnin su ɔ (Lik 2:1-4; Mis. 5:1)

   2. ?Wafa sɛ yɛ sran kun kwla yo ‘sran mɔ Ɲanmiɛn klun jɔ be wun’ be nun kun ɔn (Lik 2:14; Mat. 16:24; Zan 17:3; Sa Nga Be Yoli’n 3:19; Ebr. 11:6)

   3. ?Sɛ Zide nnɛn sunianfuɛ mun mɔ be ti wɛtɛɛfuɛ’n, defuɛ kun i awuliɛ’n ti’n be dili aklunjuɛ, andɛ like dan benin ti yɛ ɔ fata kɛ Ɲanmiɛn sufuɛ’m be di aklunjuɛ ɔ (Lik 2:10, 11; Efɛ. 3:8, 9; Ngl. 11:15; 14:6)

Ndɛ 86

Nzraama kun kle sran atin

1. ?Wan yɛle sran nga be o desɛn’n su lɛ’n, yɛ ngue ti yɛ be nun kun fɛ i sa’n tinndin i nzraama nga ɔ kpaja lɛ’n i su ɔ?

2. ?Ngue ti yɛ awlabɔɛ tɔli famiɛn Erɔdu su ɔ? ?Yɛ ngue yɛ ɔ yoli ɔ?

3. ?Ninfan yɛ nzraama nga ɔ kpaja lɛ’n, ɔ fali sran sɔ mun ɔli ɔ? ?Sanngɛ ngue ti yɛ kɛ bé sá be sin be mɛn nun’n, be fali atin uflɛ ɔ?

4. ?Ngue like yɛ Erɔdu seli i sran mun kɛ be yo ɔ, yɛ ngue ti ɔ?

5. ?Ngue yɛ Zoova seli Zozɛfu kɛ ɔ yo ɔ?

6. ?Wan yɛ ɔ fali nzraama nga ɔ kpaja lɛ’n fiteli ɔ, yɛ ngue ti ɔ?

Kosan nga be klɛ uka su’n:

1. Kanngan Matie 2:1-23 nun.

   ?Kɛ sa sifuɛ’m bé kɔ́ Zezi i wun wunlɛ’n, nn ɔ le afuɛ nɲɛ, yɛ ninfan yɛ ɔ o ɔ (Mat. 2:1, 11, 16)

Ndɛ 87

Zezi i gbanflɛn nun’n ɔ ɔli Ɲanmiɛn sua nun lɔ

1. ?Kɛ e fa e wun i desɛn’n su lɛ’n Zezi le afuɛ nɲɛ, yɛ ninfan yɛle nga ɔ o lɛ’n?

2. ?Ngue yɛ afuɛ kwlaa nun’n Zozɛfu nin i awlobofuɛ’m be yo ɔ?

3. ?Kɛ bé sá be sin Nazarɛti’n mɔ be dili cɛn kun atin nun’n, ngue ti yɛ Zozɛfu nin Mali be sali be sin Zerizalɛmu ɔ?

4. ?Ninfan yɛ Zozɛfu nin Mali be wunnin Zezi ɔ, yɛ ngue ti yɛ be nga be o lɛ’n be nuan w’a bo be wun ɔn?

5. ?Ngue ndɛ yɛ Zezi kan kleli i nin Mali ɔ?

6. ?Ɲanmiɛn i silɛ nun’n, wafa sɛ yɛ e kwla yo kɛ Zezi sa ɔ?

Kosan nga be klɛ uka su’n:

1. Kanngan Lik 2:41-52 nun.

   1. ?Sɛ bɔbɔ Ɲanmiɛn mmla’n seli kɛ yasua’m be kunngba cɛ yɛ be wɔ afuɛ nuan kwlakwla cɛn dilɛ’m be bo’n, andɛ ajalɛ kpa benin yɛ Zozɛfu nin Mali be kle siɛ nin niɛn mun ɔn (Lik 2:41; Mml. 16:16; 31:12; Nya. 22:6)

   2. ?Siɛ nin niɛn’m be ɲin yilɛ nun’n ajalɛ kpa benin yɛ Zezi fa kle gbanflɛn nin talua mun andɛ ɔ (Lik 2:51; Mml. 5:16; Nya. 23:22; Kol. 3:20)

2. Kanngan Matie 13:53-56 nun.

   ?Zezi i niaan’m be nun nnan benin yɛ Biblu’n boli be dunman ɔn, yɛ junman benin yɛ be dili i Klistfuɛ asɔnun’n nun ɔn (Mat. 13:55; Yol. 12:17; 15:6, 13; 21:18; Gal. 1:19; Zak 1:1; Zid 1)

Ndɛ 88

Zan su yo Zezi i batɛmu

1. ?Wan mun yɛle sran nɲɔn nga be o desɛn’n su lɛ’n?

2. ?Wafa sɛ yɛ be yo sran i batɛmu ɔ?

3. ?Sran’n i wafa benin mun sa trele yɛ Zan yo be batɛmu ɔ?

4. ?Ngue sa cinnjin ti yɛ Zezi se Zan kɛ ɔ yo i batɛmu’n niɔn?

5. ?Wafa sɛ yɛ Ɲanmiɛn kleli kɛ i klun jɔ batɛmu nga be yoli Zezi’n i su ɔ?

6. ?Kɛ Zezi kunngba ɔli lika kun ko dili cɛn ba ablanan’n, ngue sa yɛ ɔ juli ɔ?

   7.

7. ?Zezi i sufuɛ annzɛ i sɔnnzɔnfuɛ klikli’m be nun wie yɛle wan? ?Yɛ atrɛ klikli nga Zezi yili’n yɛle benin?

Kosan nga be klɛ uka su’n:

1. Kanngan Matie 3:13-17 nun.

   Ajalɛ benin yɛ Zezi kleli m’ɔ fata kɛ i sɔnnzɔnfuɛ’m be nian su be yo be batɛmu ɔ (Jue. 40:8, 9; Mat. 28:19, 20; Lik 3:21, 22)

2. Kanngan Matie 4:1-11 nun.

   ?Wafa sɛ yɛ Zezi i Biblu’n nun ninnge silɛ kpa’n, ɔ wla e fanngan naan y’a suan Biblu’n nun like titi ɔ (Mat. 4:5-7; 2 Piɛ. 3:17, 18; 1 Zan 4:1)

3. Kanngan Zan 1:29-51 nun.

   ?Zan fɛ i sɔnnzɔnfuɛ’m be ɲin sie i wan su, yɛ wafa sɛ yɛ andɛ e kwla nanti i ajalɛ’n su ɔ (Zan 1:29, 35, 36; 3:30; Mat. 23:10)

4. Kanngan Zan 2:1-12 nun.

   ?Wafa sɛ yɛ Zezi i atrɛ klikli’n, ɔ kle kɛ Ɲanmiɛn i sa timan tankaan i sufuɛ’m be like kpa manlɛ nun ɔn (Zan 2:9, 10; Jue. 84:12; Zak 1:17)

Ndɛ 89

Aata difuɛ’m be fuanlɛ

1. ?Ngue ti yɛ be yo nnɛn’m be atɛ Ɲanmiɛn sua’n nun ɔn?

2. ?Ngue yɛ ɔ kunnin Zezi i ya’n niɔn?

3. ?Kɛ nga amun fa wun i desɛn’n su lɛ’n, ngue yɛ Zezi su yo ɔ, yɛ ngue ndɛ yɛ ɔ kan kleli okunmomo atɛ yofuɛ mun ɔn?

4. ?Kɛ Zezi i sɔnnzɔnfuɛ’m be wunnin like nga ɔ su yo i lɛ’n, ngue ndɛ yɛ be wla kpɛnnin su ɔ?

5. ?Kɛ Zezi sɛ́ i sin Galile’n, akpasua benin su yɛ ɔ sinnin ɔn?

Kosan nga be klɛ uka su’n:

1. Kanngan Zan 2:13-25 nun.

   ?Kɛ e wun ya nga Zezi fɛli i be nga be kaci sika Ɲanmiɛn sua nun be wun’n, wafa sɛ yɛ ɔ fata kɛ e bu Ɲanmiɛn Sielɛ Blɛ sua nun aata dilɛ’n niɔn (Zan 2:15, 16; 1 Kor. 10:24, 31-33)

Ndɛ 90

Zezi nin Samari bla’n

1. ?Ngue ti yɛ Zezi jrannin Samari lɛ gbo kun wun ɔn, yɛ ngue ndɛ yɛ ɔ kan kleli bla kun ɔn?

2. ?Ngue ti yɛ ndɛ nga Zezi kannin’n ɔ boli bla’n i nuan ɔn? ?Ngue ndɛ yɛ ɔ kan kleli bla’n niɔn, yɛ ngue ti yɛ ɔ kannin sɔ ɔ?

3. ?Nzue benin yɛ bla’n bu i kɛ Zezi su kɛn i ndɛ ɔ, sanngɛ nn nzue benin yɛ Zezi kɛn i ndɛ ɔ?

4. ?Ngue ti yɛ ninnge nga Zezi si i bla’n i su’n ɔ boli bla’n i nuan ɔn? ?Yɛ wafa sɛ yɛ Zezi sili i sɔ sa mun ɔn?

5. ?Afɔtuɛ benin mun yɛ e kwla suan be bla nga ɔ o gbo’n su lɔ’n, i ndɛ’n su ɔ?

Kosan nga be klɛ uka su’n:

1. Kanngan Zan 4:5-43 nun.

   1. ?Sɛ e fa Zezi i ajalɛ’n su’n, naan sɛ sran kun timan e nvle nunfuɛ’n annzɛ sɛ ɔ timan kɛ e sa’n, ngue yɛ e su yoman ɔn (Zan 4:9; 1 Kor. 9:22; 1 Tim. 2:3, 4; Tit 2:11)

   2. Sɛ sran kun kaci Zezi i sɔnnzɔnfuɛ’n, Ɲanmiɛn ninnge’m be nun mmlusuɛ benin yɛ ɔ́ ɲɛ́n i ɔ (Zan 4:14; Eza. 58:11; 2 Kor. 4:16)

   3. ?Wafa sɛ yɛ e kwla yo kɛ Samari bla’n m’ɔ kɛn i wun ko kannin ndɛ nga ɔ suannin’n kleli i wiengu mun sa ɔ (Zan 4:6, 7, 28; Mat. 6:33; Lik 10:40-42)

Ndɛ 91

Zezi kan Ɲanmiɛn ndɛ oka’n su

1. ?Desɛn’n su’n, ninfan yɛ Zezi su kle like lɛ ɔ, yɛ wan mun yɛ be ti i wun koko lɛ’n niɔn?

2. ?Akoto blu nin nɲɔn be dunman yɛle onin?

3. ?Ngue yɛle Sielɛ Blɛ nga Zezi kɛn i ndɛ’n?

4. ?Ngue yɛ Zezi kleli sran mun kɛ be fa wla be srɛlɛ nun ɔn?

5. ?Wafa sɛ yɛ Zezi seli kɛ sran’m be nin be wiengu be tran ɔn?

Kosan nga be klɛ uka su’n:

1. Kanngan Matie 5:1-12 nun.

   ?Wafa sɛ yɛ e kwla kle kɛ Ɲanmiɛn ninnge’m be lo e ɔ (Mat. 5:3; Rɔm. 10:13-15; 1 Tim. 4:13, 15, 16)

2. Kanngan Matie 5:21-26 nun.

   ?Wafa sɛ yɛ Matie 5:23, 24 yi i nglo kpa kɛ sɛ ndɛ o e nin e niaan kun e afiɛn’n, nn ɔ ti kɛ ndɛ o e nin Ɲanmiɛn e afiɛn sa’n niɔn (Mat. 6:14, 15; Jue. 133:1; Kol. 3:13; 1 Zan 4:20)

3. Kanngan Matie 6:1-8 nun.

   ?Klɔ sran i ayeliɛ benin mun yɛ ɔ fataman kɛ Klistfuɛ’m be fa su ɔ (Lik 18:11, 12; 1 Kor. 4:6, 7; 2 Kor. 9:7)

4. Kanngan Matie 6:25-34 nun.

   ?Ɲanmiɛn m’ɔ fata kɛ e lafi i su naan y’a ɲan like nga e sa miɛn i wun’n, i su ndɛ benin yɛ Zezi kleli ɔ (Tul. 16:4; Jue. 37:25; Fil. 4:6)

5. Kanngan Matie 7:1-11 nun.

   ?Ngue yɛ sunnzun ase kpa nga e wun i Matie 7:5 nun’n, ɔ kle e ɔ (Nya. 26:12; Rɔm. 2:1; 14:10; Zak. 4:11, 12)

Ndɛ 92

Zezi cɛnnin be nga be wuli’n

1. ?Wan yɛle talua kan nga ɔ o desɛn’n su lɛ i si’n, yɛ ngue ti yɛ awlabɔɛ o bian’n nin i yi’n be su ɔ?

2. ?Kɛ Zairisi wunnin Zezi’n, ngue yɛ ɔ yoli ɔ?

3. ?Kɛ Zezi kɔ́ Zairisi i awlo lɔ’n ngue sa yɛ ɔ juli ɔ, jasin benin yɛ be wa bo kleli Zairisi ɔ?

4. ?Ngue ti yɛ sran nga be o Zairisi i awlo nun lɔ’n be srili Zezi ɔ?

5. ?Kɛ Zezi fali akoto nsan mun’n, ɔ nin ba bla kan’n i si’n nin i nin’n mɔ be wluli talua kan’n i sin lɔ’n, ngue yɛ Zezi yoli ɔ?

6. ?Wan mun yɛ Zezi cɛnnin be nguan ekun ɔn, yɛ ngue yɛ i sɔ’n yi i nglo ɔ?

Kosan nga be klɛ uka su’n:

1. Kanngan Lik 8:40-56 nun.

   ?Wafa sɛ yɛ Zezi sili bla nga mannza tɛnndɛn o i wun’n i aunnvuɛ ngwlɛlɛ su ɔ? ?Yɛ wafa sɛ yɛ andɛ Klistfuɛ asɔnun kpɛnngbɛn’m be kwla fa ajalɛ sɔ’n su ɔ (Lik 8:43, 44, 47, 48; Sau. 15:25-27; Mat. 9:12, 13; Kol. 3:12-14)

2. Kanngan Lik 7:11-17 nun.

   ?Ngue ti yɛ ndɛ nga Zezi kan kleli Nain lɔ angbeti bla’n, ɔ kwla fɔnvɔ be nga be awlɛn su sran kun w’a wu’n niɔn (Lik 7:13; 2 Kor. 1:3, 4; Ebr. 4:15)

3. Kanngan Zan 11:17-44 nun.

   ?Wafa sɛ yɛ Zezi kleli kɛ sɛ e awlɛn su sran kun wu’n e kwla e sun i ɔ (Zan 11:33-36, 38; 2 Sam. 19:1; 19:2-5)

Ndɛ 93

Zezi man sran kaka’m be aliɛ

1. ?Ngue ɲrɛnnɛn sa yɛ ɔ tɔli Zan Batɛmu yofuɛ’n i su ɔ, yɛ sa sɔ’n yoli Zezi sɛ?

2. ?Wafa sɛ yɛ Zezi mannin sran kpanngban nga be suli i su’n be aliɛ ɔ, yɛ aliɛ onga’n i gbogbo nɲɛ yɛ be isali ɔ?

3. ?Ngue ti yɛ srɛ kunnin Zezi i sɔnnzɔnfuɛ mun kɔnguɛ’n niɔn, yɛ ngue sa yɛ ɔ juli Piɛli su ɔ?

4. ?Wafa sɛ yɛ Zezi mannin sran kpanngban be aliɛ ekun ɔn?

5. ?Kɛ Ɲanmiɛn maan Zezi wá dí famiɛn’n asiɛ’n su’n, ngue ti yɛ mɛn’n ɔ́ yó ɲɛnmɛn ɔn?

Kosan nga be klɛ uka su’n:

1. Kanngan Matie 14:1-32 nun.

   1. ?Piɛli i sran’n i wafa benin yɛ Matie 14:23-32 ɔ yi i nglo ɔ?

   2. ?Wafa sɛ yɛ Biblu’n kle kɛ Piɛli i ɲin w’a ti naan i awlɛn’n timan fufu kun ɔn (Mat. 14:27-30; Zan 18:10; 21:7; Yol. 2:14, 37-40; 1 Piɛ. 5:6, 10)

2. Kanngan Matie 15:29-38 nun.

   ?Wafa sɛ yɛ Zezi kle kɛ ɔ yoman ninnge nga i Si Zoova fa mɛn i’n, i finfin ɔn (Mat. 15:37; Zan 6:12; Kol. 3:15)

3. Kanngan Zan 6:1-21 nun.

   ?E siefuɛ’m be ɲin yilɛ nun’n, wafa sɛ yɛ andɛ Klistfuɛ’m be kwla fa Zezi i ajalɛ’n su ɔ (Zan 6:15; Mat. 22:21; Rɔm. 12:2; 13:1-4)

Ndɛ 94

Ɔ klo ba kanngan mun

1. ?Kɛ bé fín lika mmua bé bá’n, ngue like yɛ akoto’m be ngunmin be afiɛn lɔ’n, be sili su akplowa ɔ?

2. ?Ngue ti yɛ Zezi fali bakan kun jrɛnnin i akoto’m be afiɛn lɛ ɔ?

3. ?Wafa sɛ yɛ ɔ fata kɛ akoto’m be yo kɛ ba kanngan mun sa ɔ?

4. ?I sin’n, wafa sɛ yɛ cɛn kun ekun’n, Zezi kleli kɛ ɔ klo ba kanngan mun ɔn?

Kosan nga be klɛ uka su’n:

1. Kanngan Matie 18:1-4 nun.

   ?Ngue ti yɛ Zezi fa ɲanndra fa kle like ɔ (Mat. 13:34, 36; Mark 4:33, 34)

2. Kanngan Matie 19:13-15 nun.

   ?Sɛ e waan é ɲán Ɲanmiɛn i Sielɛ Blɛ’n i suyralɛ’n wie’n, ba kanngan’m be ayeliɛ wafawafa benin yɛ ɔ fata kɛ e nanti su ɔ (Jue. 25:9; 138:6; 1 Kor. 14:20)

3. Kanngan Mark 9:33-37 nun.

   ?Sran dan yolɛ kunndɛlɛ’n su ndɛ benin yɛ Zezi kan kleli i sɔnnzɔnfuɛ mun ɔn (Mark 9:35; Mat. 20:25, 26; Gal. 6:3; Fil. 2:5-8)

4. Kanngan Mark 10:13-16 nun.

   ?Wafa sɛ yɛ Zezi i sin kɔlɛ’n yo ɲɛnmɛn ɔn, yɛ ngue ajalɛ yɛ i sɔ’n kle Klistfuɛ asɔnun kpɛnngbɛn mun ɔn (Mark 9:30-34; Fil. 2:1-4; 1 Tim. 4:12)

Ndɛ 95

Wafa nga Zezi kle like’n

1. ?Kosan benin yɛ bian’n usali Zezi ɔ, yɛ ngue ti ɔ?

2. ?Ngue yɛ Zezi fa kle like ɔ? ?Yɛ ngue yɛ y’a dun mmua y’a wun i wlɛ Zuifu nin Samarifuɛ’m be lika ɔ?

3. ?Ndɛ nga Zezi kɛnnin i lɛ nun’n, ngue sa yɛ ɔ ɲannin Zuifu nga ɔ fin Zerizalɛmu su jra kɔ́ Zeriko’n niɔn?

4. ?Kɛ Ɲanmiɛn ɲrun jranfuɛ nin Levifuɛ’m be sinnin lɛ’n, ngue yɛ be yoli ɔ?

5. ?Desɛn’n su lɛ’n, wan yɛ ɔ su uka Zuifu nga kodiawiefuɛ’m be boli i’n niɔn?

6. ?Kɛ Zezi wieli i ndɛ kan’n, kosan benin yɛ ɔ usali bian’n niɔn, yɛ bian’n tɛli su sɛ?

Kosan nga be klɛ uka su’n:

1. Kanngan Lik 10:25-37 nun.

   1. ?Kɛ ɔ ko yo naan w’a tɛman kosan’n su trele’n, wafa sɛ yɛ Zezi ukali mmla sifuɛ kun naan w’a bu ndɛ nga be kan be’n be sin ɔn (Lik 10:26; Mat. 16:13-16)

   2. ?Be nga be bu i kɛ ninnge nga Zezi yo’n, ɔ ti mmla fɔnlɛ’n, wafa sɛ yɛ ɔ fali ɲanndra mun fa tɛli be su ɔ (Lik 10:36, 37; 18:9-14; Tit 1:9)

Ndɛ 96

Zezi yo sran’m be juejue

1. ?Kɛ Zezi wlánwlán klɔ kanngan mun nin klɔ dandan’m be su’n, nn ɔ́ yó ngue?

2. ?Kɛ be yoli Zezi i batɛmu’n m’ɔ dili afuɛ nsan’n, ngue ndɛ yɛ ɔ kan kleli i sɔnnzɔnfuɛ mun ɔn?

3. ?Wan mun yɛle be nga be o desɛn’n su lɛ’n, yɛ ngue yɛ Zezi yoli mannin bla’n niɔn?

4. ?Ngue ti yɛ kɛ Zezi tɛli Ɲanmiɛn ɲrun jranfuɛ mun ɔ nin mmla klefuɛ’m be su’n, be ɲin guali ase ɔ?

5. ?Kɛ Zezi nin i sɔnnzɔnfuɛ’m be o Zeriko wun koko lɛ’n, ngue yɛ ɔ yoli mannin aɲinsifuɛ nɲɔn nga be srɛsrɛ like be di’n niɔn?

6. ?Ngue ti yɛ Zezi yoli abonuan sa mun ɔn?

Kosan nga be klɛ uka su’n:

1. Kanngan Matie 15:30, 31 nun.

   ?Kɛ e nian Zezi i ninnge nga ɔ yoli’n, Zoova i abonuan tinmin benin yɛ ɔ yi i nglo ɔ? ?Yɛ wafa sɛ yɛ amun bu nda nga Zoova tɛli i kɛ ɔ́ mán mɛn uflɛ’n niɔn (Jue. 37:29; Eza. 33:24)

2. Kanngan Lik 13:10-17 nun.

   ?Wafa sɛ yɛ abonuan ninnge’n i sunman lika nga Zezi yoli i wunmiɛn lolɛ cɛn nun’n, be kle fɔnvɔlɛ nga ɔ́ wá fá mán asiɛ’n sufuɛ mun i afuɛ akpi Sielɛ Blɛ nun’n niɔn (Lik 13:10-13; Jue. 46:10; Mat. 12:8; Kol. 2:16, 17; Ngl. 21:1-4)

3. Kanngan Matie 20:29-34 nun.

   ?Wafa sɛ yɛ ndɛ nga e suɛnnin i lɛ’n kle kɛ sran’m be ukalɛ nun’n, Zezi w’a fɛman le ɔ, yɛ ngue like yɛ i ayeliɛ sɔ kle e ɔ (Mml. 15:7; Zak. 2:15, 16; 1 Zan 3:17)

Ndɛ 97

Zezi ba Famiɛn balɛ

1. ?Kɛ Zezi bá klɔ nga ɔ mantan Zerizalɛmu lɛ su’n, ngue yɛ ɔ seli i sɔnnzɔnfuɛ mun kɛ be yo ɔ?

2. ?Desɛn’n su’n, kɛ Zezi juli Zerizalɛmu wun lɛ’n, ngue sa yɛ ɔ juli ɔ?

3. ?Kɛ ba kanngan’m be wunnin kɛ Zezi su yo aɲinsifuɛ nin bubuwafuɛ’m be juejue’n, ngue yɛ be yoli ɔ?

4. ?Ngue ndɛ yɛ Zezi kan kleli Ɲanmiɛn ɲrun jranfuɛ mun nga be fali ya’n niɔn?

5. ?Wafa sɛ yɛ e kwla yo kɛ ba kanngan nga be manmannin Zezi sa’n niɔn?

6. ?Ndɛ benin yɛ Zezi i sɔnnzɔnfuɛ’m be waan bé wún i bo ɔ?

Kosan nga be klɛ uka su’n:

1. Kanngan Matie 21:1-17 nun.

   1. ?Wafa nga Zezi wluli Zerizalɛmu lɔ kɛ Famiɛn sa’n, ɔ nin wafa nga Rɔmufuɛ’m be blɛ liɛ su sonja kpɛnngbɛn’m be yo ninnge’n, be ngbaciɛ’n yɛle benin (Mat. 21:4, 5; Zkr. 9:9; Fil. 2:5-8; Kol. 2:15)

   2. ?Kɛ Zezi wlú Ɲanmiɛn sua nun lɔ’n, ajalɛ benin yɛ ndɛ nga ba kanngan’m be kɛnnin i Jue Mun 118 nun’n, ɔ man gbanflɛn nin talua mun ɔn (Mat. 21:9, 15; Jue. 118:25, 26; 2 Tim. 3:15; 2 Piɛ. 3:18)

2. Kanngan Zan 12:12-16 nun.

   ?Mme nɲa nga nvlefuɛ’m be bubuli fa yoli Zezi like’n, ɔ kle sɛ (Zan 12:13; Fil. 2:10; Ngl. 7:9, 10)

Ndɛ 98

Olivie Oka’n su

1. ?Zezi o nin desɛn’n su? ?Yɛ wan mun yɛ be nin i o lɛ ɔ?

2. ?Ngue sa yɛ Ɲanmiɛn ɲrun jranfuɛ mun nin mmla klefuɛ’m be waan bé yó Zezi ɔ? ?Yɛ Zezi seli be sɛ?

3. ?Kosan benin yɛ akoto’m be usali Zezi ɔ?

4. ?Kɛ Zezi wá káci Famiɛn ɲanmiɛn su lɔ’n, ninnge nga bé wá yí be wun nglo asiɛ’n su wa’n, ngue ti yɛ ɔ kannin be nun wie’m be ndɛ kleli i akoto mun ɔn?

5. ?Ka naan Zezi w’a nunnun asiɛ’n su wa ninnge tɛtɛ mun’n, ngue yɛ ɔ seli kɛ ɔ́ wá kpɛ́n su ɔ?

Kosan nga be klɛ uka su’n:

1. Kanngan Matie 23:1-39 nun.

   1. ?Kannzɛ bɔɔ ɔ timan tɛ kɛ e junman diwlɛ lɔ be flɛ sran mun e min’n, sanngɛ ndɛ nga Zezi kɛnnin i Matie 23:8-11 nun’n, ɔ kle kɛ i sɔ flɛlɛ’n nin i fata Klistfuɛ asɔnun’n nun (Yol. 26:25; Rɔm. 13:7; 1 Piɛ. 2:13, 14)

   2. ?Ngue yɛ Farizifuɛ’m be fa jran sran’m be ɲrun naan b’a kaciman Klistfuɛ ɔ? ?Yɛ wafa sɛ yɛ andɛ Ɲanmiɛn sulɛ wafa nga ɔ ti tɛ’n be su kpɛnngbɛn’m be fa ajalɛ kunngba sɔ’n niɔn (Mat. 23:13; Lik 11:52; Zan 9:22; 12:42; 1 Tɛs. 2:16)

2. Kanngan Matie 24:1-14 nun.

   1. ?Wafa sɛ yɛ Matie 24:13 yi i nglo kpa kɛ ɔ fata kɛ e tra e awlɛn ɔn?

   2. ?Ndɛ mma “awieliɛ” m’ɔ o Matie 24:13 nun’n, i bo’n yɛle benin (Mat. 16:27; Rɔm. 14:10-12; 2 Kor. 5:10)

3. Kanngan Mark 13:3-10 nun.

   ?Ndɛ benin yɛ ɔ o Mark 13:10 nun m’ɔ kle kɛ ɔ ti cinnjin kɛ be bo jasin fɛ’n niɔn? ?Yɛ wafa sɛ yɛ ɔ fata kɛ Zezi i ndɛ ɔ yo e ɔ (Rɔm. 13:11, 12; 1 Kor. 7:29-31; 2 Tim. 4:2)

Ndɛ 99

Nglo sua ba dan kun nun

1. ?Kɛ nga e fa wun i desɛn’n su lɛ’n, ngue ti yɛ Zezi nin akoto blu nin nɲɔn’n be bali nglo sua ba dan kun nun’n niɔn?

2. ?Wan yɛle sran nga ɔ su kɔ lɛ’n? ?Yɛ ngue yɛ ɔ su ko yo ɔ?

3. ?Kɛ be wieli Delɛ Cɛn Aliɛ’n di’n, aliɛ ngunmin kun benin yɛ Zezi kpɛli i dilɛ ba ɔ?

4. ?Sa benin ti yɛ Izraɛlifuɛ’m be di Delɛ Cɛn Aliɛ’n niɔn? ?Yɛ aliɛ ngunmin kun nga be kpɛli i dilɛ ba’n, ngue su yɛ ɔ kpɛn Zezi i sɔnnzɔnfuɛ’m be wla ɔ ?

5. ?Kɛ be wieli e Min’n i Aliɛ’n i di’n, ngue ndɛ yɛ Zezi kannin kleli i akoto mun ɔn? ?Yɛ kɛ ɔ yoli sɔ’n ngue yɛ be yoli ɔ?

Kosan nga be klɛ uka su’n:

1. Kanngan Matie 26:14-30 nun.

   1. ?Wafa sɛ yɛ Matie 26:15 kle kɛ Zida bɔbɔ i ɲinfu yɛ ɔ fali Zezi mannin ɔn?

   2. ?Like nɲɔn nga Zezi i mmoja’n maan e ɲɛn i’n, yɛle benin (Mat. 26:27, 28; Zer. 31:31-33; Efɛ.1:7; Ebr.9:19, 20)

2. Kanngan Lik 22:1-39 nun.

   ?Kɛ be se kɛ Satan w’a fa Zida mlɔnmlɔn’n i bo’n yɛle benin (Lik 22:3; Zan 13:2; Yol. 1:24, 25)

3. Kanngan Zan 13:1-20 nun.

   1. ?Kɛ nga e fa e wun i Zan 13:2 nun’n sa’n, ɔ nin i fata kɛ be bu sa nga Zida yoli’n i fɔ? ?Yɛ afɔtuɛ benin yɛ i sɔ’n kwla man Ɲanmiɛn i sufuɛ mun ɔn (Bob. 4:7; 2 Kor. 2:11; Gal. 6:1; Zak 1:13, 14)

   2. ?Ngue ajalɛ kpa m’ɔ leman wunsu’n yɛ Zezi kleli i sa trele ɔ (Zan 13:15; Mat. 23:11; 1 Piɛ. 2:21)

4. Kanngan Zan 17:1-26 nun.

   ?Kɛ Zezi srɛli i sɔnnzɔnfuɛ’m be ti kɛ be “yo sran wunmuan” kun’n, i bo’n yɛle benin (Zan 17:11, 21-23; Rɔm. 13:8; 14:19; Kol. 3:14)

Ndɛ 100

Zezi o Zɛtsemane lɔ

1. ?Kɛ Zezi nin i akoto’m be jasoli nglo lɔ sua ba dan nun’n, ninfan yɛ be ɔli ɔ? ?Yɛ ngue yɛ Zezi seli be kɛ be yo ɔ?

2. ?Kɛ Zezi sɛli i sin bali i akoto’m be wun lɛ’n, ngue yɛ ɔ wunnin i kɛ be su yo ɔ? ?Ɔ yoli sɔ kpɛ nɲɛ?

3. ?Wan yɛ ɔ wluli Zɛtsemane lɔ ɔ? ?Kɛ nga e wun i desɛn’n su lɛ’n, ngue yɛ Zida Iskariɔtu yoli ɔ?

4. ?Ngue ti yɛ Zida toli i sa yili Zezi i kɔmin ɔn? ?Kpɛkun ngue yɛ Piɛli yoli ɔ?

5. ?Ngue ndɛ yɛ Zezi kan kleli Piɛli ɔ? ?Kpɛkun ngue ti yɛ Zezi w’a flɛman Ɲanmiɛn kɛ ɔ blɛ i anzi mun ɔn?

Kosan nga be klɛ uka su’n:

1. Kanngan Matie 26:36-56 nun.

   1. ?Ajalɛ benin yɛ Zezi fa kleli i sɔnnzɔnfuɛ mun mɔ andɛ asɔnun kpɛnngbɛn’m be kwla fa su ɔ (Mat. 20:25-28; 26:40, 41; Gal. 5:17; Efɛ. 4:29, 31, 32)

   2. ?Wafa sɛ yɛ Zezi bu alɛ ninnge nga be fɛ i sran i wun’n niɔn (Mat. 26:52; Lik 6:27, 28; Zan 18:36)

2. Kanngan Lik 22:39-53 nun.

   ?Kɛ Zɛtsemane lɔ’n, anzi kun wa wlali Zezi i fanngan’n, ɔ ti kɛ nn Zezi i Ɲanmiɛn sulafilɛ’n su kpɔnzɔ ti ɔ? Amun yiyi nun (Lik 22:41-43; Eza. 49:8; Mat. 4:10, 11; Ebr. 5:7).

3. Kanngan Zan 18:1-12 nun.

   ?Wafa sɛ yɛ Zezi sɛsɛli i sɔnnzɔnfuɛ mun i kpɔfuɛ’m be lika ɔ? ?Yɛ afɔtuɛ benin yɛ i sɔ’n man e ɔ (Zan 10:11, 12; 18:1, 6-9; Ebr. 13:6; Zak 2:25)

Ndɛ 101

Be kunnin Zezi

1. ?I klikli kpa nun’n, wan yɛ i sa o Zezi i wie’n nun ɔn?

2. ?Kɛ Ɲanmiɛn ɲrun jranfuɛ mun nin mmla klefuɛ’m be trali Zezi’n, ngue yɛ akoto’m be yoli ɔ?

3. ?Ngue sa yɛ ɔ juli Kaifu m’ɔ ti Ɲanmiɛn ɲrun jranfuɛ’m be su kpɛn’n, i awlo lɔ ɔ?

4. ?Ngue ti yɛ Piɛli cuɛnnin i wun ko sunnin kpa’n niɔn?

5. ?Kɛ Zezi sɛli i sin Pilati wun lɔ’n, ngue sa yɛ Ɲanmiɛn ɲrun jranfuɛ mun nin mmla klefuɛ’m be kpannin kekle kpa kɛ be yo Zezi ɔ?

6. ?Ya cɛn nnɔsua wia nun’n, ngue yɛ ɔ juli Zezi su ɔ? ?Kpɛkun nda benin yɛ ɔ tali sa tɛ yofuɛ kun nga ɔ mɛntɛn i wun lɛ’n niɔn?

7. ?Nin yɛ Mɛn Klanman nga Zezi kɛn i ndɛ’n, ɔ wo ɔ?

Kosan nga be klɛ uka su’n:

1. Kanngan Matie 26:57-75 nun.

   ?Wafa sɛ yɛ Zuifu’m be Ɲanmiɛn ɲrun jranfuɛ mun nin be mmla klefuɛ mun, ɔ nin be jɔlɛ difuɛ dandan’m be kle kɛ be klun angunndan’n ti tɛ ɔ (Mat. 26:59, 67, 68)

2. Kanngan Matie 27:1-50 nun.

   ?Ngue ti yɛ e kwla se kɛ Zida i nsisɔ’n, ɔ finmɛn i awlɛn’n nun ɔn (Mat. 27:3, 4; Mark 3:29; 14:21; 2 Kor. 7:10, 11)

3. Kanngan Lik 22:54-71 nun.

   ?Kɔnguɛ nga be fali Zezi be mannin’n i nun’n, kɛ Piɛli seli kɛ ɔ siman Zezi’n, ngue yɛ i sɔ’n kle e ɔ (Lik 22:60-62; Mat. 26:31-35; 1 Kor.10:12)

4. Kanngan Lik 23:1-49 nun.

   ?Wafa sɛ yɛ Zezi tɛli ndɛ kwlɛ nga be dili i’n, i su ɔ? ?Yɛ ajalɛ benin yɛ i sɔ’n kle e ɔ (Lik 23:33, 34; Rɔm. 12:17-19; 1 Piɛ. 2:23)

5. Kanngan Zan 18:12-40 nun.

   ?Sɛ bɔbɔ blɛ kun nun’n sran wun srɛ’n ti’n Piɛli kpɔnzɔli’n, ngue yɛ wafa nga ɔ sɛli i sin yoli yakpa m’ɔ kacili akoto’m be nun kpa kun’n, ɔ kle e ɔ (Zan 18:25-27; 1 Kor. 4:2; 1 Piɛ. 3:14, 15; 5:8, 9)

6. Kanngan Zan 19:1-30 nun.

   1. ?Aɲanbeun ninnge’m be nun’n, angunndan sɛsɛ benin yɛ Zezi ɲɛnnin i ɔ (Zan 2:1, 2, 9, 10; 19:23, 24; Mat. 6:31, 32; 8:20)

   2. ?Kɛ Zezi wú’n, wafa sɛ yɛ ndɛ nga ɔ kannin’n, ɔ kle kpa kɛ ɔ jin Zoova i kwlalɛ’n i sin ɔn (Zan 16:33; 19:30; 2 Piɛ. 3:14; 1 Zan 5:4)

Ndɛ 102

Zezi o nguan nun

1. ?Bla benin yɛ ɔ o desɛn’n su lɛ’n niɔn? ?Yɛ wan yɛle bian nɲɔn nga be o lɛ’n? ?Yɛ nin yɛ be ngba be o ɔ?

2. ?Ngue ti yɛ Pilati seli Ɲanmiɛn ɲrun jranfuɛ mun kɛ be fa sonja mun naan be ko nian Zezi i ndia’n su ɔ?

3. ?Kɛ Zezi wuli’n, i cɛn nsan su’n, nglɛmun ndɛ kpa’n, ngue yɛ anzi kun yoli ɔ? ?Sanngɛ ngue yɛ Ɲanmiɛn ɲrun jranfuɛ’m be yoli ɔ?

4. ?Ngue ti yɛ bla nga be ɔli Zezi i ndia’n nun lɔ nianlɛ’n be nuan boli be wun ɔn?

5. ?Ngue ti yɛ Piɛli nin Zan be wanndi ɔli Zezi i ndia’n nun lɔ nianlɛ’n niɔn, yɛ ngue yɛ be wunnin i lɔ ɔ?

6. ?Nin yɛ Zezi i saka’n o ɔ? ?Yɛ ngue yɛ Zezi yoli naan w’a fa kle i sɔnnzɔnfuɛ’m be kɛ ɔ o nguan nun ɔn?

Kosan nga be klɛ uka su’n:

1. Kanngan Matie 27:62-66 nin 28:1-15 nun.

   ?Zezi i nguan cɛnlɛ blɛ nun’n, wafa sɛ yɛ Ɲanmiɛn ɲrun jranfuɛ mun, nin Farizifuɛ mun, ɔ nin sran kpɛnngbɛn mun be fɔnnin Ɲanmiɛn i wawɛ’n i wun ɔn (Mat. 12:24, 31, 32; 28:11-15)

2. Kanngan Lik 24:1-12 nun.

   ?Kɛ e fa e ɲin e sie i Zezi i nguan cɛnlɛ’n su’n, wafa sɛ yɛ Zoova kle kɛ ɔ fata kɛ e lafi bla’m be nuan ndɛ’n su ɔ (Lik 24:4, 9, 10; Mat. 28:1-7)

3. Kanngan Zan 20:1-12 nun.

   ?Wafa sɛ yɛ Zan 20:8, 9 kle e kɛ sɛ e wunman Ɲanmiɛn nuan ndɛ wie’m be wlɛ’n, ɔ fata kɛ e tra e awlɛn e minndɛ ɔ (Nya. 4:18; Mat. 17:22, 23; Lik 24:5-8; Zan 16:12)

Ndɛ 103

Zezi yi i wun nglo kle i sɔnnzɔnfuɛ mun

1. ?Ngue ndɛ yɛ Mali kan kleli sran nga ɔ buli i fiefuɛ’n niɔn, sanngɛ ngue ti yɛ maan ɔ sili kɛ Zezi ɔ?

2. ?Ngue yɛ ɔ ɲannin Zezi i sɔnnzɔnfuɛ nɲɔn nga be su kɔ Emaisi klɔ’n su lɔ’n niɔn?

3. ?Kɛ Zezi i sɔnnzɔnfuɛ nɲɔn’m be seli akoto’m be kɛ be wunnin Zezi’n, ngue abonuan sa yɛ ɔ yoli ɔ?

4. ?Zezi fiteli i sɔnnzɔnfuɛ’m be ɲrun kpɛ nɲɛ?

5. ?Kɛ Zezi i sɔnnzɔnfuɛ’m be seli kɛ be wunnin be Min’n, ngue ndɛ yɛ Toma kannin ɔn, yɛ kɛ ɔ dili le mɔcuɛ kun’n, ngue sa yɛ ɔ yoli ɔ?

Kosan nga be klɛ uka su’n:

1. Kanngan Zan 20:11-29 nun.

   ?Zan 20:23 nun’n, Zezi seli kɛ klɔ sran’m be le atin be yaci sran’m be wun sa tɛ’n cɛ? Amun yiyi nun (Jue. 49:3, 8; Eza. 55:7; 1 Tim. 2:5, 6; 1 Zan 2:1, 2).

2. Kanngan Lik 24:13-43 nun.

   ?Wafa sɛ yɛ e kwla nian nun e suan Biblu’n nun nanwlɛ ndɛ’n niɔn (Lik 24:32, 33; Ɛsd. 7:10; Mat. 5:3; Yol. 16:14; Ebr. 5:11-14)

Ndɛ 104

Zezi sɛ i sin ɲanmiɛn su lɔ

1. ?Zezi i sɔnnzɔnfuɛ nɲɛ yɛ be wunnin i likawlɛ’n niɔn, yɛ ngue ndɛ yɛ ɔ kan kleli be ɔ?

2. ?Ngue yɛle Ɲanmiɛn i Sielɛ Blɛ’n? ?Yɛ kɛ Zezi wá dí afuɛ akpi Famiɛn’n, wafa sɛ yɛ asiɛ’n su wa mɛn dilɛ’n, ɔ́ wá káci ɔ?

3. ?Zezi fiteli i sɔnnzɔnfuɛ’m be ɲrun lele cɛn nɲɛ, sanngɛ siɛn’n ngue yɛ ɔ fata kɛ ɔ yo ɔ?

4. ?Ka naan Zezi w’a jaso w’a wɔ ɲanmiɛn su’n, ngue yɛ ɔ seli i sɔnnzɔnfuɛ’m be kɛ be yo ɔ?

5. ?Ngue yɛ e wun i desɛn’n su lɛ ɔ, yɛ wafa sɛ yɛ ɲanmiɛn ble’n ɔ katali Zezi su i sɔnnzɔnfuɛ’m be ɲrun lɛ ɔ?

Kosan nga be klɛ uka su’n:

1. Kanngan 1 Korɛntfuɛ Mun 15:3-8 nun.

   ?Ngue ti yɛ akoto Pɔlu kwla jrannin su kannin Zezi i nguan cɛnlɛ’n i ndɛ ɔ? ?Yɛ ngue like yɛ andɛ Klistfuɛ’m be kwla lafi su kpa be kɛn i ndɛ ɔ (1 Kor. 15:4, 7, 8; Eza. 2:2, 3; Mat. 24:14; 2 Tim. 3:1-5)

2. Kanngan Sa Nga Be Yoli’n 1:1-11 nun.

   ?Wafa sɛ yɛ Ɲanmiɛn ndɛ’n ɔ truli kɛ nga be kɛnnin i Sa Nga Be Yoli’n 1:8 nun sa’n niɔn (Yol. 6:7; 9:31; 11:19-21; Kol. 1:23)

Ndɛ 105

Be minndɛli Zerizalɛmu lɔ

1. ?Kɛ nga e fa wun i desɛn’n su lɛ sa’n, ngue yɛ ɔ juli Zezi i sɔnnzɔnfuɛ nga be minndɛli Zerizalɛmu lɔ’n be su ɔ?

2. ?Abonuan sa benin yɛ be nga be ɔli Zerizalɛmu lɔ cɛn dilɛ’n, be wunnin i ɔ?

3. ?Ngue ndɛ yɛ Piɛli yiyili nun kleli sran mun ɔn?

4. ?Piɛli i ndɛ nga ɔ kannin’n, ɔ yoli be nga be tili’n be sɛ? ?Yɛ ngue yɛ ɔ seli be kɛ be yo ɔ?

5. ?E blɛ liɛ nun afuɛ 33 nun Pantekɔti nun’n, sran nɲɛ yɛ be yoli be batɛmu ɔ?

Kosan nga be klɛ uka su’n:

1. Kanngan Sa Nga Be Yoli’n 2:1-47 nun.

   1. ?Wafa sɛ yɛ Piɛli i ndɛ nga ɔ o Sa Nga Be Yoli’n 2:23, 36 nun’n, ɔ kle kɛ Zuifu nvle wunmuan’n i sa o Zezi i wie’n nun ɔn (1 Tɛs. 2:14, 15)

   2. ?Ɲanmiɛn ndɛ’n i nun yiyilɛ’n, i su ajalɛ kpa benin yɛ Piɛli kleli ɔ (Yol. 2:16, 17, 29, 31, 36, 39; Kol. 4:6)

   3. ?‘Ɲanmiɛn i lika nga ɔ sie’n, i lakle’n’ mɔ Zezi seli kɛ ɔ́ fá mán Piɛli’n, wafa sɛ yɛ Piɛli fali i nun klikli’n ɔ dili junman ɔn (Yol. 2:14, 22-24, 37, 38; Mat. 16:19)

Ndɛ 106

B’a fin bisua’n nun b’a fite

1. ?Cɛn kun nnɔsua wia nun mɔ Piɛli nin Zan bé kɔ́ Ɲanmiɛn sua nun lɔ’n, ngue sa yɛ ɔ juli ɔ?

2. ?Ngue ndɛ yɛ Piɛli kan kleli bian fɔlɛfuɛ’n niɔn, yɛ ngue yɛ Piɛli fa mɛnnin i m’ɔ ti kpa tra sika’n niɔn?

3. ?Ngue ti yɛ Ɲanmiɛn ɲrun jranfuɛ mun, ɔ nin mmla klefuɛ mun, ɔ nin Sadisefuɛ mun be fali ya ɔ, yɛ ngue yɛ be yoli Piɛli nin Zan ɔn?

4. ?Ngue ndɛ yɛ Piɛli kan kleli Ɲanmiɛn ɲrun jranfuɛ mun, ɔ nin mmla klefuɛ mun, ɔ nin Sadisefuɛ mun ɔn? ?Yɛ ngue like yɛ be wlali akoto’m be su nun kpa kɛ nán be yo i kun ɔn?

5. ?Ngue ti yɛ Ɲanmiɛn ɲrun jranfuɛ mun, ɔ nin mmla klefuɛ mun, ɔ nin Sadisefuɛ mun be fali be ɲin cili akoto mun ɔn? ?Yɛ kɛ be wlali akoto’m be bisua i kpɛ nɲɔn su’n, ngue sa yɛ ɔ juli ɔ?

6. ?Kɛ be fali akoto mun bali jɔlɛ difuɛ dandan’m be ɲrun’n, ngue ndɛ yɛ akoto’m be kannin ɔn?

Kosan nga be klɛ uka su’n:

1. Kanngan Sa Nga Be Yoli’n 3:1-10 nun.

   ?Sɛ bɔbɔ andɛ e yiman atrɛ ninnge mun’n, wafa sɛ yɛ Piɛli i ndɛ nga ɔ o Sa Nga Be Yoli’n 3:6 nun’n, ɔ uka e maan e wun Sielɛ Blɛ jasin fɛ’n i ta’n niɔn (Zan 17:3; 2 Kor. 5:18-20; Fil. 3:8)

2. Kanngan Sa Nga Be Yoli’n 4:1-31 nun.

   ?Kɛ e jasin fɛ’n bolɛ junman nun’n be kle e yalɛ’n, wafa sɛ yɛ e kwla fa afuɛ ya kpɔlɛ klikli nun, e niaan Klistfuɛ’m be ajalɛ’n su ɔ (Yol. 4:29, 31; Efɛ. 6:18-20; 1 Tɛs. 2:2)

3. Kanngan Sa Nga Be Yoli’n 5:17-42 nun.

   ?Laa blɛ nun nin andɛ’n, wafa sɛ yɛ be nga be timan Zoova sufuɛ bɔbɔ’n, be kleli kɛ be bu jasin fɛ’n junman dilɛ’n i wun angunndan kpa ɔ (Yol. 5:34-39)

Ndɛ 107

Be su finfin Etiɛni i yɛbuɛ

1. ?Wan yɛle Etiɛni, yɛ ngue yɛ Ɲanmiɛn ukɛli m’ɔ yoli ɔ?

2. ?Ngue ndɛ yɛ Etiɛni kannin m’ɔ kunnin Ɲanmiɛn ɲrun jranfuɛ mun, ɔ nin mmla klefuɛ mun, ɔ nin Sadisefuɛ mun be ya dan’n niɔn?

3. ?Kɛ sran’m be cuɛnnin Etiɛni be ɔli klɔ’n i sin lɔ’n, ngue yɛ be yoli i ɔ?

4. ?Desɛn’n su lɛ’n, wan yɛle gbanflɛn nga ɔ jin siɛn lɔ mɔ tralɛ’m be guɛ i wun lɛ’n?

5. ?Ka naan Etiɛni w’a wu’n, ɔ srɛli Zoova seli sɛ?

6. ?Sɛ e waan é fá Etiɛni i ajalɛ’n su’n, sɛ sran kun yo e tɛ’n, ngue yɛ ɔ fata kɛ e yo ɔ?

Kosan nga be klɛ uka su’n:

1. Kanngan Sa Nga Be Yoli’n 6:8-15 nun.

   ?Suɛn tɔnlɛ ayeliɛ benin yɛ Ɲanmiɛn sulɛ wafa nga ɔ ti tɛ’n be su kpɛnngbɛn’m be waan bé fá jrán Zoova i Lalofuɛ’m be jasin fɛ’n bolɛ’n niɔn (Yol. 6:9, 11, 13)

2. Kanngan Sa Nga Be Yoli’n 7:1-60; 8:1 nun.

   1. ?Ngue yɛ ɔ ukali Etiɛni m’ɔ boli jasin fɛ’n jɔlɛ difuɛ dandan’m be ɲrun ɔn? ?Yɛ afɔtuɛ benin yɛ i sɔ ajalɛ’n kwla man e ɔ (Yol. 7:58-60; 8:1; Rɔm. 15:4; 2 Tim. 3:14-17; 1 Piɛ. 3:15)

   2. ?Be nga be tanndan e junman’n i ɲrun’n, wafa sɛ yɛ ɔ fata kɛ e nin be e nanti ɔ (Yol. 7:58-60; Mat. 5:44; Lik 23:33, 34)

Ndɛ 108

Damasi atin’n su

1. ?Kɛ be kunnin Etiɛni’n, ngue yɛ Sɔlu yoli ɔ?

2. ?Kɛ Sɔlu kɔ́ Damasi’n, ngue abonuan sa yɛ ɔ juli atin’n su ɔ?

3. ?Ngue yɛ Zezi seli Sɔlu kɛ ɔ yo ɔ?

4. ?Ngue like yɛ Zezi seli Ananiasi kɛ ɔ yo ɔ, yɛ wafa sɛ yɛ Sɔlu kwla wunnin ase ekun ɔn?

5. ?Dunman benin yɛ sran’m be fa flɛ Sɔlu ɔ, yɛ wafa sɛ yɛ Zezi fɛli i dili junman ɔn?

Kosan nga be klɛ uka su’n

1. Kanngan Sa Nga Be Yoli’n 7:60; 8:1-4 nun.

   ?Wafa sɛ yɛ ɲrɛnnɛn nga ɔ tɔli Klistfuɛ asɔnun uflɛuflɛ’n su’n, ɔ yoli maan be nga be lafi Klist su’n be truli lika’n nun ɔn? ?Yɛ like kunngba benin yɛ andɛ e wun i ɔ (Yol. 8:4; Eza. 54:17)

2. Kanngan Sa Nga Be Yoli’n 9:1-20 nun.

   ?Junman nsan benin yɛ Zezi yili i nglo m’ɔ o i klun kɛ ɔ́ fá mán Sɔlu kɛ ɔ di’n niɔn (Yol. 9:15; 13:5; 26:1; 27:24; Rɔm. 11:13)

3. Kanngan Sa Nga Be Yoli’n 22:6-16 nun.

   ?Wafa sɛ yɛ e kwla yo kɛ Ananiasi sa ɔ, yɛ ngue ti yɛ i sɔ yolɛ’n ti cinnjin ɔn (Yol. 22:12; 1 Tim. 3:7; 1 Piɛ. 1:14-16; 2:12)

4. Kanngan Sa Nga Be Yoli’n 26:8-20 nun.

   ?Wafa sɛ yɛ Sɔlu i Klistfuɛ m’ɔ kacili’n, ɔ wla be nga be wun annzɛ be yi timan Klistfuɛ’n, be fanngan andɛ ɔ (Yol. 26:11; 1 Tim. 1:14-16; 2 Tim. 4:2; 1 Piɛ. 3:1-3)

Ndɛ 109

Piɛli ɔli Kɔrnɛyi i awlo lɔ

1. ?Wan yɛle bian nga w’a koto desɛn’n su lɛ’n?

2. ?Ngue ndɛ yɛ anzi kun kan kleli Kɔrnɛyi ɔ?

3. ?Zope lɔ’n, kɛ Piɛli o Simɔn i sua’n i ti gbagblagba’n su lɔ’n, ngue like yɛ Ɲanmiɛn maan ɔ wunnin i ɔ?

4. ?Ngue ti yɛ Piɛli seli Kɔrnɛyi kɛ nán maan ɔ koto i bo ɔ mɛnmɛn i ɔ?

5. ?Ngue ti yɛ sa sɔ’n boli Zuifu nga be lafi Zezi su mɔ be ko sunmannin Piɛli’n be nuan ɔn?

6. ?Afɔtuɛ cinnjin benin yɛ Piɛli i Kɔrnɛyi awlo lɔ kɔlɛ’n ɔ man e ɔ?

Kosan nga be klɛ uka su’n:

1. Kanngan Sa Nga Be Yoli’n 10:1-48 nun.

   ?Ngue yɛ Piɛli i ndɛ nga ɔ o Sa Nga Be Yoli’n 10:42 nun’n, ɔ kle e jasin fɛ’n bolɛ junman’n i su ɔ (Mat. 28:19; Mar. 13:10; Yol. 1:8)

2. Kanngan Sa Nga Be Yoli’n 11:1-18 nun.

   ?Kɛ Piɛli wunnin weiin kɛ Zoova yo be nga be timan Zuifu’n be ye’n, ngue yɛ ɔ yoli ɔ? ?Yɛ wafa sɛ yɛ e kwla fa i ajalɛ sɔ’n su ɔ (Yol. 11:17, 18; 2 Kor. 10:5; Efɛ. 5:17)

Ndɛ 110

Timote w’a kaci Pɔlu i ukafuɛ

1. ?Wan yɛle gbanflɛn nga ɔ o desɛn’n su lɛ’n, yɛ nin yɛ ɔ tran ɔn, yɛ be flɛ i nin’n nin i nannan bla’n sɛ?

2. ?Kɛ Pɔlu seli Timote kɛ ɔ bla naan ɔ nin i nin Silasi be tu ajalɛ be ko bo jasin fɛ’n nvlenvle’m be nun’n, ngue ndɛ yɛ Timote kannin ɔn?

3. ?Nin yɛ be boli Zezi i sɔnnzɔnfuɛ’m be Klistfuɛ’n i flɛlɛ’n, i bo ɔ?

4. ?Kɛ Pɔlu, Silasi nin Timote be jasoli Listri’n, klɔ wie benin nun yɛ be ɔli ɔ?

5. ?Wafa sɛ yɛ Timote ukali Pɔlu ɔ, yɛ andɛ’n, kosan benin yɛ ɔ fata kɛ gbanflɛn nin talua’m be fa usa be wun ɔn?

Kosan nga be klɛ uka su’n:

1. Kanngan Sa Nga Be Yoli’n 9:19-30 nun.

   ?Kɛ be tanndannin jasin fɛ’n bolɛ’n i ɲrun’n, wafa sɛ yɛ Pɔlu sɛsɛli i wun ɔn (Yol. 9:22-25, 29, 30; Mat. 10:16)

2. Kanngan Sa Nga Be Yoli’n 11:19-26 nun.

   ?Wafa sɛ yɛ ndɛ nga ɔ o Sa Nga Be Yoli’n 11:19-21, 26 nun’n, ɔ kleli kɛ Zoova i wawɛ’n o jasin fɛ’n bolɛ junman’n su ɔ?

3. Kanngan Sa Nga Be Yoli’n 13:13-16, 42-52 nun.

   ?Wafa sɛ yɛ ndɛ nga ɔ o Sa Nga Be Yoli’n 13:51, 52 nun’n, ɔ kle kɛ Zezi i sɔnnzɔnfuɛ’m b’a manman be yale klelɛ’n i atin naan w’a bubu be sa sin ɔn (Mat. 10:14; Yol. 18:6; 1 Piɛ. 4:14)

4. Kanngan Sa Nga Be Yoli’n 14:1-6, 19-28 nun.

   ?Kɛ be se kɛ ‘be fa be wlali Zoova mɔ be lafi i su’n, i sa nun’n,’ wafa sɛ yɛ kɛ é fɔ́nvɔ be nga be ti uflɛ’n, ndɛ sɔ’n kwla uka e naan e ngokɔɛ’n w’a tratraman su ɔ (Yol. 14:21-23; 20:32; Zan 6:44)

5. Kanngan Sa Nga Be Yoli’n 16:1-5 nun.

   ?Wafa sɛ yɛ klɛn wlalɛ nga Timote bɔbɔ klunklo su ɔ dili su’n, ɔ kle kɛ ɔ ti cinnjin kɛ e yo ‘like kwlaa jasin fɛ’n ti’ ɔ (Yol. 16:3; 1 Kor. 9:23; 1 Tɛs. 2:8)

6. Kanngan Sa Nga Be Yoli’n 18:1-11, 18-22 nun.

   ?Zezi i jasin fɛ’n junman’n m’ɔ dili’n, i su ndɛ benin yɛ Sa Nga Be Yoli’n 18:9, 10 kan ɔn? ?Yɛ fanngan benin yɛ i sɔ yolɛ’n wla e andɛ ɔ (Mat. 28:20)

Ndɛ 111

Gbanflɛn kun lafili

1. ?Desɛn’n su’n, wan yɛle gbanflɛn nga ɔ la asiɛ wun lɛ’n, yɛ ngue yɛ w’a yo i ɔ?

2. ?Kɛ Pɔlu wunnin kɛ gbanflɛn sɔ’n w’a wu’n, ngue yɛ ɔ yoli ɔ?

3. ?Ninfan yɛ Pɔlu nin Timote, ɔ nin be nga be nin be tuli ajalɛ’n, be su kɔ ɔ? ?Yɛ kɛ be jrannin Mile lɛ’n ngue sa yɛ ɔ juli ɔ?

4. ?Ngue ndɛ yɛ Ɲanmiɛn nuan ijɔfuɛ Agabisi kan kleli Pɔlu ɔ? ?Yɛ wafa sɛ yɛ ndɛ sɔ’n kpɛnnin su ɔ?

Kosan nga be klɛ uka su’n:

1. Kanngan Sa Nga Be Yoli’n 20:7-38 nun.

   1. ?Wafa sɛ yɛ kɛ nga Pɔlu fa kɛnnin i Sa Nga Be Yoli’n 20:26, 27 nun sa’n, e kwla kle kɛ ‘sɛ sran mun be mlin’n ɔ ti be bɔbɔ be ndɛ ɔ’ (Eze. 33:8; Yol. 18:6, 7)

   2. ?Ngue ti yɛ ɔ fata kɛ asɔnun kpɛnngbɛn’m be ‘yo sran m’ɔ lafi ndɛ nanwlɛ nga be kleli i’n su ɔ’ (Yol. 20:17, 29, 30; Tit 1:7-9; 2 Tim. 1:13)

2. Kanngan Sa Nga Be Yoli’n 26:24-32 nun.

   ?Wafa sɛ yɛ Pɔlu jrannin Rɔmufuɛ m’ɔ ti’n i su fa boli jasin fɛ nga Zezi fa mɛnnin i’n, i kpa ɔ (Yol. 9:15; 16:37, 38; 25:11, 12; 26:32; Lik 21:12, 13)

Ndɛ 112

Be mmeli’n bubuli Malti lɔ

1. ?Kɛ mmeli nga Pɔlu o nun’n, ɔ́ sín mɛn nga nzue sin yiɛ i’n mɔ be flɛ i Krɛti i wun lɛ’n, ngue sa yɛ ɔ juli ɔ?

2. ?Ngue ndɛ yɛ Pɔlu kan kle be nga be o mmeli nun’n niɔn?

3. ?Ɔ yo sɛ yɛ mmeli’n bubuli ɔ?

4. ?Ajalɛ benin yɛ sonja su kpɛn’n seli kɛ be fa ɔ? ?Kpɛkun sran nɲɛ yɛ be fiteli nun ɔn?

5. ?Be flɛ mɛn nga nzue sin yiɛ i’n mɔ be ko fiteli su’n sɛ? ?Yɛ kɛ lika’n yoli kpa’n, ngue yɛ be yoli Pɔlu ɔ?

Kosan nga be klɛ uka su’n:

1. Kanngan Sa Nga Be Yoli’n 27:1-44 nun.

   ?Wafa sɛ yɛ kɛ e kanngan Pɔlu i Rɔmu kɔlɛ ndɛ’n nun’n, ɔ wla e Biblu’n nun nanwlɛ ndɛ mɔ e lafi su’n i fanngan kpa ɔ (Yol. 27:16-19, 27-32; Lik 1:3; 2 Tim. 3:16, 17)

2. Kanngan Sa Nga Be Yoli’n 28:1-14 nun.

   ?Sɛ Maltifuɛ nga be timan Klistfuɛ bɔbɔ’n be yoli Pɔlu nin be nga be tɔli nzue nun’n ‘be kpa m’ɔ leman wunsu’n,’ ngue yɛ ɔ fata kɛ i sɔ’n, ɔ su Klistfuɛ’m be bo naan be yo ɔ? ?Yɛ ngue nun yɛ i sɔ yolɛ’n ti cinnjin ɔn (Yol. 28:1, 2; Ebr. 13:1, 2; 1 Piɛ. 4:9)

Ndɛ 113

Pɔlu o Rɔmu lɔ

1. ?Kɛ Pɔlu o bisua Rɔmu lɔ’n, wan mun yɛ ɔ boli jasin fɛ’n kleli be ɔ?

2. ?Desɛn’n su’n, wan yɛle aofuɛ nga ɔ ti tabli’n sin lɛ’n, yɛ ngue yɛ ɔ su yo man Pɔlu ɔ?

3. ?Wan yɛle Epafroditi, yɛ kɛ ɔ́ sɛ́ i sin Filipu’n ngue yɛ ɔ fa ɔli ɔ?

4. ?Ngue ti yɛ Pɔlu klɛli fluwa ko mɛnnin i janvuɛ kpa Filemɔn ɔn?

5. ?Kɛ be yacili Pɔlu nun’n, ngue yɛ ɔ yoli ɔ? ?Yɛ i sin’n, ngue yɛ be yoli i ekun ɔn?

6. ?Wan yɛ Zoova fɛli i kɛ ɔ klɛ Biblu’n nun fluwa kasiɛn mun ɔn, yɛ ngue ndɛ yɛ Sa Nglo Yilɛ fluwa’n kan ɔn?

Kosan nga be klɛ uka su’n:

1. Kanngan Sa Nga Be Yoli’n 28:16-31 ɔ nin Filipfuɛ Mun 1:13 nun.

   ?Wafa sɛ yɛ kɛ Pɔlu o bisua’n, ɔ siesieli i blɛ’n niɔn, yɛ ngue like yɛ i Ɲanmiɛn sulafilɛ sɔ’n mannin Klistfuɛ asɔnun’n niɔn (Yol. 28:23, 31; Fil. 1:14)

2. Kanngan Filipfuɛ Mun 2:19-30 nun.

   ?Klolɛ ndɛ benin yɛ Pɔlu kɛnnin i Timote nin Epafroditi be lika ɔ, yɛ wafa sɛ yɛ e kwla fa Pɔlu i ajalɛ’n su wie ɔ (Fil. 2:20, 22, 25, 29, 30; 1 Kor. 16:18; 1 Tɛs. 5:12, 13)

3. Kanngan Filemɔn 1-25 nun.

   1. ?Ngue su yɛ Pɔlu jrannin wlali Filemɔn fanngan kɛ ɔ yo like nga ɔ ti kpa’n niɔn? ?Yɛ wafa sɛ yɛ andɛ Klistfuɛ asɔnun kpɛnngbɛn’m be kwla fɛ i sɔ ajalɛ’n su be nanti ɔ (Flm. 9; 2 Kor. 8:8; Gal. 5:13)

   2. ?Wafa sɛ yɛ ndɛ nga e wun i Filemɔn 13, 14 nun’n, ɔ kle kɛ Pɔlu i ɲin yi Klistfuɛ nga be o asɔnun nun be ninnge yolɛ’n niɔn (1 Kor. 8:7, 13; 10:31-33)

4. Kanngan 2 Timote 4:7-9 nun.

   ?Kɛ Pɔlu sa’n, wafa sɛ yɛ e kwla lafi su kɛ sɛ e lafi Ɲanmiɛn su lele guɛ i ti nin i bo’n, Zoova kwla yo e mo ɔ (Mat. 24:13; Ebr. 6:10)

Ndɛ 114

Sa tɛ kwlaa i awieliɛ

1. ?Ngue ti yɛ Biblu’n kan nnɛn kpanngɔ nga be o ɲanmiɛn su lɔ’n be ndɛ ɔ?

2. ?Be flɛ Ɲanmiɛn i alɛ nga ɔ́ wá fá wlá sran tɛ nga be o asiɛ’n su wa’n be sin’n, i sɛ? ?Yɛ alɛ sɔ’n i bo yɛle benin?

3. ?Desɛn’n su wa’n, wan yɛ alɛ sɔ nun’n ɔ́ wá dún mmua ɔ? ?Yɛ ngue ti yɛ ɔ wla famiɛn kle ɔ, kpɛkun i tokofi’n i bo yɛle benin?

4. ?Kɛ e nian ndɛ 10, 15 nin 33 nun’n, ngue ti yɛ kɛ Ɲanmiɛn wá núnnún sran tɛ mun’n, ɔ boman e nuan ɔn?

5. ?Wafa sɛ yɛ ndɛ 36 ɔ nin 76 nun be kle kɛ kannzɛ bɔɔ sran tɛ’m be tɔn be wun suɛn kɛ be su Ɲanmiɛn’n, sanngɛ Zoova wá núnnún be ɔ?

Kosan nga be klɛ uka su’n:

1. Kanngan Sa Nglo Yilɛ 19:11-16 nun.

   1. ?Wafa sɛ yɛ Biblu’n kle weiin kɛ Zezi Klist yɛ ɔ ti nnɛn kpanngɔ ufue’n su’n niɔn (Ngl. 1:5; 3:14; 19:11; Eza. 11:4)

   2. ?Wafa sɛ yɛ mmoja nga ɔ guagua Zezi i tralɛ’n su’n, ɔ kle weiin kɛ ɔ́ kwlá be mlɔnmlɔn ɔn (Ngl. 14:18-20; 19:13)

   3. ?Wan mun yɛle alɛ kunfuɛ nga be su Zezi m’ɔ ti nnɛn kpanngɔ ufue su’n, i su’n niɔn (Ngl. 12:7; 19:14; Mat. 25:31, 32)

Ndɛ 115

Mɛn klanman uflɛ kun

1. ?Ngue like yɛ Biblu’n kɛn i ndɛ kɛ é wá ɲɛ́n i Mɛn Klanman’n nun asiɛ’n su wa ɔ?

2. ?Nda benin yɛ Biblu’n tali be nga bé trán Mɛn Klanman’n nun’n niɔn?

3. ?Blɛ benin nun yɛ Zezi yó maan ninnge ɲɛnmɛn sɔ’m bé kpɛ́n su?

4. ?I nun mɔɔ Zezi o asiɛ’n su wa’n, ngue yɛ ɔ yoli m’ɔ kle like nga kɛ ɔ́ wá dí Famiɛn Ɲanmiɛn Sielɛ Blɛ’n nun’n ɔ́ wá yó’n niɔn?

5. ?Kɛ Zezi nin i ukafuɛ’m bé wá dí famiɛn ɲanmiɛn su lɔ’n, ngue yɛ e lafi su kɛ bé wá yó i asiɛ’n su wa ɔ?

Kosan nga be klɛ uka su’n:

1. Kanngan Sa Nglo Yilɛ 5:9, 10 nun.

   ?Ngue ti yɛ e kwla lafi su kɛ be nga bé síe asiɛ’n afuɛ akpi nun’n, bé yó Ɲanmiɛn ɲrun jranfuɛ, nin sran mɔ be klo sran, mɔ be si aunnvuɛ ɔ (Efɛ. 4:20-24; 1 Piɛ. 1:7; 3:8; 5:6-10)

2. Kanngan Sa Nglo Yilɛ 14:1-3 nun.

   ?Kɛ be se kɛ Ɲanmiɛn, ɔ nin bua gbanflɛn’n be dunman’n klɛ sran akpiakpi ya sran akpiakpi ablanan nin nnan (144. 000) be ngban su’n, i bo yɛle benin (1 Kor. 3:23; 2 Tim. 2:19; Ngl. 3:12)

Ndɛ 116

E kwla ɲan nguan tititi

1. ?Sɛ e waan é ɲán anannganman nguan’n ngue yɛ ɔ fata kɛ e suan ɔn?

2. ?Wafa sɛ yɛ e kwla suan Ɲanmiɛn Zoova nin Zezi be su like kɛ ba bla kan nin i janvuɛ’m be yo i desɛn’n su lɛ sa’n niɔn?

3. . ?Fluwa benin yɛ amun wun i desɛn’n su ekun ɔn? ?Yɛ ngue ti yɛ ɔ fata kɛ e ta nun kanngan ɔn?

4. ?Kɛ e wie Zoova nin Zezi be su like suan’n, ngue like uflɛ yɛ ɔ fata kɛ e yo naan y’a ɲan anannganman nguan’n niɔn?

5. ?Afɔtuɛ benin yɛ e suɛnnin i ndɛ 69 nun’n niɔn?

6. ?Ajalɛ kpa benin yɛ bakan Samiɛli kleli i ndɛ 55 nun ɔn?

7. ?Wafa sɛ yɛ e kwla fa Zezi i ajalɛ’n su ɔ? ?Yɛ sɛ e yo i sɔ’n, e ɲrun lɔ’n ngue like yɛ é kwlá yó ɔ?

Kosan nga be klɛ uka su’n:

1. Kanngan Zan 17:3 nun.

   ?Wafa sɛ yɛ Biblu’n kle kɛ Ɲanmiɛn Zoova nin Zezi be su like silɛ’n, ɔ timan kɛ be ti nun sa ngbɛn sa silɛ ɔ (Mat. 7:21; Zak 2:18-20; 1 Zan 2:17)

2. Kanngan Jue Mun 145:1-21 nun.

   1. ?Like sunman nga ti yɛ ɔ fata kɛ e manman Zoova’n, i wie yɛle benin (Jue. 145:8-11; Ngl. 4:11)

   2. ?Wafa sɛ yɛ Zoova “ti kpa man sran mun be kwlakwla” ɔ? ?Yɛ wafa sɛ yɛ i sɔ’n yo maan e fa e wun e mɛntɛn i kpa ekun ɔn (Jue. 145:9; Mat. 5:43-45)

   3. ?Sɛ Zoova i ndɛ lo e’n, ngue yɛ i sɔ’n su e bo kɛ e yo ɔ (Jue. 119:171, 172, 175; 145:11, 12, 21)