E fa e wun mantan Zoova

1. Zoova yi i nglo kɛ ɔ nin sulɛ’n fata.

Sa ng’ɔ yo be’n, ɔ yo i nuan su sa sɛsɛsɛ.

Ndɛ kwlaa ng’ɔ kan be’n, ɔ kaman ngbɛn mlɔnmlɔn le.

E fa e wun mantan Zoova e jran i sin.

I mmla’n su nantilɛ’n ti aɲrunɲan like.

2. I famiɛn bia’n ɔ taka ndɛ nanwlɛ bulɛ’n su.

Aɲrunɲan’n ɔ bo sin yia lika kwlaa ng’ɔ tran’n nun.

Kɛ ɔ yiali e’n, wɛtɛɛfuɛ’m be tu ba kpuu.

E fa e wun e mantan e Ɲanmiɛn Zoova.

I sulɛ nanwlɛ su’n ɔ nin i fata kpa.

3. Ɔ sɔnman ɲanmiɛn m’ɔ la nglo lɔ plaii nun kaan sa.

Be nga be nin i kun’n, wie fi kwlá jranman i ɲrun.

Nda ng’ɔ ta be’n, e lafi su, bé kpɛ́n su.

E mantan Zoova, yɛ e yo i klun sa’n.

Maan klolɛ nga e klo i’n uka su kpe nun.