E manman e Ɲanmiɛn Zoova!

1. Ɲanmiɛn kwla! Zoova nja kwla!

E bo i dunman’n naan be ti!

E kpan kɛ I cɛn’n w’a mantan

I ti’n sran kwlaa tie i afɔtuɛ’n.

E Ɲanmiɛn seli kɛ i Wa Kpɛn’n i

Famiɛn Dilɛ’n blɛ’n w’a ju siɛn’n.

E kan kle sran kwlaa, e kan wafa nga

Ɲanmiɛn ɔ́ yrá be su’n kle be!

2. Ɲanmiɛn kwla! E kɛn i kekle!

E bo ɔ dunman, e bo sro!

E si ye, maan e tu e klun

E manman i dunman’n yakpa su.

Kannzɛ bɔbɔ e Ɲanmiɛn’n ti kpli sɛ,

Sanngɛ ɔ kɛn i wun ase.

Ɔ si aunnvuɛ, yɛ ɔ ti sran klofuɛ.

Sɛ e flɛ i’n ɔ́ tɛ́ e su.