Jue 10
“Min ɔn, sunman min”
(Ezai 6:8)
1. Be saci Ɲanmiɛn i dunman’n.
Be yo i finfin lika’n nun.
‘Finfinfuɛ’n waan Ɲanmiɛn ti tɛ.’
Sinnglinfuɛ’n i waan “ɔ wuli.”
?Wan yɛ ɔ́ mánmán Ɲanmiɛn ɔn?
?Yɛ ɔ́ yɛ́yɛ́ i dunman ɔn?
‘Ɲanmiɛn, ń srɛ́ wɔ, sunman min.
N waan ḿ mánmán wɔ dunman’n.
(I SU SƆLƐ)
Ɔ ti min cenjele like kpa,
Ɲanmiɛn, yaci sunman min.’
2. Srɛ kunman sran mun Ɲanmiɛn wun.
Be waan ɔ bo kokowa ti.
Wie’m be sɔ yɛbuɛyɛbuɛ mun,
Annzɛ Sezar yɛ be sui ɔ.
?Wan yɛ ɔ́ sé klunwifuɛ’n kɛ
Ɲanmiɛn i cɛn’n w’a mantan ɔn?
‘Ɲanmiɛn, ń srɛ́ wɔ, sunman min.
Ń kán ndɛ ń klé klunwifuɛ’n.
(I SU SƆLƐ)
Ɔ ti min cenjele like kpa,
Ɲanmiɛn, yaci sunman min.’
3. Wɛtɛfuɛ’m be wla’n bo be wun,
Afin sa tɛtɛ yolɛ’n trɛ.
Aenvuɛfuɛ’m be klo sa sɛsɛ,
Kpɛkun be klo nanwlɛ dilɛ.
?Wan yɛ ɔ́ kó fɔ́nvɔ be ɔ,
Ɔ́ klé be ndɛnman yolɛ ɔ?
‘Ɲanmiɛn, ń srɛ́ wɔ, sunman min.
Ń kó bó jasin fɛ’n klé be.
(I SU SƆLƐ)
Ɔ ti min cenjele like kpa,
Ɲanmiɛn, yaci sunman min.’
(An nian Jue. 10:4; Eze. 9:4 nun wie.)