Ndɛ m’ɔ kwla yo sran’n i ye’n

1 Korɛntifuɛ Mun 9:19-23

LIKE NG’Ɔ FATA KƐ A YO’N: Uka ɔ ndɛ tiefuɛ mun naan be bu ndɛ’n i su akunndan, naan be wun kɛ ndɛ nga be su tie’n ɔ kwla yo be ye.

WAFA NGA Á YÓ’N:

• Bu like nga ɔ ndɛ tiefuɛ’m be si i laa’n i akunndan. Nán kan like nga be si i laa’n i ndɛ sa ngbɛn guɛ i lɛ. Sanngɛ yo naan ɔ yo be kɛ be nin-a timan ndɛ sɔ’n le sa.

• Kunndɛkunndɛ ɔ ndɛ’n i su ninnge uflɛ wie mun, yɛ bu su akunndan. Ɔ ju wie’n, fa ndɛ wie mɔ ɔ ndɛ tiefuɛ’m be siman nun’n fa yiyi ndɛ cinnjin’m be nun. Sɛ ɔ waan á bó sa kun su’n, bu i akunndan kpa. Maan sa sɔ’n nin ndɛ nga á wá yíyí nun’n be wɔ likawlɛ.

• Kle kɛ ɔ ndɛ’n kwla yo be ye. Kan wafa nga Biblu’n nun ndɛ’n kwla uka ɔ ndɛ tiefuɛ mun’n, i ndɛ. Ndɛ trele wie annzɛ nzuɛn wie, annzɛ ninnge wie mɔ be kwla yo ɔ ndɛ tiefuɛ’m be ye’n, kan be ndɛ.