Aja

Biblu’n nun ndɛ mɔ be kwla uka e’n:

• Bob 24:​1-4, 7—Abraamun w’a yo oke sanngɛ ɔ fuali kpa kɛ ɔ́ já bla kun m’ɔ su Zoova’n mán i wa Izaaki. W’a kplinman su kɛ i wa’n ja Kanaanfuɛ mɔ be sɔ amuin’n be wa bla kun.

• Bob 28:​1-4—Izaaki seli i wa Zakɔbu kɛ nán maan ɔ ja Kanaan bla, sanngɛ ɔ ko ja bla kun m’ɔ su Zoova’n.

Biblu’n nun ndɛ mɔ be kwla uka e’n:

• 1Fa 11:​1-6, 9-11—Zoova fali Famiɛn Salomɔn i wun ya dan kpa afin w’a fɛmɛn i nuan ndɛ’n su. Yɛle kɛ ɔ ko jali nvle uflɛ nun bla mun kpɛkun ɔ nin bla sɔ’m be sɔli be amuin mun.

• Nee 13:​23-27—Kɛ Izraɛlifuɛ’m be ko jali nvle uflɛ nun bla mɔ be suman Zoova’n, kɛ Zoova sa’n Neemin fali be wun ya dan kpa. Ɔ maan ɔ tuli be fɔ kekle kpa.

Biblu’n nun ndɛ mɔ be kwla uka e’n:

• 1Sa 25:​2, 3, 14-17—Nabali ti aɲanbeunfuɛ, sanngɛ i like yolɛ yo ya kpɛkun i klun yo wi. Ɔ maan ɔ timan bian kpa.

• Ɲan 21:9—Sɛ y’a jaman sran kpa’n, e su diman aklunjɔɛ kun.

• Rɔm 7:2—Akoto Pɔlu waan kɛ bla kun ko ja bian’n, i wun mɔ fɔ o i nun’n yɛ ɔ sie i-ɔ. I sɔ’n ti’n, bla ng’ɔ ti ngwlɛlɛfuɛ’n ɔ niannian yasua’m be nun kpa ka naan w’a ja kun.

Biblu’n nun ndɛ mɔ be kwla uka e’n:

• Ɲan 24:27—Ka naan yasua kun w’a ja bla naan w’a wu ba’n, ɔ fata kɛ ɔ di junman kekle naan w’a kwla niɛn i awlobo’n i lika.

Biblu’n nun ndɛ mɔ be kwla uka e’n:

• Rit 2:​4-7, 10-12—Boazi fɛli i ɲin sieli i wafa nga Riti di junman’n nin i su ndɛ nga sran’m be kan’n nin wafa ng’ɔ nin i osufuɛ’m be tran’n, ɔ nin wafa ng’ɔ fa klo Zoova’n be su. Ɔ maan ɔ sili i kpa.

• Rit 2:​8, 9, 20—Riti fɛli i ɲin sieli i Boazi su, yɛ ɔ wunnin kɛ ɔ ti klun ufuefuɛ yɛ ɔ klo Zoova. Ɔ maan ɔ sili i kpa.

Biblu’n nun ndɛ mɔ be kwla uka e’n:

• Ɲan 5:​18, 19—Ninnge wie’m be o lɛ’n, be nga b’a ja bla annzɛ bian’n yɛ be le atin be yo be-ɔ.

• Fɛf 1:2; 2:6—Kɛ bua sunianfuɛ’n nin Silamun talua’n bé nían be wiengu nzuɛn’n, wafa nga be kleli kɛ be klo be wiengu’n ɔ yoli kɛ nga Ɲanmiɛn bɔbɔ fa klo’n sa, w’a yoman sukusuku.

• Fɛf 4:12; 8:​8-10—Silamun talua’n w’a yoman sa sukusuku, ɔ niɛnnin i wun su. Ɔ yoli kɛ fie klanman kun mɔ i anuan’n i nun ti towa’n sa.

Biblu’n nun ndɛ mɔ be kwla uka e’n:

• Bob 21:​8-12—Kannzɛ bɔbɔ ndɛ nga Sara kannin’n w’a yoman Abraamun i fɛ’n, sanngɛ Zoova seli i kɛ ɔ fa su.

• Ɲan 31:​10, 11, 16, 28—Bla kpa nga be kɛn i ndɛ ndɛ mma nga’m be nun’n, i wun’n seman kɛ ɔ́ sí like kwlaa ng’ɔ yo’n nun yɛ ɔ fɛmɛn i ɲin siemɛn i i fɔnlɛ’m be su. Sanngɛ ɔ lafi i su, yɛ ɔ yi i ayɛ.

• Efɛ 5:33—Ndɛ nga Ɲanmiɛn maan akoto Pɔlu klɛli i lɛ’n, ɔ kle kɛ bla’m be kunndɛ kɛ bé wún i wlɛ kɛ be wun’m be klo be.

Biblu’n nun ndɛ mɔ be kwla uka e’n:

• Ɲan 1:8; 1Ko 7:4—Awlo’n nun’n, ɔ le bla’m be kwlalɛ liɛ mɔ Ɲanmiɛn fa mannin be-ɔ.

• 1Ko 11:3—Akoto Pɔlu kleli kɛ e kwlakwla e le siefuɛ, saan Ɲanmiɛn Kpli kunngba cɛ yɛ ɔ leman wie-ɔ.

• Ebr 13:​7, 17—Asɔnun’n nun’n, i yasua-o, i bla-o, ɔ fata kɛ e kwlaa e lo e wun e man be nga be kle e atin’n yɛ e ɲin yi be.

Biblu’n nun ndɛ mɔ be kwla uka e’n:

• Bob 18:12; 1Pi 3:​5, 6—Sara i ɲin yili Abraamun dan. I klun lɔ bɔbɔ’n, ɔ flɛli i kɛ “i min.”

Biblu’n nun ndɛ mɔ be kwla uka e’n:

• Bob 24:​62-67—Kɛ Izaaki i nin’n wuli’n, Rebeka fɔnvɔli i.

• 1Sa 25:​14-24, 32-38—Abigaili kɛnnin i wun ase kpatali Davidi. I lɛ nun’n, ɔ sɛsɛli i wun komofuɛ’n ɔ nin i awlofuɛ’m be kwlaa.

• Ɛst 4:​6-17; 5:​1-8; 7:​1-6; 8:​3-6—Kannzɛ bɔbɔ famiɛn bla Ɛstɛɛ i wun’n w’a flɛmɛn i’n, sanngɛ ɔ ɔli i wun lɔ kpɛ nɲɔn ko srɛli i kɛ ɔ sɛsɛ i nvle’n. I lɛ nun’n, ɔ fɛli i nguan sieli i wie nuan.