Ajalɛ nga e kwla fa’n

Wafa nga e kwla yia sran mun’n

“E bali kɛ é fá fluwa nga é yía ɔ bɔbɔ nin ɔ awlofuɛ mun aɲia cinnjin kpa kun mɔ e yo i afuɛ nuan kwlaa nun’n i bo. Afuɛ’n, é yó aɲia sɔ’n Marsi i le 26 su mɛn wunmuan’n nun. Cɛn sɔ’n nun yɛ Zezi wuli ɔ. Aɲia sɔ’n i bo’n, bé fá Biblu’n bé kán wafa nga Zezi i wie’n yo e ye’n, i ndɛ. E akpasua’n nun wa’n, dɔ nga i su yɛ é yó aɲia’n ɔ nin lika nga é yó’n, be o fluwa nga su. Be tuaman sika aɲia’n i bo.”

Sasafuɛ Tranwlɛ’n Marsi 1

“Sran wie’m be usa kɛ: ‘?E kwla lafi su kɛ be cɛnnin Zezi sakpa?’ ?W’a fa kosan sɔ’n w’a usa ɔ wun le? [Maan sran’n tɛ kosan’n su.] Maan e nian sa ti mɔ kosan sɔ’n i su tɛlɛ’n ti cinnjin’n. [Kanngan 1 Korɛntfuɛ Mun 15:14 nun.] Like nga ti yɛ e si kɛ Zezi i cɛnlɛ’n timan ato ndɛ’n, fluwa nga kɛn i ndɛ.”

Réveillez-vous ! Mars

“Atrɛkpa’n ɔ bɔbɔ a sieli i nzɔliɛ kɛ ba’m be talɛ’n ti kekle kpa e blɛ liɛ’n nga nun. ?Nɛ́n i ɔ? [Maan sran’n tɛ kosan’n su.] Siɛ nin niɛn kpanngban be wunnin afɔtuɛ kpakpa mun Biblu’n nun. I wie yɛle Biblu’n nun ndɛ mma ng’ɔ o yɛ’n. Ɔ ukali siɛ mun naan b’a wun wafa nga be kwla yi be mma’m be ayɛ’n naan be sa sin w’a bubuman be’n. [Kanngan Kolɔsfuɛ Mun 3:21 nun.] Fluwa nga nun’n, be kannin mmla cinnjin nnun mɔ be kwla uka siɛ mun kpa’n, be ndɛ.”