Watchtower ONLINE NA LIBRARYA

Watchtower ONLINE NA LIBRARYA

ONLINE NA LIBRARYA

Salmo 102:25

Bagong Kinaban na Traduksiyon kan Banal na Kasuratan
- 25 Kaidtong haloy nang panahon, ilinatag mo an mga pundasyon kan daga,
  Asin an kalangitan gibo kan saimong mga kamot.+

Isaias 42:5

Bagong Kinaban na Traduksiyon kan Banal na Kasuratan
- 5 Ini an sabi kan tunay na Diyos, si Jehova,
  An Kaglalang kan kalangitan asin an Saro na Pinakanangungurog na nag-unat kaiyan,+
  An Saro na naglatag kan daga asin kan mga bunga kaiyan,+
  An Saro na nagtatao nin hinangos sa mga tawong yaon diyan+
  Asin nin espiritu* sa mga naglalakaw diyan:+

Isaias 45:18

Bagong Kinaban na Traduksiyon kan Banal na Kasuratan
- 18 Huli ta ini an sabi ni Jehova,
  An Kaglalang kan kalangitan,+ an tunay na Diyos,
  An Saro na naghaman kan daga, an Kaggibo kaiyan na marigon na nag-establisar kaiyan,+
  Na dai iyan linalang na mayong katuyuhan,* kundi hinaman iyan tanganing istaran:+
  
  “Ako si Jehova, asin mayo nang iba pa.

Roma 1:20

Bagong Kinaban na Traduksiyon kan Banal na Kasuratan
- 20 Huling an saiyang dai nahihiling na mga kuwalidad*—an saiyang daing sagkod na kapangyarihan+ asin pagka-Diyos+—malinaw na nahihiling puon pa sa paglalang kan kinaban, dahil namamansayan an mga iyan paagi sa mga bagay na linalang,+ kaya dai sindang rason na dai maniwala.

Hebreo 1:10

Bagong Kinaban na Traduksiyon kan Banal na Kasuratan
- 10 Asin: “Sa kapinunan, O Kagurangnan, ilinatag mo an mga pundasyon kan daga, asin an kalangitan gibo kan saimong mga kamot.

Kapahayagan 4:11

Bagong Kinaban na Traduksiyon kan Banal na Kasuratan
- 11 “Maninigo ka, Jehova* na samuyang Diyos, na mag-ako kan kamurawayan+ asin kan onra+ saka kan kapangyarihan,+ dahil linalang mo an gabos na bagay,+ asin huli sa saimong kabutan nag-eksister sinda asin nalalang.”

Kapahayagan 10:6

Bagong Kinaban na Traduksiyon kan Banal na Kasuratan
- 6 asin suminumpa siya sa ngaran kan Saro na nabubuhay sagkod nuarin pa man,+ na naglalang kan langit saka kan mga bagay na yaon diyan asin kan daga saka kan mga bagay na yaon diyan asin kan dagat saka kan mga bagay na yaon diyan,+ na sinasabi: “Dai na nin mangyayaring pag-atraso pa.