2 Asin nakahiling siya nin pitong magagayon asin matatabang baka na naghahawas sa salog, asin nagpuon an mga iyan na magsabsab sa mga duot kan Nilo.+ 3 Asin may pito man na makakanos asin maniniwang na baka na naghahawas sa Nilo kasunod ninda, asin nagtindog an mga iyan sa kataid kan matatabang baka sa may pangpang kan Nilo. 4 Tapos kinakan kan makakanos asin maniniwang na baka an pitong magagayon asin matatabang baka. Dangan napagmata si Faraon.