44 Huli ta ako si Jehova na saindong Diyos;+ dapat kamong magdanay na malinig* asin magin banal,+ huli ta ako banal.+ Kaya dai nindo paggibuhon na maati an saindong sadiri* paagi sa pagkakan kan arin man sa mga linalang na iyan na nag-iiriba-iba na naghihiro sa daga.

6 Huli ta saro kang banal na banwaan ki Jehova na saimong Diyos, asin pinili ka ni Jehova na saimong Diyos na magin saiyang banwaan, an saiyang espesyal na pagsadiri,* hali sa gabos na banwaan na yaon sa ibabaw kan daga.+

9 Alagad kamo “sarong piniling banwaan, sarong katiripunan nin mga saserdoteng hadi, sarong banal na nasyon,+ sarong banwaan na saiyang espesyal na pagsadiri,+ tanganing ipahayag nindo sa gabos na lugar an kaumaw-umaw na mga kuwalidad”+ kan Saro na nag-apod sa saindo hali sa kadikluman pasiring sa saiyang makangangalas na liwanag.+

9 Asin nagkakaranta sinda nin sarong bagong kanta,+ na an sabi: “Maninigo kang magkua kan rolyo asin magbukas kan mga selyo kaiyan, huli ta ginadan ka asin paagi kan saimong dugo nagbakal ka nin mga tawo para sa Diyos+ hali sa lambang tribo asin lengguwahe asin banwaan saka nasyon,+ 10 asin ginibo mo sinda na magin sarong kahadian+ asin mga saserdote kan satuyang Diyos,+ asin papamahalaan ninda an daga bilang mga hadi.”+