5 Maggibo ka man duman nin altar para ki Jehova na saimong Diyos, sarong altar na gibo sa gapo. Dai ka maggamit nin mga kagamitan na lansang para tabasan an mga gapong iyan.+

30 Iyo iyan an panahon na naggibo si Josue nin altar sa Bukid nin Ebal+ para ki Jehova na Diyos kan Israel, 31 arog kan ipinagbuot sa mga Israelita ni Moises na lingkod ni Jehova asin arog kan nakasurat sa libro kan Katugunan+ ni Moises: “Sarong altar na gibo sa mga gapo na dai tinabas, na dai pa ginamitan nin ano man na kagamitan na lansang.”+ Nag-atang sinda sa ibabaw kaiyan nin mga dulot na pigtututong para ki Jehova asin nin mga atang sa pakikikabtang.+