12 “An siisay man na mangulog sa sarong tawo tapos nagadan niya ini, dapat siyang gadanon.+ 13 Pero kun dai niya tinuyong gadanon ini asin itinugot iyan na mangyari kan tunay na Diyos, matalaga ako nin lugar na madudulagan niya.+

4 “Ini an dapat gibuhon kan saro na nakagadan para magdanay siyang buhay: Kun dai niya tinutuyong natamaan an saiyang kapwa asin dai man siya dating naungis sa saiya;+ 5 halimbawa, siya saka an saiyang kapwa nagpasiring sa kadlagan para mangua nin kahoy, asin kan papaludon na niya an puon nin kahoy gamit an saiyang patok, an tarom kan patok natangkas sa tugod asin tinamaan kaiyan an saiyang kapwa na iyo an ikinagadan kaini; an nakagadan dapat na dumulag sa saro sa mga siyudad na iyan para magdanay na buhay.+

2 “Sabihan mo an mga Israelita, ‘Magpili kamo nin mga siyudad na pailihan+ arog kan sinabi ko sa saindo paagi ki Moises, 3 tanganing makadulag pasiring duman an nakagadan nin tawo* na dai tinutuyo o aksidente sana. Asin magseserbi an mga iyan na pailihan nindo sa parabalos kan dugo.+