33 Asin an saindong mga aki magigin mga pastor sa kaawagan sa laog nin 40 taon,+ asin maninimbag sinda dahil sa pagigin bakong maimbod nindo,* sagkod na maubos kamong magadan sa kaawagan.+

11 ‘An mga luminuwas sa Ehipto na 20 anyos pataas, dai ninda mahihiling an daga+ na isinumpa kong itatao ki Abraham, ki Isaac, asin ki Jacob,+ huling dai ninda ako sinunod nin bilog na puso—

35 ‘Mayo ni saro sa mga kabilang sa maraot na henerasyon na ini an makakahiling kan marahay na daga na isinumpa kong itatao sa saindong mga ama,+

11 Kaya sa kaanggutan ko suminumpa ako:

“Dai sinda malaog sa sakuyang kapahingaluan.”+

18 Asin laban kiisay siya suminumpa na dai sinda malaog sa saiyang kapahingaluan? Bako daw na duman sa mga nagin masinuway?

5 Dawa ngani aram nindo ini nin lubos, gusto kong ipagirumdom sa saindo na si Jehova,* maski ngani ilinigtas niya an sarong banwaan hali sa nasyon nin Ehipto,+ linaglag niya idtong mga dai nagpapahiling nin pagtubod.+