18 Kaya sinabi ni Jehova ki Moises: “Kuana si Josue na aki ni Nun, sarong may kakayahan na lalaki,* asin ipatong mo an kamot mo sa saiya.+

21 Matindog siya sa atubangan ni Eleazar na saserdote, na iyo an mahagad ki Jehova nin paggiya para sa saiya paagi sa paggamit kan Urim.+ Sa ano man na ipagbuot niya, masunod sinda gabos—siya saka an gabos na Israelita na kaibanan niya asin an bilog na katiripunan.”

7 Dangan sinabi ni David sa saserdoteng si Abiatar+ na aki ni Ahimelec: “Daraha tabi digdi an efod.”+ Kaya dinara ni Abiatar ki David an efod. 8 Naghapot si David ki Jehova:+ “Dapat ko daw na lapagon an tropang idto nin mga parasamsam? Maaabutan ko pa daw sinda?” Sinabi Niya sa saiya: “Lapagon mo sinda, ta siguradong maaabutan mo pa sinda asin maisasalbar mo gabos na kinurua ninda.”+