15 kun arog kaiyan, dapat mo nanggad na nombrahan bilang hadi an saro na pipilion ni Jehova na saimong Diyos.+ An nonombrahan mong hadi dapat na hali sa saimong mga tugang. Dai ka puwedeng magnombra nin sarong dayuhan na bako mo man tugang. 16 Alagad, dai siya dapat magpadakul nin mga kabayo+ asin dai man niya pagpabalikon sa Ehipto an banwaan tanganing magkua pa nin dakul na kabayo,+ huling sinabihan kamo ni Jehova, ‘Dai na kamo nuarin man magbalik sa dalan na ini.’

26 Igwa si Solomon nin 4,000* na kuwadra para sa saiyang mga kabayong pangkarwahe, asin 12,000 an saiyang mga kabayo.*+