36 “Matrabaho si Bezalel kaiba si Oholiab saka an gabos na lalaking mahuhusay magtrabaho* na tinawan ni Jehova nin kadunungan saka pakasabot tanganing maaraman kun paano gigibuhon an gabos na trabaho para sa banal na paglilingkod sigun sa ipinagbuot ni Jehova.”+

2 Dangan inapod ni Moises si Bezalel saka si Oholiab asin an gabos na lalaking mahuhusay magtrabaho na an puso linagan ni Jehova nin kadunungan,+ an lambang saro na pinahiro kan saiyang puso na magboluntaryo sa paggibo kan gibuhon.+