• Salmo 39:5, 6
    Bagong Kinaban na Traduksiyon kan Banal na Kasuratan

    •  5 Iyo, ginibo mong pipira* sana an mga aldaw ko;+

      Asin an lawig kan sakong buhay garo mayo lang sa atubangan mo.+

      Sigurado nanggad na an lambang tawo sarong hinangos sana, dawa pa siya garo baga nakakasiguro.+ (Selah)

       6 Sigurado nanggad na an lambang tawo naglalakaw na garo sarong anino.

      Sayang sana an saiyang pinagkakasibutan.*

      Nagtatambak siya nin kayamanan, na dai aram kun siisay an makikinabang kaiyan.+