• Salmo 15:1-5
    Bagong Kinaban na Traduksiyon kan Banal na Kasuratan

    • 15 O Jehova, siisay an puwedeng magin bisita sa tolda mo?

      Siisay an puwedeng mag-istar sa banal na bukid mo?+

       2 An saro na naglalakaw na daing sála,*+

      Na naggigibo nin tama,+

      Asin nagtataram nin katotoohan sa puso niya.+

       3 Dai siya nagpapakaraot gamit an saiyang dila,+

      Dai siya naggigibo nin maraot sa saiyang kapwa,+

      Asin dai niya pinapakaraot* an saiyang mga amigo.+

       4 Isinisikwal niya an siisay man na makababaldi,+

      Alagad tinatawan niya nin onra an mga may pagkatakot ki Jehova.

      Dai niya binabawi an panuga* niya, dawa kun magin disbentaha iyan sa saiya.+

       5 Dai siya nagpapautang nin kuwarta na may patubo,+

      Asin dai siya nag-aako nin suhol tanganing akusaran an daing sála.+

      An siisay man na naggigibo kan siring na mga bagay dai nuarin man matatanyog.*+

  • Salmo 84:1-4
    Bagong Kinaban na Traduksiyon kan Banal na Kasuratan

    • 84 Magayunon* na marhay an saimong mamuraway na tabernakulo,+

      O Jehova na pamayo nin mga hukbo!

       2 Nagmamawot an bilog kong pagkatawo,*

      Iyo, nangluluya ako huli sa paghidaw,

      Sa mga patyo ni Jehova.+

      An sakong puso asin an sakong pagkatawo nagkukurahaw na maugma sa buhay na Diyos.

       3 Dawa an gamgam nakakakua duman nin maiistaran

      Asin an balinsasayaw naggigibo duman kan saiyang salagan,*

      Kun sain niya inaataman an saiyang mga siwo

      Harani sa mamuraway mong altar, O Jehova na pamayo nin mga hukbo,

      Sakuyang Hadi asin sakuyang Diyos!

       4 Maugma an mga nag-iistar sa harong mo!+

      Padagos sindang nag-uumaw sa saimo.+ (Selah)