• 2 Samuel 22:8-16
    Bagong Kinaban na Traduksiyon kan Banal na Kasuratan

    •  8 Nagyugo-yugo an daga asin natanyog;+

      Nagkunog-kunog an mga pundasyon kan kalangitan+

      Asin nagyugo-yugo iyan huli sa saiyang kaanggutan.+

       9 Nag-itaas an aso hali sa saiyang dungo,

      Asin sarong kalayong minatumtom an nagluwas sa saiyang nguso;+

      Nag-arab-adab an mga baga hali sa saiya.

      10 Pinakurba niya an kalangitan kan magbaba siya,+

      Asin an mahibog na kadikluman yaon sa irarom kan mga bitis niya.+

      11 Nag-abot siyang naglalayog sakay nin sarong kerubin.+

      Nahiling siyang nakasakay sa mga pakpak nin sarong espiritu.*+

      12 Dangan ginibo niyang sirungan an kadikluman sa palibot niya,+

      An maitom asin mahibog na mga panganuron na may kikilat saka daguldol.

      13 Huli sa kaliwanagan na nasa atubangan niya nag-arab-adab an nagkakalayong mga baga.

      14 Dangan nagpadaguldol si Jehova hali sa langit;+

      Ipinadangog kan Kahuruhalangkawi an boses niya.+

      15 Nagpalayog siya nin mga pana+ sa saiyang mga kaiwal asin nagdurulagan sinda;

      Nagpakikilat siya, asin nagkariribaraw sinda.+

      16 Nahiling an pinakasalóg kan dagat;+

      Nabantad an mga pundasyon kan daga huli sa pagsaway ni Jehova,

      Huli sa makusugon na hinangos hali sa dungo niya.+