• Salmo 135:15-18
    Bagong Kinaban na Traduksiyon kan Banal na Kasuratan

    • 15 An mga idolo kan mga nasyon plata asin bulawan,

      Gibo kan mga kamot nin tawo.+

      16 May nguso sinda, pero dai sinda nakakataram;+

      May mga mata, pero dai sinda nakakahiling;

      17 May mga talinga sinda, pero dai sinda nakakadangog.

      Mayo nin hinangos sa nguso ninda.+

      18 An mga tawong naggigibo sa sainda magigin arog nanggad ninda,+

      Siring man an gabos na nagtitiwala sa sainda.+

  • Jeremias 10:3, 4
    Bagong Kinaban na Traduksiyon kan Banal na Kasuratan

    •  3 Huli ta imahinasyon sana* an mga kostumbre kan mga banwaan.

      Saro sana ining pinalod na kahoy sa kadlagan,

      Na ginibo kan mga kamot kan ekspertong trabahador gamit an saiyang kagamitan.*+

       4 Inadornohan ninda iyan nin plata asin bulawan+

      Asin ipinako iyan gamit an martilyo saka mga pako tanganing dai iyan mapukan.+

  • Jeremias 10:8, 9
    Bagong Kinaban na Traduksiyon kan Banal na Kasuratan

    •  8 Gabos sinda mga daing pag-iisip asin mangmang.+

      An instruksiyon hali sa sarong kahoy saro nanggad na imahinasyon lang.*+

       9 Iniimportar hali sa Tarsis+ an mga dinahon na plata asin hali sa Ufaz an mga bulawan,

      Na gibo nin panday, nin mga kamot kan platero.

      An bado ninda gibo sa torsidong kulor asul saka torsidong lana* na kulor purpura.*

      Gabos sinda gibo nin mga ekspertong trabahador.

  • Gibo 19:26
    Bagong Kinaban na Traduksiyon kan Banal na Kasuratan

    • 26 Ngunyan nahihiling asin nadadangog nindo kun ano an nangyayari bako sana sa Efeso+ kundi sa haros bilog na probinsiya nin Asia. Iniimpluwensiyahan kan Pablong ini an dakul na tawo asin binabago an saindang paniniwala, na sinasabing an mga diyos daa na ginibo nin mga kamot bako man talagang mga diyos.+