-
Salmo 38:22Bagong Kinaban na Traduksiyon kan Banal na Kasuratan
-
-
22 Maghidali kang tabangan ako,
O Jehova, na sakong kaligtasan.+
-
-
Salmo 70:1-5Bagong Kinaban na Traduksiyon kan Banal na Kasuratan
-
-
70 O Diyos, iligtas mo ako;
O Jehova, maghidali kang tabangan ako.+
2 An mga naghahanap sa sako tanganing kuanon an buhay* ko
Lugod na magkasurupog asin mawaran nin onra.
An mga nag-uurugma huli sa nangyayari sa sakong kapahamakan
Lugod na mag-aratras sa kasusupgan.
3 An mga nagsasarabi: “Aha! Aha!”
Lugod na magsiribog sa pagkasupog.
4 Alagad idtong mga naghahanap sa saimo
Lugod na maggaya-gayang marhay asin mag-urugma huli sa saimo.+
Idtong mga nauugmang marhay sa mga ginigibo mong pagliligtas lugod na pirming magsarabi:
“Lugod na ibantog an kadakulaan nin Diyos!”
-