7 May 12 administrador si Solomon na namamahala sa bilog na Israel, asin sinda an nagtatao nin kakanon sa hadi saka sa saiyang pamilya. Turnuhan an kada saro sa sainda sa pagtao nin kakanon sa laog nin sarong bulan kada taon.+

22 An kakanon ni Solomon kada aldaw 30 cor* nin pinong harina asin 60 cor nin ordinaryong harina, 23 10 pinatabang baka, 20 bakang hali sa pasabsaban, asin 100 na karnero, apuwera pa sa mga lalaking usa, mga gasela, mga usang corzo,* asin pinatabang mga gamgam* na kakok.*

4 Kan mahiling kan reyna kan Sheba an gabos na kadunungan ni Solomon,+ an harong na itinugdok niya,+ 5 an kakanon sa saiyang lamesa,+ an areglo nin pagkakatukaw kan saiyang mga opisyal, an pagserbi sa lamesa kan saiyang mga serbidor saka an saindang sulot, an saiyang mga serbidor nin arak, asin an saiyang mga atang na pigtututong na regular niyang idinudulot sa harong ni Jehova, ngalason nanggad siya.*

21 Bulawan an gabos na inuman ni Hading Solomon, asin purong bulawan an gabos na kagamitan sa Harong kan Kadlagan nin Lebanon.+ Mayo nin gibo sa plata, huling kaidtong panahon ni Solomon ibinibilang na mayong halaga an plata.+