16 Nagsimbag si Jehova ki Moises: “Magpili ka nin 70 lalaki sa kamagurangan kan Israel, idtong mga aram mong may kakayahan na kamagurangan asin opisyal kan banwaan,+ asin darahon mo sinda sa tolda nin pakipagtagbuan, asin patindugon mo sinda duman kaiba mo. 17 Mababa ako+ asin makikipag-ulay sa saimo duman,+ asin kukuanon ko an ibang espiritu+ na yaon sa saimo asin ilalaag ko iyan sa sainda, asin tatabangan ka nindang asikasuhon an problema kan banwaan tanganing bako lang ika an magpasan kan responsabilidad na iyan.+