• Isaias 59:7, 8
    Bagong Kinaban na Traduksiyon kan Banal na Kasuratan

    •  7 An saindang mga bitis minadalagan tanganing gumibo nin karatan,

      Asin naghihidali sinda sa paggadan* nin saro na daing sála.+

      An saindang mga kaisipan nakakadanyar na mga kaisipan;

      An kapahamakan asin pagsakit yaon sa saindang mga dalan.+

       8 Dai ninda aram an dalan nin katuninungan,

      Asin mayo nin hustisya sa saindang mga agihan.+

      Ginigibo nindang tiko an saindang mga dalan;

      Mayo nin siisay man na naglalakaw sa mga iyan an makakaaram nin katuninungan.+

  • Jeremias 35:15
    Bagong Kinaban na Traduksiyon kan Banal na Kasuratan

    • 15 Asin padagos kong isinusugo sa saindo an gabos kong lingkod na propeta; pauruutro ko sindang isinusugo*+ tanganing sabihon sa saindo, ‘Talikdan tabi kan lambang saro sa saindo an maraot niyang mga dalan,+ asin gibuhon nindo kun ano an tama! Dai kamo magsunod sa ibang mga diyos asin maglingkod sa sainda. Sa siring, padagos kamong maistar sa daga na itinao ko sa saindo asin sa mga apuon nindo.’+ Pero dai kamo nagtao nin atensiyon* o nagdangog sa sako.