21 Dangan nagsugo si Jehova nin sarong anghel asin ginaradan an gabos na matitibay na parapakilaban,+ lider, saka pamayo sa kampo kan hadi kan Asiria, mala ta nagpuli ini sa sadiri niyang nasyon na grabe an pagkasupog. Kan huri, naglaog siya sa harong* kan saiyang diyos, asin ginadan siya duman kan saiya mismong mga aki paagi sa espada.+ 22 Kaya ilinigtas ni Jehova si Hezekias asin an mga nag-iistar sa Jerusalem sa kamot ni Hading Senakerib kan Asiria asin sa kamot kan gabos na iba pa asin tinawan niya sinda nin kapahingaluan sa enterong palibot.

36 Asin nagluwas an anghel ni Jehova asin ginaradan an 185,000 na suldados sa kampo kan mga Asiriano. Pagbangon nin amay kan mga tawo kinaagahan, nahiling ninda an gabos na bangkay.+ 37 Kaya naghali si Hading Senakerib kan Asiria asin nagpuli sa Nineve+ asin duman nagpirmi.+