• Isaias 8:7, 8
    Bagong Kinaban na Traduksiyon kan Banal na Kasuratan

    •  7 Kaya uya! dadarahon ni Jehova laban sa sainda

      An makusog asin gulping tubig kan Salog,*

      An hadi kan Asiria+ asin an gabos niyang kamurawayan.

      Babahaon niya an gabos niyang pigsusulugan

      Saka lalantupan an gabos niyang pangpang

       8 Asin maragasa sa bilog na Juda.

      Maagi siyang siring sa baha na abot sagkod sa liog;+

      Tatakluban kan saiyang nakabukang mga pakpak an kalakbangan kan saimong daga,

      O Emmanuel!”*+

  • Isaias 10:28-32
    Bagong Kinaban na Traduksiyon kan Banal na Kasuratan

    • 28 Nag-abot siya sa Ayat;+

      Nag-agi siya sa Migron;

      Iwinalat niya sa Micmash+ an bagahe niya.

      29 Nagbalyo sinda sa hababaw na parte kan salog;

      Nagpalihis sinda nin banggi sa Geba;+

      Nagtakig sa takot an Rama, an Gibeah+ ni Saul duminulag na.+

      30 Magkurahaw ka asin magkuragrit, O aking babayi kan Galim!

      Magtao kang atensiyon, O Laisa!

      O kahirak-hirak na Anatot!+

      31 An Madmena nagdulag na.

      An mga nag-iistar sa Gebim naghanap nin pailihan.

      32 Sa mismong aldaw na ini mapundo siya sa Nob.+

      Ihinuhuma niya an nakagugom niyang kamot laban sa bukid kan aking babayi nin Sion,

      An bulod nin Jerusalem.