3 Pero papabayaan kong magtagas an puso ni Faraon,+ asin magibo ako nin dakul na tanda saka milagro sa daga nin Ehipto.+

5 Mamimidbid nanggad kan mga Ehipsiyo na ako si Jehova+ pag ginamit ko an sakuyang kapangyarihan laban sa Ehipto asin pag ilinuwas ko diyan an mga Israelita.”

15 Huli ta puwede ko kutang gamiton an sakuyang kamot para padusahan ka asin an saimong banwaan nin nakakagadan na hilang, asin napara ka na kuta digdi sa daga. 16 Pero sa mismong dahilan na ini pinapabayaan takang magdanay na buhay: tanganing ikapahiling ko sa saimo an sakuyang kapangyarihan asin tanganing ikapahayag ko an sakuyang pangaran sa bilog na daga.+

34 O igwa na daw nin nasyon na pinurbaran nin Diyos na kuanon hali sa tahaw kan saro pang nasyon paagi sa mga paghukom,* sa mga tanda, sa mga milagro,+ sa giyera,+ sa makusog na kamot,+ sa nakaunat na takyag, asin sa makangingirhat na mga gibo,+ arog kan nahiling mismo nindong ginibo ni Jehova na saindong Diyos para sa saindo duman sa Ehipto?

23 Asin may ibang nasyon pa daw sa daga an arog sa banwaan mong Israel?+ Tinubos sinda nin Diyos bilang saiyang banwaan,+ asin ibinantog niya an saiyang pangaran+ paagi sa paggibo nin darakula asin makangangalas na mga bagay para sa sainda.+ Pinalayas mo an mga nasyon asin an saindang mga diyos alang-alang sa saimong banwaan, na tinubos mo sa Ehipto para sa saimong sadiri.