• Isaias 2:2, 3
    Bagong Kinaban na Traduksiyon kan Banal na Kasuratan

    •  2 Sa huring kabtang kan mga aldaw,*

      An bukid kan harong ni Jehova

      Marigon na maeestablisar na halangkaw pa sa alituktok kan mga bukid,+

      Asin ilalangkaw iyan nin mas halangkaw pa sa mga bulod,

      Asin mapasiring diyan nin burunyog an gabos na nasyon.+

       3 Asin dakul na banwaan an maduruman asin masarabi:

      “Madya kamo, magturukad kita sa bukid ni Jehova,

      Sa harong kan Diyos ni Jacob.+

      Tutukduan niya kita manungod sa saiyang mga dalan,

      Asin maralakaw kita sa saiyang mga agihan.”+

      Huling an katugunan* maluwas hali sa Sion,

      Asin an tataramon ni Jehova hali sa Jerusalem.+

  • Isaias 56:6, 7
    Bagong Kinaban na Traduksiyon kan Banal na Kasuratan

    •  6 Kun manungod sa mga taga ibang nasyon na kuminampi ki Jehova tanganing maglingkod sa saiya,

      Tanganing kamutan an pangaran ni Jehova+

      Asin tanganing magin mga lingkod niya,

      Idtong gabos na nag-uutob kan Sabbath asin dai iyan binabasang-basang

      Asin nangangapot sa sakuyang tipan,

       7 Dadarahon ko man sinda sa sakong banal na bukid+

      Asin papangyarihon kong maggaya-gaya sinda sa laog kan sakuyang harong na pamibian.

      An saindang mga bílog na dulot na pigtututong asin an saindang mga atang aakuon sa sakong altar.

      Huling an sakuyang harong aapudon na harong na pamibian para sa gabos na banwaan.”+

  • Mikas 4:1, 2
    Bagong Kinaban na Traduksiyon kan Banal na Kasuratan

    • 4 Sa huring kabtang kan mga aldaw,*

      An bukid kan harong ni Jehova+

      Marigon na maeestablisar na halangkaw pa sa alituktok kan mga bukid,

      Asin ilalangkaw iyan nin mas halangkaw pa sa mga bulod,

      Asin mapasiring diyan nin burunyog an mga banwaan.+

       2 Asin dakul na nasyon an maduruman asin masarabi:

      “Madya kamo, magturukad kita sa bukid ni Jehova

      Asin sa harong kan Diyos ni Jacob.+

      Tutukduan niya kita manungod sa saiyang mga dalan,

      Asin maralakaw kita sa saiyang mga agihan.”

      Huling an katugunan* maluwas hali sa Sion,

      Asin an tataramon ni Jehova hali sa Jerusalem.

  • Zacarias 8:22, 23
    Bagong Kinaban na Traduksiyon kan Banal na Kasuratan

    • 22 Asin dakul na banwaan saka makukusog na nasyon an maarabot sa Jerusalem para hanapon si Jehova na pamayo nin mga hukbo+ asin makimahirak ki* Jehova.’

      23 “Ini an sinabi ni Jehova na pamayo nin mga hukbo, ‘Sa panahon na iyan, sampulong lalaki hali sa gabos na lengguwahe kan mga nasyon+ an makapot, iyo, makapot sinda nin higot sa halabang bado* nin sarong Judio* asin masabi: “Gusto ming mag-iba sa saindo,+ huli ta nabaretaan ming nasa kaibanan nindo an Diyos.”’”+