15 Padagos sindang pinatanidan ni Jehova na Diyos kan saindang mga apuon paagi kan saiyang mga mensahero, pauruutro niya sindang pinatanidan, huling nahirak siya sa saiyang banwaan asin sa saiyang irukan. 16 Alagad pigparatuya-tuya lang ninda an mga mensahero kan tunay na Diyos,+ asin hinamak ninda an mga tataramon niya+ saka inulog-ulog an saiyang mga propeta,+ sagkod na maanggot na marhay si Jehova sa banwaan niya,+ sagkod na dai na sinda kayang paumayan.

26 “Pero nagin masinuway sinda saka nagrebelde sa saimo+ asin tinalikdan ninda an saimong Katugunan.* Ginaradan ninda an saimong mga propeta na nagpatanid sa sainda para ikabalik sinda sa saimo, asin naggibo sinda nin grabeng kawaran nin paggalang.+

30 Pigpasensiyahan mo sinda+ sa laog nin dakul na taon asin pauruutro mo sindang pinatanidan kan saimong espiritu paagi sa saimong mga propeta, pero habo nindang magdangog. Kan huri, itinao mo sinda sa kamot kan mga tawo kan mga kadagaan.+

3 “Sa laog nin 23 na taon, puon kan ika-13 taon kan hadi kan Juda na si Josias+ na aki ni Amon sagkod sa aldaw na ini, minaabot sa sako an tataramon ni Jehova, asin padagos akong nakikipag-ulay sa saindo nin pauruutro,* pero habo nindong magdangog.+