11 Siring sa sarong pastor aatamanon* niya an saiyang aripumpon.+

May kabuutan niyang gigiyahan an mga nagpapasuso kan saindang mga ugbon.+

11 “‘Huli ta ini an sinabi kan Soberanong Kagurangnan na Jehova: “Uni ako, asin ako mismo an mahanap sa sakuyang mga karnero, asin aatamanon ko sinda.+ 12 Aatamanon ko an sakuyang mga karnero siring sa pastor na nasumpungan an saiyang nagkasuruway-suway na mga karnero asin nagpapasabsab sa sainda.+ Ililigtas ko sinda sa gabos na lugar kun sain sinda nagkasuruway-suway kan aldaw na madampog asin may mahibog na kadikluman.+ 13 Iluluwas ko sinda hali sa mga banwaan asin titiripunon sinda hali sa mga kadagaan tapos dadarahon ko sinda sa saindang daga asin papasabsabon sa mga bukid kan Israel,+ sa may gilid kan mga sapa saka kan gabos na pig-iistaran na lugar sa kadagaan.