• Isaias 51:3
    Bagong Kinaban na Traduksiyon kan Banal na Kasuratan

    •  3 Huli ta rarangahon ni Jehova an Sion.+

      Magtatao Siya nin karangahan sa gabos niyang gabang lugar,+

      Asin gigibuhon Niyang magin siring sa Eden an saiyang kaawagan+

      Asin na magin siring sa hardin ni Jehova an saiyang disyertong kapatagan.+

      Magkakaigwa sa saiya nin labi-labing paggaya-gaya asin nin pag-ugma,

      Nin pasasalamat asin nin magayon pagdangugon na kanta.+

  • Jeremias 30:18, 19
    Bagong Kinaban na Traduksiyon kan Banal na Kasuratan

    • 18 Ini an sabi ni Jehova:

      “Titipunon ko an mga nabihag hali sa mga tolda kan Jacob,+

      Asin mahihirak ako sa mga tabernakulo niya.

      Itutugdok giraray an siyudad sa saiyang bulod-bulod,+

      Asin an may matibay na depensang tore papatindugon sa lugar na maninigong kamugtakan kaini.

      19 Asin maluwas hali sa sainda an pasasalamat asin an mga tanog nin pagngisi.+

      Papadakulon ko sinda, asin dai sinda madiit;+

      Papadakulon ko an saindang bilang,*

      Asin dai sinda hahamakon.*+

  • Amos 9:14
    Bagong Kinaban na Traduksiyon kan Banal na Kasuratan

    • 14 Titipunon ko asin ibabalik an mga nagin bihag sa banwaan kong Israel,+

      Asin itutugdok ninda liwat an natiwangwang na mga siyudad, tapos maistar sinda sa mga iyan;+

      Magibo sinda nin mga ubasan asin mainom nin mga arak hali diyan,+

      Asin magibo sinda nin mga tatamnan, tapos kakakanon ninda an mga bunga kaiyan.’+