8 Sa kataid kan linderos kan Juda, puon sa linderos sa sirangan sagkod sa linderos sa sulnupan, an kontribusyon na itatagama nindo dapat na 25,000 na maniko* an lakbang+ asin an laba kapareho kan laba kan kahirasan kan kataid na mga tribo puon sa linderos sa sirangan sagkod sa linderos sa sulnupan. Nasa tahaw kaiyan an santuwaryo.

9 “An kontribusyon na itatagama nindo para ki Jehova dapat na may laba na 25,000 na maniko asin may lakbang na 10,000 na maniko.