6 Asin sinabi ko: “O Diyos ko, nasusupog ako asin dai ko kayang umatubang sa saimo, O Diyos ko, huling an nagibo ming mga sála nagparadakul asin lampas na sa samong payo saka an samuyang kasalan nakaantos na sa langit.+ 7 Puon pa kan panahon kan samuyang mga apuon sagkod sa aldaw na ini, grabe an samuyang kasalan;+ asin huli sa samong mga sála, kami asin an samuyang mga hadi saka an samuyang mga saserdote itinao sa kamot kan mga hadi kan ibang mga nasyon, ginaradan paagi sa espada,+ binihag,+ sinamsaman,+ asin sinupog, arog kan kamugtakan mi ngunyan.+

26 “Pero nagin masinuway sinda saka nagrebelde sa saimo+ asin tinalikdan ninda an saimong Katugunan.* Ginaradan ninda an saimong mga propeta na nagpatanid sa sainda para ikabalik sinda sa saimo, asin naggibo sinda nin grabeng kawaran nin paggalang.+

33 Nagin makatanusan ka sa gabos na nangyari sa samo, huling huminiro kang may kaimbudan; pero kami, grabeng karatan an ginibo mi.+

42 “Nagkasala kami asin nagrebelde,+ asin dai mo pa kami pinapatawad.+