14 Tapos sinasabi nindo, ‘Anong dahilan?’ Huli ta testigo si Jehova sa pag-ultanan mo saka kan babayi na inagom mo kan hoben ka pa, na pigtraydor mo, maski ngani siya an saimong kaiba-iba sa buhay asin legal na agom.*+

32 Minsan siring, sinasabi ko sa saindo na an siisay man na dumiborsiyo sa saiyang agom na babayi, apuwera sana kun dahil sa nagibo kaini na seksuwal na imoralidad,* ibinubugtak an babayi sa peligro na makagibo nin pagsambay, asin an siisay man na mag-agom nin babaying idiniborsiyo sa arog kaiyan na paagi nakakagibo nin pagsambay.+

11 Sinabi niya sa sainda: “An siisay man na dumiborsiyo sa saiyang agom na babayi asin mag-agom nin iba nakakagibo nin pagsambay+ laban sa inot niyang agom, 12 asin kun an sarong babayi magpaagom sa iba pagkatapos niyang idiborsiyo an saiyang agom, nakakagibo siya nin pagsambay.”+

18 “An siisay man na dumiborsiyo sa saiyang agom na babayi asin mag-agom nin iba nakakagibo nin pagsambay, asin an siisay man na mag-agom nin babaying idiniborsiyo kan saiyang agom nakakagibo nin pagsambay.+

3 Kaya, miyentras na buhay an saiyang agom, aapudon siyang babaying nakikisambay kun magin agom siya nin ibang lalaki.+ Pero kun magadan an saiyang agom, talingkas na siya sa katugunan kaini, kaya dai siya nakikisambay kun magin agom siya nin ibang lalaki.+

10 Sa mga may agom may itinatao akong mga instruksiyon, pero bakong hali sa sako kundi hali sa Kagurangnan, na an agom na babayi dai dapat suwayan* an saiyang agom.+

4 Magin kagalang-galang para sa gabos an pag-inaguman, asin magin daing digta an higdaan kan mag-agom,+ huli ta huhukuman nin Diyos an mga tawong imoral* asin mga parasambay.+