• Marcos 10:41-45
    Bagong Kinaban na Traduksiyon kan Banal na Kasuratan

    • 41 Kan maaraman iyan kan sampulong iba pa, nagkaaranggot sinda ki Santiago asin ki Juan.+ 42 Pero pinarani sinda ni Jesus sa saiya asin sinabi sa sainda: “Aram nindo na an mga ibinibilang na mga tagapamahala kan mga nasyon nagdodominar sa mga sakop ninda asin an saindang mga lider naggagamit kan saindang awtoridad sa mga sakop ninda.+ 43 Dapat na bakong arog kaiyan sa saindo; kundi an siisay man na gustong magkaigwa nin dakulang awtoridad sa saindo dapat na magin lingkod nindo,+ 44 asin an siisay man na gustong magin panginot sa saindo dapat na magin uripon kan gabos. 45 Huli ta an Aki nin tawo ngani nag-abot, bako tanganing paglingkudan, kundi tanganing maglingkod+ asin itao an saiyang buhay* bilang pantubos na karibay nin dakul.”+