28 Pagkahiling ki Jesus, nagkurahaw ini asin nagluhod sa atubangan niya, asin nagsabi sa makusog na boses: “Anong tuyo mo, Jesus, Aki kan Kahuruhalangkawing Diyos? Nakikimahirak ako sa saimo, dai mo ako pagpasakitan.”+ 29 (Pinagbubutan kaya ni Jesus an maraot na espiritu na magluwas sa lalaki, na dakul na beses nang sinasaniban* kaiyan.+ Pauruutro siyang kinakadenahan sa kamot saka bitis, asin pirmi siyang binabantayan, pero pinapatod niya an mga kadena saka dinadara siya kan demonyo pasiring sa mga puwerang lugar.) 30 Hinapot siya ni Jesus: “Ano an pangaran mo?” Sinabi niya: “Lehiyon,”* huli ta dakul na demonyo an naglaog sa saiya.