16 Pero kan banggi na, dinarara sa saiya kan mga tawo an dakul na sinasaniban nin demonyo; asin pinalayas niya an mga espiritu paagi sa sarong tataramon, saka pinaumayan niya an gabos na nasasakitan, 17 tanganing mautob an sinabi paagi ki Isaias na propeta: “Siya mismo an nagkua kan samuyang mga kamatian asin nagdara kan samong mga hilang.”+

32 Kinabanggihan, pagkasulnop kan aldaw, dinarara sa saiya kan mga tawo an gabos na may hilang asin sinasaniban nin demonyo;+ 33 asin an mga tawo sa bilog na siyudad nagkatiripon sa may pintuan. 34 Kaya pinaumayan niya an dakul na igwa nin manlain-lain na hilang,+ asin pinalayas niya an dakul na demonyo, pero dai niya tinugutan an mga demonyo na magtaram, huli ta aram nindang siya an Cristo.*