35 “‘Kun an saimong tugang na nakaistar harani sa saimo magin pobre asin dai na niya masuportaran an saiyang sadiri, dapat mo siyang tabangan+ kapareho kan gigibuhon mo sa sarong dayuhan na residente asin sa sarong nakikihimanwa,+ para magdanay siyang buhay kaiba mo. 36 Dai mo siya paghagadan nin interes o pagdilensiyahan.+ Dapat kang magkaigwa nin pagkatakot sa saimong Diyos,+ asin an saimong tugang magdadanay na buhay kaiba mo.

7 “Kun an saro sa saimong mga tugang magin pobre sa saro sa saimong mga siyudad sa daga na itinatao sa saimo ni Jehova na saimong Diyos, dai mo pagpatagason an saimong puso sa saimong pobreng tugang asin dai ka magin kuripot* sa saiya.+ 8 Huli ta dapat kang magin bukas-palad sa saiya+ asin dapat mo nanggad siyang pautangon* kan ano man na kaipuhan o katikapuhan niya.

42 Tawan mo an naghahagad sa saimo, asin dai mo pagtalikudan an gustong mag-utang* sa saimo.+