24 sinabi niya: “Maghali kamo digdi, ta dai man nagadan an daragita. Nagtuturog lang siya.”+ Huli kaini, mapagtuya ninda siyang pigngirisihan. 25 Kan napaluwas na an mga tawo, naglaog siya saka kinaputan an kamot kan daragita,+ asin buminangon ini.+

14 Dangan nagrani siya asin dinutan an tiheras kan gadan, asin nagpundo an mga nagbuburulig. Tapos sinabi niya: “Lalaki,* sinasabi ko sa saimo, magbangon ka!”+ 15 Asin an gadan na lalaki nagbangon saka nagpuon na magtaram, asin itinao siya ni Jesus sa saiyang ina.+

43 Pagkasabi niya kaiyan, nagkurahaw siya nin makusog: “Lazaro, lumuwas ka!”+ 44 An tawong nagadan nagluwas na napupuruputan nin tela an mga bitis saka mga kamot, asin napapatos man nin tela an saiyang lalawgon. Sinabi ni Jesus sa sainda: “Haralion nindo an nakapurupot sa saiya asin palakawon nindo siya.”