26 An mga tugang kaya sa Macedonia asin Acaya maugmang nagtao kan saindang donasyon* para sa mga pobre duman sa mga banal sa Jerusalem.+ 27 Iyo, maugma sinda sa paggibo kaiyan, asin sa katunayan may pagkakautang sinda sa mga banal na nasa Jerusalem; huling kun an mga nasyon nakinabang sa espirituwal na mga bagay kan mga banal na nasa Jerusalem, may obligasyon sindang magtabang man sa mga ini paagi sa saindang materyal na mga bagay.+

6 Dugang pa, an siisay man na tinutukduan* kan tataramon maghiras kan gabos na marahay na bagay sa saro na nagtatao kan siring na pagtutukdo.*+

15 An totoo, aram man nindong mga taga Filipos na pagkatapos nindong inot na maaraman an maugmang bareta, asin kan maghali ako sa Macedonia, mayo ni sarong kongregasyon an nakatao nin tabang sa sako o nakaresibi kan tabang ko, kundi kamo sana;+ 16 mala ta kan yaon ako sa Tesalonica, may ipinadara kamo sa sako para sa pangangaipo ko, bako sanang sarong beses kundi duwang beses. 17 Dai man buot sabihon na nagmamawot ako nin regalo, kundi gusto kong mahiling an bunga na urog na magpapadakul kan saindong kayamanan.