20 Kun siring, mayo nin siisay man* an maipapahayag na matanos sa atubangan niya paagi sa mga gibong hinahagad nin katugunan,+ huli ta an itinatao nin katugunan iyo an tamang kaaraman mapadapit sa kasalan.+

21 Alagad nahayag ngunyan na an saro puwedeng magin matanos sa atubangan nin Diyos na dai nagdedepende sa katugunan,+ siring kan sinasabi kan Katugunan asin kan Mga Propeta.+ 22 Iyo, puwedeng magin matanos sa atubangan nin Diyos paagi sa pagtubod ki Jesu-Cristo, asin bukas ini sa gabos na may pagtubod. Huli ta mayo nin pagkakalain-lain an mga tawo.+